Colosenses 2
2
1Nacuaj nak te̱nau nak junelic ninqꞌue inchꞌo̱l chi tijoc che̱rix la̱ex joꞌcan ajcuiꞌ chirixeb laj pa̱banel li cuanqueb aran Laodicea. Nintijoc chirixeb chixjunileb laj pa̱banel, li ac nequeꞌxnau cuu, joꞌ ajcuiꞌ li incꞌaꞌ nequeꞌxnau cuu. 2Ut nintzꞌa̱ma ajcuiꞌ chiru li Dios nak cauhak le̱ chꞌo̱l saꞌ le̱ pa̱ba̱l. Cherahak taxak e̱rib che̱ribil e̱rib re nak junajak e̱chꞌo̱l. Lix naubal li naꞌleb aꞌin naxqꞌue xcacuilal le̱ chꞌo̱l. Chetauhak taxak ru chi tzꞌakal lix ya̱lal li mukmu nak quicuan chak. Li xya̱lal li mukmu nak quicuan chak, aꞌan nak li Cristo cuan e̱riqꞌuin. 3Riqꞌuin li Cristo naru nakatau li kanaꞌleb xban nak caꞌaj cuiꞌ riqꞌuin li Cristo cuan li tzꞌakal ya̱l ut aꞌan naxnau chixjunil. 4Nintakla xyebal e̱re aꞌin re nak incꞌaꞌ texbalakꞌi̱k xbaneb li nequeꞌtacchiꞌin e̱re. Chanchan cha̱bil a̱tin nequeꞌxye, abanan moco ya̱l ta li nequeꞌxye. 5Usta ma̱ anihin chak saꞌ e̱ya̱nk, abanan junelic nequexincꞌoxla. Nasahoꞌ saꞌ inchꞌo̱l chirabinquil nak junaj le̱ chꞌo̱l ut cuanquex saꞌ ti̱quilal. Nasahoꞌ ajcuiꞌ saꞌ inchꞌo̱l chirabinquil nak anchal e̱chꞌo̱l nak nequepa̱b li Cristo. 6La̱ex xepa̱b li Cristo ut aꞌan chic yal re saꞌ e̱be̱n. Joꞌcan nak junajakex taxak riqꞌuin li Cristo, ut texcua̱nk joꞌ naraj aꞌan. 7Chexpa̱ba̱nk chi anchal e̱chꞌo̱l ut chetzolak e̱rib riqꞌuin li Cristo. Cauhak e̱chꞌo̱l chixpa̱banquil li cꞌaꞌru tzolbilex cuiꞌ ut junelic chexbantioxi̱nk chiru li Dios.
Li acꞌ yuꞌam saꞌ xcꞌabaꞌ li Cristo
8Me̱qꞌue e̱rib chi balakꞌi̱c xbaneb li nequeꞌxye nak cuan xnaꞌlebeb. Ma̱cꞌaꞌ na-oc cuiꞌ li cꞌaꞌru nequeꞌxye xban nak lix naꞌlebeb moco riqꞌuin li Cristo ta nachal. Aꞌan yal xnaꞌleb li ruchichꞌochꞌ ut yal xnaꞌlebeb li kaxeꞌ kato̱n. 9Me̱qꞌue e̱rib chi balakꞌi̱c xbaneb aꞌan. Nakanau nak chixjunil lix lokꞌal li Dios ut lix cuanquil cuan riqꞌuin li Cristo. Lix lokꞌal ut lix cuanquilal quixcꞌutbesi nak quicꞌulun saꞌ ruchichꞌochꞌ. 10Kꞌaxal nim xcuanquil li Cristo saꞌ xbe̱neb li nequeꞌtaklan ut kꞌaxal nim ajcuiꞌ xcuanquil saꞌ xbe̱neb li musikꞌej. Ut xban nak li Cristo cuan e̱riqꞌuin, nim ajcuiꞌ e̱cuanquil la̱ex ut tzꞌakal re ru le̱ yuꞌam xban nak qꞌuebil e̱re xban li Cristo. 11Xban nak xepa̱b li Jesucristo, junajex chic riqꞌuin ut chanchan nak xecꞌul li circuncisión, aban ma̱cuaꞌ joꞌ li circuncisión nequeꞌxba̱nu laj judío. Li xecꞌul la̱ex, aꞌan nak li Jesucristo quirisi saꞌ le̱ chꞌo̱l lix rahinquil ru li ma̱usilal. 12Nak xecꞌul li cubi haꞌ chanchan nak quexmukeꞌ e̱rochben li Cristo ut quexcuacli cuiꞌchic chi yoꞌyo xban nak acꞌ chic le̱ yuꞌam nak xepa̱b li nimajcual Dios li quicuaclesin cuiꞌchic re li Jesucristo chi yoꞌyo saꞌ xya̱nkeb li camenak. 13Junxil camenakex nak quexcuan chak xban li ma̱c ut xban nak ma̱jiꞌ isinbil saꞌ le̱ chꞌo̱l lix rahinquil ru li ma̱usilal. Aban anakcuan yoꞌyo̱quex chic. Li Dios quicuaclesin cuiꞌchic re li Jesucristo chi yoꞌyo. Ut joꞌcan ajcuiꞌ la̱ex, yoꞌyo̱quex chic xban nak acꞌ chic le̱ yuꞌam qꞌuebil e̱re xban li Dios ut cuybil sachbil chixjunil le̱ ma̱c. 14Cuan tojba ma̱c saꞌ kabe̱n xban nak xkakꞌet li chakꞌrab tzꞌi̱banbil chak najter. Abanan li Dios quixye nak tojbil chic rix chixjunil li kama̱c xban nak li Jesucristo quicam chiru li cruz saꞌ kacꞌabaꞌ la̱o. 15Nak quicam chiru li cruz li Jesucristo, li Dios quirisi xcuanquileb li nequeꞌtaklan ut quirisi ajcuiꞌ xcuanquileb li ma̱us aj musikꞌej. Ut quixcꞌut xxuta̱neb nak quinumta saꞌ xbe̱neb. 16Michꞌinan e̱chꞌo̱l cui ani nacuechꞌin e̱re riqꞌuin li cꞌaꞌru nequetzaca ut li cꞌaꞌru nequerucꞌ. Chi moco ta̱chꞌina̱nk e̱chꞌo̱l cui ani nacuechꞌin e̱re xban nak incꞌaꞌ nequeninkꞌei lix ninkꞌeheb. Cuan li nequeꞌxninkꞌei lix yoꞌlajic li po ut li hiloba̱l cutan. 17Chixjunil li cꞌaꞌru queꞌxba̱nu, aꞌan yal retalil li cꞌaꞌru ta̱cꞌulma̱nk. Abanan, nak quicꞌulun li Cristo, quitzꞌakloc ru li cꞌaꞌru queꞌxba̱nu eb aꞌan. 18Cuan li nequeꞌxye nak cha̱bileb ut chanchan nak nequeꞌxcubsi ribeb. Abanan moco ya̱l ta. Lix naꞌlebeb moco qꞌuebil ta xban li Dios. Li cꞌaꞌru nequeꞌxba̱nu, aꞌan yal cꞌoxlanbil. Nequeꞌxlokꞌoni li ángel ut nequeꞌxye cui incꞌaꞌ te̱ba̱nu joꞌ nequeꞌxba̱nu eb aꞌan, incꞌaꞌ te̱cꞌul li yechiꞌinbil e̱re xban li Dios. Abanan me̱pa̱b li cꞌaꞌru nequeꞌxye xban nak moco ya̱l ta. 19Eb aꞌan moco cuanqueb ta rubel xcuanquil li Cristo. Joꞌcan nak nequeꞌxba̱nu li bar cuan nequeꞌraj eb aꞌan. Abanan la̱o aj pa̱banel, junajo riqꞌuin li Cristo ut cau kachꞌo̱l riqꞌuin xban nak aꞌan najolomin ke. Ut aꞌan ajcuiꞌ natenkꞌan ke chi qꞌui̱c saꞌ li kapa̱ba̱l joꞌ naraj li Dios. 20Chanchan nak quexcam e̱rochben li Cristo nak xexpa̱ban. Acꞌ chic le̱ yuꞌam ut li cꞌaꞌru tzolbilex cuiꞌ chak junxil saꞌ ruchichꞌochꞌ ma̱cꞌaꞌ chic xcuanquil saꞌ e̱be̱n. ¿Cꞌaꞌut nak toj nequeqꞌue e̱rib chi balakꞌi̱c ut chixba̱nunquil le̱ najter naꞌleb? 21Cuan li nequeꞌxye e̱re: —Me̱chap aꞌan chi moco te̱chꞌeꞌ ut me̱tzaca, xban nak ma̱c xba̱nunquil aꞌan, chanqueb. ¿Cꞌaꞌut nak nequepa̱b li cꞌaꞌru nequeꞌxye? 22Chixjunil li cꞌaꞌak re ru aꞌan nalaj na-osoꞌ. Eb li naꞌleb aꞌan yal cꞌoxlanbil ut xnaꞌlebeb li cui̱nk. 23Chanchan cha̱bil naꞌleb li nequeꞌxye. Nequeꞌxtacuasi rib nak nequeꞌlokꞌonin ut nequeꞌxrahobtesi rib. Chanchan nak nequeꞌxcubsi xcuanquileb chi ribileb rib. Aban aꞌan incꞌaꞌ naxjal lix naꞌleb xban nak moco nequeꞌxcanab ta xrahinquil ru li ma̱usilal.
Currently Selected:
Colosenses 2: kek
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.
Colosenses 2
2
1Nacuaj nak te̱nau nak junelic ninqꞌue inchꞌo̱l chi tijoc che̱rix la̱ex joꞌcan ajcuiꞌ chirixeb laj pa̱banel li cuanqueb aran Laodicea. Nintijoc chirixeb chixjunileb laj pa̱banel, li ac nequeꞌxnau cuu, joꞌ ajcuiꞌ li incꞌaꞌ nequeꞌxnau cuu. 2Ut nintzꞌa̱ma ajcuiꞌ chiru li Dios nak cauhak le̱ chꞌo̱l saꞌ le̱ pa̱ba̱l. Cherahak taxak e̱rib che̱ribil e̱rib re nak junajak e̱chꞌo̱l. Lix naubal li naꞌleb aꞌin naxqꞌue xcacuilal le̱ chꞌo̱l. Chetauhak taxak ru chi tzꞌakal lix ya̱lal li mukmu nak quicuan chak. Li xya̱lal li mukmu nak quicuan chak, aꞌan nak li Cristo cuan e̱riqꞌuin. 3Riqꞌuin li Cristo naru nakatau li kanaꞌleb xban nak caꞌaj cuiꞌ riqꞌuin li Cristo cuan li tzꞌakal ya̱l ut aꞌan naxnau chixjunil. 4Nintakla xyebal e̱re aꞌin re nak incꞌaꞌ texbalakꞌi̱k xbaneb li nequeꞌtacchiꞌin e̱re. Chanchan cha̱bil a̱tin nequeꞌxye, abanan moco ya̱l ta li nequeꞌxye. 5Usta ma̱ anihin chak saꞌ e̱ya̱nk, abanan junelic nequexincꞌoxla. Nasahoꞌ saꞌ inchꞌo̱l chirabinquil nak junaj le̱ chꞌo̱l ut cuanquex saꞌ ti̱quilal. Nasahoꞌ ajcuiꞌ saꞌ inchꞌo̱l chirabinquil nak anchal e̱chꞌo̱l nak nequepa̱b li Cristo. 6La̱ex xepa̱b li Cristo ut aꞌan chic yal re saꞌ e̱be̱n. Joꞌcan nak junajakex taxak riqꞌuin li Cristo, ut texcua̱nk joꞌ naraj aꞌan. 7Chexpa̱ba̱nk chi anchal e̱chꞌo̱l ut chetzolak e̱rib riqꞌuin li Cristo. Cauhak e̱chꞌo̱l chixpa̱banquil li cꞌaꞌru tzolbilex cuiꞌ ut junelic chexbantioxi̱nk chiru li Dios.
Li acꞌ yuꞌam saꞌ xcꞌabaꞌ li Cristo
8Me̱qꞌue e̱rib chi balakꞌi̱c xbaneb li nequeꞌxye nak cuan xnaꞌlebeb. Ma̱cꞌaꞌ na-oc cuiꞌ li cꞌaꞌru nequeꞌxye xban nak lix naꞌlebeb moco riqꞌuin li Cristo ta nachal. Aꞌan yal xnaꞌleb li ruchichꞌochꞌ ut yal xnaꞌlebeb li kaxeꞌ kato̱n. 9Me̱qꞌue e̱rib chi balakꞌi̱c xbaneb aꞌan. Nakanau nak chixjunil lix lokꞌal li Dios ut lix cuanquil cuan riqꞌuin li Cristo. Lix lokꞌal ut lix cuanquilal quixcꞌutbesi nak quicꞌulun saꞌ ruchichꞌochꞌ. 10Kꞌaxal nim xcuanquil li Cristo saꞌ xbe̱neb li nequeꞌtaklan ut kꞌaxal nim ajcuiꞌ xcuanquil saꞌ xbe̱neb li musikꞌej. Ut xban nak li Cristo cuan e̱riqꞌuin, nim ajcuiꞌ e̱cuanquil la̱ex ut tzꞌakal re ru le̱ yuꞌam xban nak qꞌuebil e̱re xban li Cristo. 11Xban nak xepa̱b li Jesucristo, junajex chic riqꞌuin ut chanchan nak xecꞌul li circuncisión, aban ma̱cuaꞌ joꞌ li circuncisión nequeꞌxba̱nu laj judío. Li xecꞌul la̱ex, aꞌan nak li Jesucristo quirisi saꞌ le̱ chꞌo̱l lix rahinquil ru li ma̱usilal. 12Nak xecꞌul li cubi haꞌ chanchan nak quexmukeꞌ e̱rochben li Cristo ut quexcuacli cuiꞌchic chi yoꞌyo xban nak acꞌ chic le̱ yuꞌam nak xepa̱b li nimajcual Dios li quicuaclesin cuiꞌchic re li Jesucristo chi yoꞌyo saꞌ xya̱nkeb li camenak. 13Junxil camenakex nak quexcuan chak xban li ma̱c ut xban nak ma̱jiꞌ isinbil saꞌ le̱ chꞌo̱l lix rahinquil ru li ma̱usilal. Aban anakcuan yoꞌyo̱quex chic. Li Dios quicuaclesin cuiꞌchic re li Jesucristo chi yoꞌyo. Ut joꞌcan ajcuiꞌ la̱ex, yoꞌyo̱quex chic xban nak acꞌ chic le̱ yuꞌam qꞌuebil e̱re xban li Dios ut cuybil sachbil chixjunil le̱ ma̱c. 14Cuan tojba ma̱c saꞌ kabe̱n xban nak xkakꞌet li chakꞌrab tzꞌi̱banbil chak najter. Abanan li Dios quixye nak tojbil chic rix chixjunil li kama̱c xban nak li Jesucristo quicam chiru li cruz saꞌ kacꞌabaꞌ la̱o. 15Nak quicam chiru li cruz li Jesucristo, li Dios quirisi xcuanquileb li nequeꞌtaklan ut quirisi ajcuiꞌ xcuanquileb li ma̱us aj musikꞌej. Ut quixcꞌut xxuta̱neb nak quinumta saꞌ xbe̱neb. 16Michꞌinan e̱chꞌo̱l cui ani nacuechꞌin e̱re riqꞌuin li cꞌaꞌru nequetzaca ut li cꞌaꞌru nequerucꞌ. Chi moco ta̱chꞌina̱nk e̱chꞌo̱l cui ani nacuechꞌin e̱re xban nak incꞌaꞌ nequeninkꞌei lix ninkꞌeheb. Cuan li nequeꞌxninkꞌei lix yoꞌlajic li po ut li hiloba̱l cutan. 17Chixjunil li cꞌaꞌru queꞌxba̱nu, aꞌan yal retalil li cꞌaꞌru ta̱cꞌulma̱nk. Abanan, nak quicꞌulun li Cristo, quitzꞌakloc ru li cꞌaꞌru queꞌxba̱nu eb aꞌan. 18Cuan li nequeꞌxye nak cha̱bileb ut chanchan nak nequeꞌxcubsi ribeb. Abanan moco ya̱l ta. Lix naꞌlebeb moco qꞌuebil ta xban li Dios. Li cꞌaꞌru nequeꞌxba̱nu, aꞌan yal cꞌoxlanbil. Nequeꞌxlokꞌoni li ángel ut nequeꞌxye cui incꞌaꞌ te̱ba̱nu joꞌ nequeꞌxba̱nu eb aꞌan, incꞌaꞌ te̱cꞌul li yechiꞌinbil e̱re xban li Dios. Abanan me̱pa̱b li cꞌaꞌru nequeꞌxye xban nak moco ya̱l ta. 19Eb aꞌan moco cuanqueb ta rubel xcuanquil li Cristo. Joꞌcan nak nequeꞌxba̱nu li bar cuan nequeꞌraj eb aꞌan. Abanan la̱o aj pa̱banel, junajo riqꞌuin li Cristo ut cau kachꞌo̱l riqꞌuin xban nak aꞌan najolomin ke. Ut aꞌan ajcuiꞌ natenkꞌan ke chi qꞌui̱c saꞌ li kapa̱ba̱l joꞌ naraj li Dios. 20Chanchan nak quexcam e̱rochben li Cristo nak xexpa̱ban. Acꞌ chic le̱ yuꞌam ut li cꞌaꞌru tzolbilex cuiꞌ chak junxil saꞌ ruchichꞌochꞌ ma̱cꞌaꞌ chic xcuanquil saꞌ e̱be̱n. ¿Cꞌaꞌut nak toj nequeqꞌue e̱rib chi balakꞌi̱c ut chixba̱nunquil le̱ najter naꞌleb? 21Cuan li nequeꞌxye e̱re: —Me̱chap aꞌan chi moco te̱chꞌeꞌ ut me̱tzaca, xban nak ma̱c xba̱nunquil aꞌan, chanqueb. ¿Cꞌaꞌut nak nequepa̱b li cꞌaꞌru nequeꞌxye? 22Chixjunil li cꞌaꞌak re ru aꞌan nalaj na-osoꞌ. Eb li naꞌleb aꞌan yal cꞌoxlanbil ut xnaꞌlebeb li cui̱nk. 23Chanchan cha̱bil naꞌleb li nequeꞌxye. Nequeꞌxtacuasi rib nak nequeꞌlokꞌonin ut nequeꞌxrahobtesi rib. Chanchan nak nequeꞌxcubsi xcuanquileb chi ribileb rib. Aban aꞌan incꞌaꞌ naxjal lix naꞌleb xban nak moco nequeꞌxcanab ta xrahinquil ru li ma̱usilal.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.