Myaso ya Solomoni 1
1
1 #
1 Vim 4:32
Mwaso wa myaso wauvwa manene wa Solomoni.
Mwaso wakulivanga
Munakazi
2Njitsembe na kanwa kove,
omwo cizemo cove cacivwa manene kutuvakana vinyu.
3Mazi ove akuvwava anika lwengo lwaluvwa,
lizina lyove linapu ngwe mazi akunika lwengo lwaluvwa.
Mukemwo vambanda vakuzema.
4Njiye amo nove, tushatuke lumbisi,
pwa mwene yange, co njikovelese mu milili yove.
Tuvwaelela nakujolela muli yove,
tukashangazala cizemo cove kutuvakana vinyu.
Kucikomokesa omwo vambanda voshe vakuzema.
Munakazi
5Yeni vanakazi va mu Yelusalema,
nambe njiwakuzivala oloni njiwamuvwa,
ngwe vimbalaka vya mu mambo vya ku Kendale,
ngwe mavamba#1:5 MAVAMBA: Mavamba a mu lipela lya Solomoni apwile akuzivala oloni amavwa. a mu lipela lya Solomoni.
6Kesi munjikenge omo njapwa njiwakuzivala,
omwo litangwa lyazivalesa cikonde cange,
vandolome vange valuvalele nange,
co vanjipangesele mu citungu
ca mikolovozi ya vushuka vwa vinyu.
Co kunjakele na simbu yakulivwaesa.
7Njileke, muka-cizemo cange,
kulijo kuukalisila vutanga vwa vimanga vove?
Kulijo kuukahwimisila vutanga
vwove a simbu ya mutanya?
Omwo vikajo njikukengezekela
akati ka tunyungi va matanga eka?
Munalume
8Yove uwamuvwa manene akati ka vanakazi,
nga kuuzivuka kuje ku mutambela,
ya nakukava vutanga vwa vimanga,
co lisila vimembe vove
kuyehi na vimbalaka vya tunyungi.
9Yove muka-cizemo cange,
njinakwesekesa na kavalu wa lwavo
wa ku matemba a mwene wa Ingito.
10Vin̄ambu vyove vinapu vyavivwa,
vinatepukila ku vinana vyove,
co vinatepukila ku mukoshi wove
ngwe mamanya a seo yakama.
11Oloni tukakulingila lilyenge lya ngolinde,
na vimande vya siliva.
Munakazi
12Omwo mwene wakele ku mesa yendi,
mazi anjavwavele anikile lwengo lwaluvwa.
13Muka-cizemo cange kuli yange
napu ngwe mazi miila,
mazi aje ali a nulo yange.
14Muka-cizemo cange kuli yange napu ngwe
vishani vya ku vitungu vya mikolovozi
ya vushuka vwa vinyu vya ku Engendi.
Munalume
15Kenga, uwamuvwa, muka-cizemo cange,
kenga, uwamuvwa manene,
mesho ove anapu ngwe mayembe!
Munakazi
16Kenga, uwamuvwa muka-cizemo cange,
mwa vushunga uwamuvwa!
Vulili vwetu vukapwa mwila wavushompo.
17Mikambo ya njuvo yetu ikapwa
miti ya kendale,
co mashoko etu, akapwa a miti ya kalipi.
Currently Selected:
Myaso ya Solomoni 1: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006