Levítico 23
23
1Li Ka̱cuaꞌ quia̱tinac riqꞌuin laj Moisés ut quixye re: 2—Ta̱ye reheb laj Israel cꞌaꞌru naxye li chakꞌrab chirixeb li ninkꞌe li teꞌxba̱nu nak teꞌxchꞌutub ribeb chinlokꞌoninquil. La̱at ta̱ye resil reheb nak li ninkꞌe li teꞌxba̱nu, aꞌan kꞌaxal lokꞌ. 3Cuakib cutan textrabajik ut saꞌ li xcuuk li cutan ma̱ jun li cꞌanjel te̱ba̱nu xban nak aꞌan li hiloba̱l cutan kꞌaxal lokꞌ re texhila̱nk cuiꞌ. Tine̱lokꞌoni aꞌ yal bar cua̱nkex.
Li ninkꞌe Pascua nak nequeꞌxcuaꞌ li caxlan cua li ma̱cꞌaꞌ xchꞌamal
4Aꞌan eb aꞌin li cutan nak te̱chꞌutub e̱rib chinlokꞌoninquil. Li ninkꞌe te̱ba̱nu kꞌaxal lokꞌ. Ta̱ye resil reheb jokꞌe teꞌninkꞌei̱k re inlokꞌoninquil. 5Saꞌ li ca̱laju xbe li xbe̱n po te̱tiquib lin ninkꞌe Pascua nak ac oc re li kꞌojyi̱n re xjulticanquil nak quexcuisi chak saꞌ li tenamit Egipto. 6Ut saꞌ li oꞌlaju xbe li po aꞌan te̱ba̱nu li ninkꞌe nak nequecuaꞌ li caxlan cua li ma̱cꞌaꞌ xchꞌamal. Te̱ba̱nu aꞌan re xqꞌuebal xlokꞌal li Ka̱cuaꞌ. Cuukub cutan te̱cuaꞌ li caxlan cua li ma̱cꞌaꞌ xchꞌamal. 7Saꞌ li xbe̱n li cutan te̱chꞌutub e̱rib ut te̱ba̱nu li lokꞌlaj ninkꞌe ut ma̱ jun li cꞌanjel te̱ba̱nu. 8Chiru cuukub cutan te̱qꞌue le̱ cꞌatbil mayej chiru li Ka̱cuaꞌ. Saꞌ xcuuk li cutan te̱chꞌutub cuiꞌchic e̱rib re xba̱nunquil li lokꞌlaj ninkꞌe, ut ma̱ jun li cꞌanjel te̱ba̱nu.
Li ninkꞌe nak nequeꞌxqꞌue chokꞌ xmayej li xbe̱n ru li racui̱mk
9Li Ka̱cuaꞌ quia̱tinac riqꞌuin laj Moisés ut quixye re: 10—Tat-a̱tinak riqꞌuineb laj Israel ut ta̱ye reheb chi joꞌcaꞌin: Nak tex-oc saꞌ li naꞌajej li tinqꞌue e̱re, nak te̱sicꞌ li xbe̱n ru le̱ racui̱mk, te̱cꞌam jun jo̱b riqꞌuin laj tij chokꞌ le̱ mayej. 11Nak ac xnumeꞌ li hiloba̱l cutan laj tij tixtaksi saꞌ rukꞌ le̱ mayej chiru li Ka̱cuaꞌ re nak ta̱cꞌulekꞌ. 12Saꞌ li cutan nak te̱mayeja li xbe̱n ru le̱ racui̱mk, te̱qꞌue ajcuiꞌ jun li carner te̱lom jun chihab cuan re chokꞌ le̱ cꞌatbil mayej. Ut tzꞌakalak re ru li te̱qꞌue. 13Ut te̱qꞌue numenak cuakxakib libra li cꞌaj junajinbil riqꞌuin aceite chokꞌ re le̱ cꞌatbil mayej. Aꞌanak jun sununquil mayej ta̱cuulak chiru li Ka̱cuaꞌ. Ut ta̱mayeja̱k ajcuiꞌ rochben jun litro li vino. 14Nak te̱qꞌue le̱ mayej acui̱mk re li Dios, incꞌaꞌ naru te̱cuaꞌ li caxlan cua yi̱banbil riqꞌuin trigo, chi moco te̱tzaca li trigo chi rax, chi moco chi qꞌuilinbil. Nak acak xeqꞌue le̱ mayej, naru te̱tzaca aꞌan. Li chakꞌrab aꞌin reheb le̱ ralal e̱cꞌajol anakcuan ut chi junelic kꞌe cutan aꞌ yal bar cua̱nkex.
Li mayej li nequeꞌxtaksi saꞌ rukꞌ chiru li Ka̱cuaꞌ
15Nak ac xeqꞌue li jun jo̱b le̱ trigo chokꞌ re le̱ mayej te̱roybeni cuukub xama̱n chic. 16Nak acak xnumeꞌ li laje̱b roxcꞌa̱l (50) cutan, te̱qꞌue cuiꞌchic le̱ mayej re le̱ racui̱mk trigo. 17Saꞌ le̱ rochoch te̱cꞌam chak cuib li caxlan cua chokꞌ e̱mayej chiru li Ka̱cuaꞌ. Li junju̱nk chi caxlan cua aꞌan yi̱banbil riqꞌuin numenak cuakxakib libra li cha̱bil cꞌaj ut cua̱nk xchꞌamal. Laj tij tixtaksi saꞌ rukꞌ chiru li Ka̱cuaꞌ chokꞌ re le̱ mayej re li xbe̱n ru le̱ trigo. 18Rochben li caxlan cua te̱qꞌue cuukub li cocꞌ carner te̱lom jun chihab cua̱nk reheb. Te̱qꞌue ajcuiꞌ jun li toro toj sa̱j ut cuib chic li carner te̱lom. Ma̱cꞌaꞌak re̱qꞌueb. Te̱qꞌue chokꞌ cꞌatbil mayej chiru li Ka̱cuaꞌ rochben li mayej trigo ut li mayej vino. Aꞌanak jun li sununquil mayej ta̱cuulak chiru li Ka̱cuaꞌ. 19Te̱mayeja ajcuiꞌ jun li chiba̱t te̱lom re xtojbal rix le̱ ma̱c ut cuib li carner te̱lom jun chihab cuan reheb chokꞌ re li mayej re xcꞌambal e̱rib saꞌ usilal riqꞌuin li Ka̱cuaꞌ. 20Laj tij tixtaksi chiru li Ka̱cuaꞌ li cuib li cocꞌ carner chokꞌ mayej saꞌ xcꞌabaꞌeb laj tij. Ut tixtaksi ajcuiꞌ li caxlan cua yi̱banbil riqꞌuin li xbe̱n ru li acui̱mk. Eb li mayej aꞌan santobresinbileb. 21Saꞌ li cutan aꞌan te̱chꞌutub e̱rib ut texninkꞌei̱k re xlokꞌoninquil li Ka̱cuaꞌ. Ut ma̱ jun li cꞌanjel te̱ba̱nu. Eb le̱ ralal e̱cꞌajol teꞌxba̱nu li chakꞌrab aꞌin chalen anakcuan ut chi junelic aꞌ yal bar cua̱nkex. 22Ut nak te̱sicꞌ ru le̱ racui̱mk trigo, incꞌaꞌ te̱sicꞌ chi us, chi moco te̱molcꞌa li natꞌaneꞌ. Te̱canab ban reheb li nebaꞌ ut reheb li jalaneb xtenamit. La̱in li Ka̱cuaꞌ le̱ Dios ninyehoc re aꞌin.
Li ninkꞌe re li acꞌ chihab nak nequeꞌxya̱basiheb li trompeta
23Ut li Ka̱cuaꞌ quia̱tinac riqꞌuin laj Moisés ut quixye re: 24—A̱tinan riqꞌuineb laj Israel ut ta̱ye reheb nak li xbe̱n cutan re li xcuuk li po, aꞌan jun hiloba̱l cutan chokꞌ e̱re. Te̱chꞌutub e̱rib ut te̱ya̱basi li trompetas re xjulticanquil nak xticla li po nak teꞌxba̱nu li lokꞌlaj ninkꞌe. 25Te̱qꞌue le̱ cꞌatbil mayej chicuu la̱in li Ka̱cuaꞌ. Ut ma̱ jun li cꞌanjel te̱ba̱nu saꞌ li cutan aꞌan, chan li Dios.
Li cutan nak queꞌxqꞌue li mayej re xtojbal rix li ma̱c
26Ut quixye ajcuiꞌ li Ka̱cuaꞌ re laj Moisés: 27—Saꞌ li laje̱b xbe li xcuuk po, aꞌan li cutan nak te̱qꞌue le̱ mayej re xtojbal rix le̱ ma̱c. Te̱chꞌutub e̱rib ut te̱ba̱nu li lokꞌlaj ninkꞌe. Te̱ba̱nu le̱ ayu̱n ut te̱cꞌat le̱ mayej re xqꞌuebal xlokꞌal li Ka̱cuaꞌ. 28Ma̱ jun li cꞌanjel te̱ba̱nu chiru li cutan aꞌan xban nak aꞌan jun cutan re xtojbal rix le̱ ma̱c. Te̱ba̱nu chi joꞌcan re nak li Ka̱cuaꞌ le̱ Dios tixcuy le̱ ma̱c. 29Li ani incꞌaꞌ tixba̱nu lix ayu̱n saꞌ li cutan aꞌan, li jun aꞌan ta̱isi̱k saꞌ xya̱nkeb laj Israel. 30Ut cui junak ta̱trabajik saꞌ li cutan aꞌan, la̱in li Dios tinqꞌue chi sachecꞌ. 31Ma̱ jun li cꞌanjel te̱ba̱nu. Li chakꞌrab aꞌin reheb chixjunileb le̱ ralal e̱cꞌajol anakcuan ut chi junelic kꞌe cutan, aꞌ yal bar cua̱nkex. 32Aꞌin jun li cutan re texhila̱nk cuiꞌ ut re ayunic. Ta̱ticla̱k nak ta̱oc li kꞌojyi̱n saꞌ xbele li cutan ut ta̱rakekꞌ nak ta̱oc li kꞌojyi̱n saꞌ li xlaje li cutan.
Li ninkꞌe nak nequeꞌcuan saꞌ li cocꞌ muheba̱l yi̱banbil riqꞌuin rukꞌ cheꞌ
33Li Ka̱cuaꞌ Dios quia̱tinac riqꞌuin laj Moisés ut quixye re: 34—Ta̱ye reheb laj Israel: Saꞌ li oꞌlaju xbe li xcuuk li po te̱ba̱nu li ninkꞌe nak nequeyi̱b li cocꞌ muheba̱l riqꞌuin rukꞌ cheꞌ. Chiru cuukub cutan te̱ba̱nu li ninkꞌe aꞌin re xqꞌuebal xlokꞌal li Ka̱cuaꞌ. 35Saꞌ li xbe̱n li cutan re li ninkꞌe te̱chꞌutub e̱rib chixlokꞌoninquil li Ka̱cuaꞌ ut ma̱ jun li cꞌanjel te̱ba̱nu. 36Rajlal cutan, chiru cuukub cutan, te̱qꞌue le̱ cꞌatbil mayej chiru li Ka̱cuaꞌ. Saꞌ xcuakxak li cutan te̱chꞌutub cuiꞌchic e̱rib ut te̱qꞌue le̱ cꞌatbil mayej chiru li Ka̱cuaꞌ re xlokꞌoninquil. Aꞌan li cutan re lokꞌoni̱nc ut ma̱ jun li cꞌanjel te̱ba̱nu. 37Aꞌaneb aꞌin li ninkꞌe re lokꞌoni̱nc nak nequechꞌutub e̱rib ut nequeqꞌue le̱ cꞌatbil mayej chiru li Ka̱cuaꞌ, ut li mayejanbil tzacae̱mk, li mayej trigo, li mayej vino ut li cꞌaꞌak chic re ru chi mayej li tento te̱qꞌue saꞌ xkꞌehil joꞌ quiyeheꞌ e̱re. 38Eb li mayej aꞌin, aꞌan jun chic li mayej li te̱qꞌue nak nequeqꞌue le̱ mayej saꞌ li hiloba̱l cutan nak nequeqꞌue le̱ ma̱tan ut eb li mayej li xeyechiꞌi xqꞌuebal re li Ka̱cuaꞌ joꞌ ajcuiꞌ li mayej li na-ala saꞌ e̱chꞌo̱l xqꞌuebal. 39Saꞌ li oꞌlaju xbe li xcuuk po, nak ac xexoc ru le̱ racui̱mk, te̱ba̱nu li ninkꞌe chiru cuukub cutan re xqꞌuebal xlokꞌal li Ka̱cuaꞌ. Hiloba̱l cutan saꞌ xticlajic li ninkꞌe ut hiloba̱l cutan ajcuiꞌ saꞌ xcuakxak li cutan. 40Saꞌ li xbe̱n cutan te̱sicꞌ li rukꞌ li cheꞌ chꞌinaꞌus rilbal, li naxqꞌue ru. Te̱sicꞌ ajcuiꞌ rukꞌeb li cheꞌ palmera ut li cuan nabal rukꞌ. Ut te̱sicꞌ ajcuiꞌ li rukꞌ li cheꞌ li cuanqueb chire li cocꞌ rok haꞌ. Ut ta̱sahokꞌ saꞌ e̱chꞌo̱l chiru li Ka̱cuaꞌ le̱ Dios chiru cuukub cutan. 41Rajlal chihab texninkꞌei̱k chiru cuukub cutan re xlokꞌoninquil li Ka̱cuaꞌ. Te̱tiquib saꞌ li xcuuk li po re li chihab. Aꞌan jun li chakꞌrab tento te̱ba̱nu joꞌ ajcuiꞌ eb le̱ ralal e̱cꞌajol li teꞌcua̱nk mokon. 42Chiru cuukub cutan chixjunileb li tzꞌakal aj Israel teꞌcua̱nk saꞌ li cocꞌ muheba̱l li queꞌxyi̱b riqꞌuin li rukꞌ cheꞌ. 43Teꞌxba̱nu chi joꞌcan re nak eb li ralal xcꞌajol laj Israel teꞌxqꞌue retal chanru quinba̱nu nak quebincuisi chak Egipto. La̱in quinqꞌueheb chi cua̱nc saꞌ li cocꞌ muheba̱l yi̱banbil riqꞌuin rukꞌ cheꞌ. La̱in li Ka̱cuaꞌ le̱ Dios, chan. 44Joꞌcaꞌin nak laj Moisés quixye re laj Israel chanru nak teꞌxba̱nu eb li ninkꞌe re xlokꞌoninquil li Dios.
Currently Selected:
Levítico 23: kek
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.
Levítico 23
23
1Li Ka̱cuaꞌ quia̱tinac riqꞌuin laj Moisés ut quixye re: 2—Ta̱ye reheb laj Israel cꞌaꞌru naxye li chakꞌrab chirixeb li ninkꞌe li teꞌxba̱nu nak teꞌxchꞌutub ribeb chinlokꞌoninquil. La̱at ta̱ye resil reheb nak li ninkꞌe li teꞌxba̱nu, aꞌan kꞌaxal lokꞌ. 3Cuakib cutan textrabajik ut saꞌ li xcuuk li cutan ma̱ jun li cꞌanjel te̱ba̱nu xban nak aꞌan li hiloba̱l cutan kꞌaxal lokꞌ re texhila̱nk cuiꞌ. Tine̱lokꞌoni aꞌ yal bar cua̱nkex.
Li ninkꞌe Pascua nak nequeꞌxcuaꞌ li caxlan cua li ma̱cꞌaꞌ xchꞌamal
4Aꞌan eb aꞌin li cutan nak te̱chꞌutub e̱rib chinlokꞌoninquil. Li ninkꞌe te̱ba̱nu kꞌaxal lokꞌ. Ta̱ye resil reheb jokꞌe teꞌninkꞌei̱k re inlokꞌoninquil. 5Saꞌ li ca̱laju xbe li xbe̱n po te̱tiquib lin ninkꞌe Pascua nak ac oc re li kꞌojyi̱n re xjulticanquil nak quexcuisi chak saꞌ li tenamit Egipto. 6Ut saꞌ li oꞌlaju xbe li po aꞌan te̱ba̱nu li ninkꞌe nak nequecuaꞌ li caxlan cua li ma̱cꞌaꞌ xchꞌamal. Te̱ba̱nu aꞌan re xqꞌuebal xlokꞌal li Ka̱cuaꞌ. Cuukub cutan te̱cuaꞌ li caxlan cua li ma̱cꞌaꞌ xchꞌamal. 7Saꞌ li xbe̱n li cutan te̱chꞌutub e̱rib ut te̱ba̱nu li lokꞌlaj ninkꞌe ut ma̱ jun li cꞌanjel te̱ba̱nu. 8Chiru cuukub cutan te̱qꞌue le̱ cꞌatbil mayej chiru li Ka̱cuaꞌ. Saꞌ xcuuk li cutan te̱chꞌutub cuiꞌchic e̱rib re xba̱nunquil li lokꞌlaj ninkꞌe, ut ma̱ jun li cꞌanjel te̱ba̱nu.
Li ninkꞌe nak nequeꞌxqꞌue chokꞌ xmayej li xbe̱n ru li racui̱mk
9Li Ka̱cuaꞌ quia̱tinac riqꞌuin laj Moisés ut quixye re: 10—Tat-a̱tinak riqꞌuineb laj Israel ut ta̱ye reheb chi joꞌcaꞌin: Nak tex-oc saꞌ li naꞌajej li tinqꞌue e̱re, nak te̱sicꞌ li xbe̱n ru le̱ racui̱mk, te̱cꞌam jun jo̱b riqꞌuin laj tij chokꞌ le̱ mayej. 11Nak ac xnumeꞌ li hiloba̱l cutan laj tij tixtaksi saꞌ rukꞌ le̱ mayej chiru li Ka̱cuaꞌ re nak ta̱cꞌulekꞌ. 12Saꞌ li cutan nak te̱mayeja li xbe̱n ru le̱ racui̱mk, te̱qꞌue ajcuiꞌ jun li carner te̱lom jun chihab cuan re chokꞌ le̱ cꞌatbil mayej. Ut tzꞌakalak re ru li te̱qꞌue. 13Ut te̱qꞌue numenak cuakxakib libra li cꞌaj junajinbil riqꞌuin aceite chokꞌ re le̱ cꞌatbil mayej. Aꞌanak jun sununquil mayej ta̱cuulak chiru li Ka̱cuaꞌ. Ut ta̱mayeja̱k ajcuiꞌ rochben jun litro li vino. 14Nak te̱qꞌue le̱ mayej acui̱mk re li Dios, incꞌaꞌ naru te̱cuaꞌ li caxlan cua yi̱banbil riqꞌuin trigo, chi moco te̱tzaca li trigo chi rax, chi moco chi qꞌuilinbil. Nak acak xeqꞌue le̱ mayej, naru te̱tzaca aꞌan. Li chakꞌrab aꞌin reheb le̱ ralal e̱cꞌajol anakcuan ut chi junelic kꞌe cutan aꞌ yal bar cua̱nkex.
Li mayej li nequeꞌxtaksi saꞌ rukꞌ chiru li Ka̱cuaꞌ
15Nak ac xeqꞌue li jun jo̱b le̱ trigo chokꞌ re le̱ mayej te̱roybeni cuukub xama̱n chic. 16Nak acak xnumeꞌ li laje̱b roxcꞌa̱l (50) cutan, te̱qꞌue cuiꞌchic le̱ mayej re le̱ racui̱mk trigo. 17Saꞌ le̱ rochoch te̱cꞌam chak cuib li caxlan cua chokꞌ e̱mayej chiru li Ka̱cuaꞌ. Li junju̱nk chi caxlan cua aꞌan yi̱banbil riqꞌuin numenak cuakxakib libra li cha̱bil cꞌaj ut cua̱nk xchꞌamal. Laj tij tixtaksi saꞌ rukꞌ chiru li Ka̱cuaꞌ chokꞌ re le̱ mayej re li xbe̱n ru le̱ trigo. 18Rochben li caxlan cua te̱qꞌue cuukub li cocꞌ carner te̱lom jun chihab cua̱nk reheb. Te̱qꞌue ajcuiꞌ jun li toro toj sa̱j ut cuib chic li carner te̱lom. Ma̱cꞌaꞌak re̱qꞌueb. Te̱qꞌue chokꞌ cꞌatbil mayej chiru li Ka̱cuaꞌ rochben li mayej trigo ut li mayej vino. Aꞌanak jun li sununquil mayej ta̱cuulak chiru li Ka̱cuaꞌ. 19Te̱mayeja ajcuiꞌ jun li chiba̱t te̱lom re xtojbal rix le̱ ma̱c ut cuib li carner te̱lom jun chihab cuan reheb chokꞌ re li mayej re xcꞌambal e̱rib saꞌ usilal riqꞌuin li Ka̱cuaꞌ. 20Laj tij tixtaksi chiru li Ka̱cuaꞌ li cuib li cocꞌ carner chokꞌ mayej saꞌ xcꞌabaꞌeb laj tij. Ut tixtaksi ajcuiꞌ li caxlan cua yi̱banbil riqꞌuin li xbe̱n ru li acui̱mk. Eb li mayej aꞌan santobresinbileb. 21Saꞌ li cutan aꞌan te̱chꞌutub e̱rib ut texninkꞌei̱k re xlokꞌoninquil li Ka̱cuaꞌ. Ut ma̱ jun li cꞌanjel te̱ba̱nu. Eb le̱ ralal e̱cꞌajol teꞌxba̱nu li chakꞌrab aꞌin chalen anakcuan ut chi junelic aꞌ yal bar cua̱nkex. 22Ut nak te̱sicꞌ ru le̱ racui̱mk trigo, incꞌaꞌ te̱sicꞌ chi us, chi moco te̱molcꞌa li natꞌaneꞌ. Te̱canab ban reheb li nebaꞌ ut reheb li jalaneb xtenamit. La̱in li Ka̱cuaꞌ le̱ Dios ninyehoc re aꞌin.
Li ninkꞌe re li acꞌ chihab nak nequeꞌxya̱basiheb li trompeta
23Ut li Ka̱cuaꞌ quia̱tinac riqꞌuin laj Moisés ut quixye re: 24—A̱tinan riqꞌuineb laj Israel ut ta̱ye reheb nak li xbe̱n cutan re li xcuuk li po, aꞌan jun hiloba̱l cutan chokꞌ e̱re. Te̱chꞌutub e̱rib ut te̱ya̱basi li trompetas re xjulticanquil nak xticla li po nak teꞌxba̱nu li lokꞌlaj ninkꞌe. 25Te̱qꞌue le̱ cꞌatbil mayej chicuu la̱in li Ka̱cuaꞌ. Ut ma̱ jun li cꞌanjel te̱ba̱nu saꞌ li cutan aꞌan, chan li Dios.
Li cutan nak queꞌxqꞌue li mayej re xtojbal rix li ma̱c
26Ut quixye ajcuiꞌ li Ka̱cuaꞌ re laj Moisés: 27—Saꞌ li laje̱b xbe li xcuuk po, aꞌan li cutan nak te̱qꞌue le̱ mayej re xtojbal rix le̱ ma̱c. Te̱chꞌutub e̱rib ut te̱ba̱nu li lokꞌlaj ninkꞌe. Te̱ba̱nu le̱ ayu̱n ut te̱cꞌat le̱ mayej re xqꞌuebal xlokꞌal li Ka̱cuaꞌ. 28Ma̱ jun li cꞌanjel te̱ba̱nu chiru li cutan aꞌan xban nak aꞌan jun cutan re xtojbal rix le̱ ma̱c. Te̱ba̱nu chi joꞌcan re nak li Ka̱cuaꞌ le̱ Dios tixcuy le̱ ma̱c. 29Li ani incꞌaꞌ tixba̱nu lix ayu̱n saꞌ li cutan aꞌan, li jun aꞌan ta̱isi̱k saꞌ xya̱nkeb laj Israel. 30Ut cui junak ta̱trabajik saꞌ li cutan aꞌan, la̱in li Dios tinqꞌue chi sachecꞌ. 31Ma̱ jun li cꞌanjel te̱ba̱nu. Li chakꞌrab aꞌin reheb chixjunileb le̱ ralal e̱cꞌajol anakcuan ut chi junelic kꞌe cutan, aꞌ yal bar cua̱nkex. 32Aꞌin jun li cutan re texhila̱nk cuiꞌ ut re ayunic. Ta̱ticla̱k nak ta̱oc li kꞌojyi̱n saꞌ xbele li cutan ut ta̱rakekꞌ nak ta̱oc li kꞌojyi̱n saꞌ li xlaje li cutan.
Li ninkꞌe nak nequeꞌcuan saꞌ li cocꞌ muheba̱l yi̱banbil riqꞌuin rukꞌ cheꞌ
33Li Ka̱cuaꞌ Dios quia̱tinac riqꞌuin laj Moisés ut quixye re: 34—Ta̱ye reheb laj Israel: Saꞌ li oꞌlaju xbe li xcuuk li po te̱ba̱nu li ninkꞌe nak nequeyi̱b li cocꞌ muheba̱l riqꞌuin rukꞌ cheꞌ. Chiru cuukub cutan te̱ba̱nu li ninkꞌe aꞌin re xqꞌuebal xlokꞌal li Ka̱cuaꞌ. 35Saꞌ li xbe̱n li cutan re li ninkꞌe te̱chꞌutub e̱rib chixlokꞌoninquil li Ka̱cuaꞌ ut ma̱ jun li cꞌanjel te̱ba̱nu. 36Rajlal cutan, chiru cuukub cutan, te̱qꞌue le̱ cꞌatbil mayej chiru li Ka̱cuaꞌ. Saꞌ xcuakxak li cutan te̱chꞌutub cuiꞌchic e̱rib ut te̱qꞌue le̱ cꞌatbil mayej chiru li Ka̱cuaꞌ re xlokꞌoninquil. Aꞌan li cutan re lokꞌoni̱nc ut ma̱ jun li cꞌanjel te̱ba̱nu. 37Aꞌaneb aꞌin li ninkꞌe re lokꞌoni̱nc nak nequechꞌutub e̱rib ut nequeqꞌue le̱ cꞌatbil mayej chiru li Ka̱cuaꞌ, ut li mayejanbil tzacae̱mk, li mayej trigo, li mayej vino ut li cꞌaꞌak chic re ru chi mayej li tento te̱qꞌue saꞌ xkꞌehil joꞌ quiyeheꞌ e̱re. 38Eb li mayej aꞌin, aꞌan jun chic li mayej li te̱qꞌue nak nequeqꞌue le̱ mayej saꞌ li hiloba̱l cutan nak nequeqꞌue le̱ ma̱tan ut eb li mayej li xeyechiꞌi xqꞌuebal re li Ka̱cuaꞌ joꞌ ajcuiꞌ li mayej li na-ala saꞌ e̱chꞌo̱l xqꞌuebal. 39Saꞌ li oꞌlaju xbe li xcuuk po, nak ac xexoc ru le̱ racui̱mk, te̱ba̱nu li ninkꞌe chiru cuukub cutan re xqꞌuebal xlokꞌal li Ka̱cuaꞌ. Hiloba̱l cutan saꞌ xticlajic li ninkꞌe ut hiloba̱l cutan ajcuiꞌ saꞌ xcuakxak li cutan. 40Saꞌ li xbe̱n cutan te̱sicꞌ li rukꞌ li cheꞌ chꞌinaꞌus rilbal, li naxqꞌue ru. Te̱sicꞌ ajcuiꞌ rukꞌeb li cheꞌ palmera ut li cuan nabal rukꞌ. Ut te̱sicꞌ ajcuiꞌ li rukꞌ li cheꞌ li cuanqueb chire li cocꞌ rok haꞌ. Ut ta̱sahokꞌ saꞌ e̱chꞌo̱l chiru li Ka̱cuaꞌ le̱ Dios chiru cuukub cutan. 41Rajlal chihab texninkꞌei̱k chiru cuukub cutan re xlokꞌoninquil li Ka̱cuaꞌ. Te̱tiquib saꞌ li xcuuk li po re li chihab. Aꞌan jun li chakꞌrab tento te̱ba̱nu joꞌ ajcuiꞌ eb le̱ ralal e̱cꞌajol li teꞌcua̱nk mokon. 42Chiru cuukub cutan chixjunileb li tzꞌakal aj Israel teꞌcua̱nk saꞌ li cocꞌ muheba̱l li queꞌxyi̱b riqꞌuin li rukꞌ cheꞌ. 43Teꞌxba̱nu chi joꞌcan re nak eb li ralal xcꞌajol laj Israel teꞌxqꞌue retal chanru quinba̱nu nak quebincuisi chak Egipto. La̱in quinqꞌueheb chi cua̱nc saꞌ li cocꞌ muheba̱l yi̱banbil riqꞌuin rukꞌ cheꞌ. La̱in li Ka̱cuaꞌ le̱ Dios, chan. 44Joꞌcaꞌin nak laj Moisés quixye re laj Israel chanru nak teꞌxba̱nu eb li ninkꞌe re xlokꞌoninquil li Dios.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.