Colosenses 3
3
1Chanchan nak xexcuacli cuiꞌchic chi yoꞌyo e̱rochben li Cristo nak xexpa̱ban. Acꞌ chic le̱ yuꞌam. Joꞌcan nak qꞌuehomak e̱chꞌo̱l chixba̱nunquil li cha̱bil naꞌleb ut chexcꞌoxlak chirix li cuan saꞌ choxa bar cuan cuiꞌ li Cristo cꞌojcꞌo saꞌ xnim ukꞌ li Dios xban nak kꞌaxal nim xcuanquil. 2Junelic checꞌoxla li Dios ut me̱cꞌoxla chic lix ma̱usilal li ruchichꞌochꞌ. 3Lix ma̱usilal li ruchichꞌochꞌ ma̱cꞌaꞌ chic xcuanquil saꞌ e̱be̱n. Chanchan camenakex chiru. Ac colbilex chic chiru li ma̱usilal xban nak junajex chic riqꞌuin li Cristo, ut li Cristo junaj riqꞌuin li Dios. 4Caꞌaj cuiꞌ riqꞌuin li Jesucristo cuan kayuꞌam. Ut nak tol-e̱lk cuiꞌchic li Jesucristo tixcꞌutbesi nak la̱o li ralal xcꞌajol, ut totzꞌako̱nk riqꞌuin lix lokꞌal.
Me̱ba̱nu chic li najter naꞌleb
5Xban nak acꞌ chic le̱ yuꞌam, canabomak chi junaj cua xrahinquil ru li incꞌaꞌ us joꞌ li coꞌbe̱tac yumbe̱tac, ut li ma̱us aj naꞌleb. Ut canabomak xrahinquil ru li ma̱usilal. Ut me̱rahi ru li biomal xban nak li xrahinquil ru li biomal, aꞌan chanchan ajcuiꞌ xlokꞌoninquil li jalanil dios. 6Riqꞌuin xba̱nunquil li ma̱usilal aꞌin nachal xjoskꞌil li Dios ut naxteneb li tojba ma̱c saꞌ xbe̱neb li nequeꞌkꞌetoc re li ra̱tin. 7Joꞌcan ajcuiꞌ queba̱nu chak la̱ex junxil nak toj cuanquex chak saꞌ li ma̱c. 8Aban anakcuan me̱ba̱nu chic chixjunil li cꞌaꞌ re ru aꞌin: mexjoskꞌoꞌ, me̱poꞌ e̱rib chi ribil e̱rib, me̱ba̱nu li ma̱usilal, mexkꞌaban, ut mex-a̱tinac saꞌ yibru a̱tin. 9Mexticꞌtiꞌic. Me̱ba̱nu chic chixjunil li ma̱usilal aꞌin xban nak chixjunil li cꞌaꞌak re ru queba̱nu chak najter ac xerisi saꞌ le̱ chꞌo̱l. 10Anakcuan acꞌ chic le̱ yuꞌam. Li Dios, aꞌan li quijaloc re le̱ yuꞌam ut aꞌan ta̱tenkꞌa̱nk e̱re cuulaj cuulaj chixtzolbal e̱rib riqꞌuin re nak te̱tau ru chi tzꞌakal chanru li Dios ut te̱ba̱nu li naraj aꞌan. 11La̱o aj pa̱banel juntakꞌe̱to chiru li Dios xban nak junajo saꞌ li acꞌ yuꞌam. Moco jalaneb ta laj griego chiruheb laj judío. Moco jalaneb ta li tzolbileb chiruheb li incꞌaꞌ tzolbileb. Moco jalaneb ta li xeꞌxba̱nu li circuncisión chiruheb li incꞌaꞌ xeꞌxba̱nu. Moco jalan ta li junju̱nk usta jalan xtenamit. Moco jalaneb ta li cuanqueb xpatrón chiruheb li ma̱cꞌaꞌeb xpatrón. Li kꞌaxal lokꞌ xcꞌoxlanquil aꞌan aꞌin: Li Jesucristo cuan riqꞌuineb li junju̱nk li nequeꞌpa̱ban re ut junajo chic saꞌ xcꞌabaꞌ li Jesucristo. 12Li Dios kꞌaxal nequexra ut quixsicꞌ e̱ru chokꞌ ralal xcꞌajol. Joꞌcan nak chexcua̱nk saꞌ ti̱quilal. Chetokꞌoba ruheb le̱ ras e̱ri̱tzꞌin ut chetenkꞌaheb. Me̱kꞌetkꞌeti e̱rib. Chexcua̱nk saꞌ tu̱lanil ut checuyak li raylal. 13Checuyak e̱rib chiribil e̱rib. Ut cui cuan junak cuan xma̱c che̱ru, checuyak xma̱c. Joꞌ nak quixcuy e̱ma̱c li Ka̱cuaꞌ, joꞌcan ajcuiꞌ cheba̱nu la̱ex. 14Li kꞌaxal lokꞌ xba̱nunquil chiru chixjunil li cꞌaꞌak re ru aꞌin, aꞌan li rahoc ib xban nak riqꞌuin aꞌan junajak li kacꞌaꞌux ut tzꞌakalak re ru li takaba̱nu. 15Junajakex taxak saꞌ le̱ pa̱ba̱l xban nak sicꞌbil e̱ru xban li Dios. Chicua̱nk li tuktu̱quilal saꞌ le̱ chꞌo̱l li naxqꞌue li Cristo re nak texcua̱nk saꞌ xya̱lal. Ut junelic chebantioxi chiru li Dios li usilal xba̱nu e̱re. 16Li ra̱tin li Cristo chicana̱k saꞌ e̱chꞌo̱l chi junelic re nak cua̱nk e̱naꞌleb. Chetzolak e̱rib che̱ribil e̱rib ut chetenkꞌa e̱rib che̱ribil e̱rib saꞌ le̱ pa̱ba̱l. Chexbicha̱nk re xlokꞌoninquil li Dios. Chexbicha̱nk joꞌ naxcꞌut che̱ru li Santil Musikꞌej ut junelic chexbantioxi̱nk chiru li Dios. 17Ut chixjunil li cꞌaꞌru te̱ye ut te̱ba̱nu, cheba̱nuhak re xqꞌuebal xlokꞌal li Jesucristo. Ut junelic chexbantioxi̱nk chiru li Acuabej Dios saꞌ xcꞌabaꞌ li Ka̱cuaꞌ Jesucristo.
Chexcua̱nk saꞌ xya̱lal riqꞌuineb le̱ ras e̱ri̱tzꞌin
18Ex ixakilbej, chepa̱bak le̱ be̱lom joꞌ e̱cꞌulub xba̱nunquil xban nak la̱ex chic aj pa̱banel. 19Ut la̱ex be̱lomej, cherahak le̱ rixakil ut mexjoskꞌoꞌ riqꞌuineb. 20Ut joꞌcan ajcuiꞌ la̱ex alalbej, junelic chexpa̱ba̱nk chiruheb le̱ naꞌ e̱yucuaꞌ xban nak aꞌan li nacuulac chiru li Ka̱cuaꞌ Dios. 21Ex yucuaꞌbej, me̱chꞌila le̱ ralal e̱cꞌajol chi ma̱cꞌaꞌ rajbal re nak incꞌaꞌ ta̱chꞌina̱nk xchꞌo̱leb. 22Ex aj cꞌanjel, junelic chexpa̱ba̱nk chiruheb le̱ patrón. Chanru nak nequexcꞌanjelac nak yo̱ che̱rilbal le̱ patrón, joꞌcan ajcuiꞌ texcꞌanjelak nak incꞌaꞌ yo̱ che̱rilbal. Mexcꞌanjelac re xnimobresinquil e̱rib. Chexcꞌanjelak ban chi anchal le̱ chꞌo̱l xban nak la̱ex nequera li Ka̱cuaꞌ Dios. 23Nak yo̱quex chi cꞌanjelac chiru le̱ patrón, yo̱quex ajcuiꞌ chi cꞌanjelac chiru li Ka̱cuaꞌ Dios xban nak la̱ex rehex chic li Dios. Joꞌcan nak chixjunil li cꞌaꞌru te̱ba̱nu, cheba̱nuhak chi anchal e̱chꞌo̱l. 24Joꞌcan cheba̱nu xban nak la̱ex ac nequenau nak li Ka̱cuaꞌ Dios ta̱qꞌuehok le̱ kꞌajca̱munquil li yechiꞌinbil e̱re xban nak li Ka̱cuaꞌ Jesucristo, aꞌan li tzꞌakal patrón saꞌ e̱be̱n ut yo̱quex chi cꞌanjelac chiru. 25Li ani tixba̱nu li incꞌaꞌ us tixcꞌul xtojbal xma̱c aꞌ yal cꞌaꞌru lix ma̱c xban nak li Dios incꞌaꞌ naxsicꞌ ru ani tixqꞌue chixtojbal xma̱c.
Currently Selected:
Colosenses 3: kek
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.
Colosenses 3
3
1Chanchan nak xexcuacli cuiꞌchic chi yoꞌyo e̱rochben li Cristo nak xexpa̱ban. Acꞌ chic le̱ yuꞌam. Joꞌcan nak qꞌuehomak e̱chꞌo̱l chixba̱nunquil li cha̱bil naꞌleb ut chexcꞌoxlak chirix li cuan saꞌ choxa bar cuan cuiꞌ li Cristo cꞌojcꞌo saꞌ xnim ukꞌ li Dios xban nak kꞌaxal nim xcuanquil. 2Junelic checꞌoxla li Dios ut me̱cꞌoxla chic lix ma̱usilal li ruchichꞌochꞌ. 3Lix ma̱usilal li ruchichꞌochꞌ ma̱cꞌaꞌ chic xcuanquil saꞌ e̱be̱n. Chanchan camenakex chiru. Ac colbilex chic chiru li ma̱usilal xban nak junajex chic riqꞌuin li Cristo, ut li Cristo junaj riqꞌuin li Dios. 4Caꞌaj cuiꞌ riqꞌuin li Jesucristo cuan kayuꞌam. Ut nak tol-e̱lk cuiꞌchic li Jesucristo tixcꞌutbesi nak la̱o li ralal xcꞌajol, ut totzꞌako̱nk riqꞌuin lix lokꞌal.
Me̱ba̱nu chic li najter naꞌleb
5Xban nak acꞌ chic le̱ yuꞌam, canabomak chi junaj cua xrahinquil ru li incꞌaꞌ us joꞌ li coꞌbe̱tac yumbe̱tac, ut li ma̱us aj naꞌleb. Ut canabomak xrahinquil ru li ma̱usilal. Ut me̱rahi ru li biomal xban nak li xrahinquil ru li biomal, aꞌan chanchan ajcuiꞌ xlokꞌoninquil li jalanil dios. 6Riqꞌuin xba̱nunquil li ma̱usilal aꞌin nachal xjoskꞌil li Dios ut naxteneb li tojba ma̱c saꞌ xbe̱neb li nequeꞌkꞌetoc re li ra̱tin. 7Joꞌcan ajcuiꞌ queba̱nu chak la̱ex junxil nak toj cuanquex chak saꞌ li ma̱c. 8Aban anakcuan me̱ba̱nu chic chixjunil li cꞌaꞌ re ru aꞌin: mexjoskꞌoꞌ, me̱poꞌ e̱rib chi ribil e̱rib, me̱ba̱nu li ma̱usilal, mexkꞌaban, ut mex-a̱tinac saꞌ yibru a̱tin. 9Mexticꞌtiꞌic. Me̱ba̱nu chic chixjunil li ma̱usilal aꞌin xban nak chixjunil li cꞌaꞌak re ru queba̱nu chak najter ac xerisi saꞌ le̱ chꞌo̱l. 10Anakcuan acꞌ chic le̱ yuꞌam. Li Dios, aꞌan li quijaloc re le̱ yuꞌam ut aꞌan ta̱tenkꞌa̱nk e̱re cuulaj cuulaj chixtzolbal e̱rib riqꞌuin re nak te̱tau ru chi tzꞌakal chanru li Dios ut te̱ba̱nu li naraj aꞌan. 11La̱o aj pa̱banel juntakꞌe̱to chiru li Dios xban nak junajo saꞌ li acꞌ yuꞌam. Moco jalaneb ta laj griego chiruheb laj judío. Moco jalaneb ta li tzolbileb chiruheb li incꞌaꞌ tzolbileb. Moco jalaneb ta li xeꞌxba̱nu li circuncisión chiruheb li incꞌaꞌ xeꞌxba̱nu. Moco jalan ta li junju̱nk usta jalan xtenamit. Moco jalaneb ta li cuanqueb xpatrón chiruheb li ma̱cꞌaꞌeb xpatrón. Li kꞌaxal lokꞌ xcꞌoxlanquil aꞌan aꞌin: Li Jesucristo cuan riqꞌuineb li junju̱nk li nequeꞌpa̱ban re ut junajo chic saꞌ xcꞌabaꞌ li Jesucristo. 12Li Dios kꞌaxal nequexra ut quixsicꞌ e̱ru chokꞌ ralal xcꞌajol. Joꞌcan nak chexcua̱nk saꞌ ti̱quilal. Chetokꞌoba ruheb le̱ ras e̱ri̱tzꞌin ut chetenkꞌaheb. Me̱kꞌetkꞌeti e̱rib. Chexcua̱nk saꞌ tu̱lanil ut checuyak li raylal. 13Checuyak e̱rib chiribil e̱rib. Ut cui cuan junak cuan xma̱c che̱ru, checuyak xma̱c. Joꞌ nak quixcuy e̱ma̱c li Ka̱cuaꞌ, joꞌcan ajcuiꞌ cheba̱nu la̱ex. 14Li kꞌaxal lokꞌ xba̱nunquil chiru chixjunil li cꞌaꞌak re ru aꞌin, aꞌan li rahoc ib xban nak riqꞌuin aꞌan junajak li kacꞌaꞌux ut tzꞌakalak re ru li takaba̱nu. 15Junajakex taxak saꞌ le̱ pa̱ba̱l xban nak sicꞌbil e̱ru xban li Dios. Chicua̱nk li tuktu̱quilal saꞌ le̱ chꞌo̱l li naxqꞌue li Cristo re nak texcua̱nk saꞌ xya̱lal. Ut junelic chebantioxi chiru li Dios li usilal xba̱nu e̱re. 16Li ra̱tin li Cristo chicana̱k saꞌ e̱chꞌo̱l chi junelic re nak cua̱nk e̱naꞌleb. Chetzolak e̱rib che̱ribil e̱rib ut chetenkꞌa e̱rib che̱ribil e̱rib saꞌ le̱ pa̱ba̱l. Chexbicha̱nk re xlokꞌoninquil li Dios. Chexbicha̱nk joꞌ naxcꞌut che̱ru li Santil Musikꞌej ut junelic chexbantioxi̱nk chiru li Dios. 17Ut chixjunil li cꞌaꞌru te̱ye ut te̱ba̱nu, cheba̱nuhak re xqꞌuebal xlokꞌal li Jesucristo. Ut junelic chexbantioxi̱nk chiru li Acuabej Dios saꞌ xcꞌabaꞌ li Ka̱cuaꞌ Jesucristo.
Chexcua̱nk saꞌ xya̱lal riqꞌuineb le̱ ras e̱ri̱tzꞌin
18Ex ixakilbej, chepa̱bak le̱ be̱lom joꞌ e̱cꞌulub xba̱nunquil xban nak la̱ex chic aj pa̱banel. 19Ut la̱ex be̱lomej, cherahak le̱ rixakil ut mexjoskꞌoꞌ riqꞌuineb. 20Ut joꞌcan ajcuiꞌ la̱ex alalbej, junelic chexpa̱ba̱nk chiruheb le̱ naꞌ e̱yucuaꞌ xban nak aꞌan li nacuulac chiru li Ka̱cuaꞌ Dios. 21Ex yucuaꞌbej, me̱chꞌila le̱ ralal e̱cꞌajol chi ma̱cꞌaꞌ rajbal re nak incꞌaꞌ ta̱chꞌina̱nk xchꞌo̱leb. 22Ex aj cꞌanjel, junelic chexpa̱ba̱nk chiruheb le̱ patrón. Chanru nak nequexcꞌanjelac nak yo̱ che̱rilbal le̱ patrón, joꞌcan ajcuiꞌ texcꞌanjelak nak incꞌaꞌ yo̱ che̱rilbal. Mexcꞌanjelac re xnimobresinquil e̱rib. Chexcꞌanjelak ban chi anchal le̱ chꞌo̱l xban nak la̱ex nequera li Ka̱cuaꞌ Dios. 23Nak yo̱quex chi cꞌanjelac chiru le̱ patrón, yo̱quex ajcuiꞌ chi cꞌanjelac chiru li Ka̱cuaꞌ Dios xban nak la̱ex rehex chic li Dios. Joꞌcan nak chixjunil li cꞌaꞌru te̱ba̱nu, cheba̱nuhak chi anchal e̱chꞌo̱l. 24Joꞌcan cheba̱nu xban nak la̱ex ac nequenau nak li Ka̱cuaꞌ Dios ta̱qꞌuehok le̱ kꞌajca̱munquil li yechiꞌinbil e̱re xban nak li Ka̱cuaꞌ Jesucristo, aꞌan li tzꞌakal patrón saꞌ e̱be̱n ut yo̱quex chi cꞌanjelac chiru. 25Li ani tixba̱nu li incꞌaꞌ us tixcꞌul xtojbal xma̱c aꞌ yal cꞌaꞌru lix ma̱c xban nak li Dios incꞌaꞌ naxsicꞌ ru ani tixqꞌue chixtojbal xma̱c.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.