Kulava 1
1
Kulava kwakulivanga kwa vaIsalele
1A litangwa lyakulivanga ku ngonde yamucivali#1:1 NGONDE YAMUCIVALI: Mu ciHevelu inapu ngonde yamucivali, kutunda akati ka Kuhu nakweta akati ka Kasikana. ku mwaka wamucivali omo vanu va Isalele vanatundu laja mu Ingito, Shukulu Kalunga wendekele kuli Mosesa mu Mbalaka Mwakuliwanena mu Mambo ya Sinai ngwendi, 2“Nove na Alone laveni vanu va Isalele ngwe ku vikota vyavo na ku naanga yavo. Laveni mazina a vanalume voshe 3vaje vali na myaka makumi avali nambe kutuvakana, vaje vasa kuya ku nzita. 4Anguleni ku cikota na cikota mukulunu wa ku muyati umo na umo amikwase.” 5Awa akewo mazina a vanalume vaje vavaangwile mu mbunga mu miyati yavo kukwasa ku vipangi evi.
Ku muyati wa Luvena muka-kukwasa wapwile Elizule muna Shendeule.
6Ku muyati wa Simyoni muka-kukwasa wapwile Shelumiyele muna Zulishandai.
7Ku muyati wa Yunda muka-kukwasa wapwile Nashone muna Aminandave.
8Ku muyati wa Isakale muka-kukwasa wapwile Netanela muna Zuwale.
9Ku muyati wa Zembuloni muka-kukwasa wapwile Elyave muna Helone.
10Ku vana va Yosefa, muyati wa Efalime muka-kukwasa wapwile Elishama muna Amihunde,
ku muyati wa Manase muka-kukwasa wapwile Ngamalyele muna Pendazule.
11Ku muyati wa Mbenjemani muka-kukwasa wapwile Avindane muna Ngilyone.
12Ku muyati wa Ndani muka-kukwasa wapwile Ahiyezele muna Amishandai.
13Ku muyati wa Ashele muka-kukwasa wapwile Pangiyele muna Okelane.
14Ku muyati wa Ngande muka-kukwasa wapwile Elyasafe muna Ndewele.
15Ku muyati wa Nafetali muka-kukwasa wapwile Ahila muna Enane.
16Ava vakevo vanalume vaje vavaangwile mu mbunga, vakevo vakulunu va miyati ya vakukulwila vavo, vakevo vantwama va vikota vya vanu va Isalele.
17Akukwasa kwa ava vanalume likumi na vavali, Mosesa na Alone 18vakungulwile mbunga yoshe a litangwa lyakulivanga ku ngonde yamucivali, nakulava vanu voshe ngwe ku vikota vyavo na ku naanga yavo. Mazina oshe a vanalume vakweta ku myaka makumi avali nambe kutuvakana vawalavele, 19ngwe muje mwashikile Shukulu Kalunga. Ngecivene, Mosesa wavalavelele mu Mambo ya Sinai. 20Ku cikota ca Luvena ntwatwa ya Isalele, vanalume voshe vaje vakele na myaka makumi avali nambe kutuvakana, vaje vasele kuya ku nzita, vavalavele a mazina avo, ngwe ku cikota cavo na ku naanga yavo. 21Co vungi vwa vanu va ku muyati wa Luvena vapwile 46,500.
22Ku cikota ca Simyoni, vanalume voshe vaje vakele na myaka makumi avali nambe kutuvakana, vaje vasele kuya ku nzita, vavalavele a mazina avo, ngwe ku cikota cavo na ku naanga yavo. 23Co vungi vwa vanu va ku muyati wa Simyoni vapwile 59,300.
24Ku cikota ca Ngande, vanalume voshe vaje vakele na myaka makumi avali nambe kutuvakana, vaje vasele kuya ku nzita, vavalavele a mazina avo, ngwe ku cikota cavo na ku naanga yavo. 25Co vungi vwa vanu va ku muyati wa Ngande vapwile 45,650.
26Ku cikota ca Yunda, vanalume voshe vaje vakele na myaka makumi avali nambe kutuvakana, vaje vasele kuya ku nzita, vavalavele a mazina avo, ngwe ku cikota cavo na ku naanga yavo. 27Co vungi vwa vanu va ku muyati wa Yunda vapwile 74,600.
28Ku cikota ca Isakale, vanalume voshe vaje vakele na myaka makumi avali nambe kutuvakana, vaje vasele kuya ku nzita, vavalavele a mazina avo, ngwe ku cikota cavo na ku naanga yavo. 29Co vungi vwa vanu va ku muyati wa Isakale vapwile 54,400.
30Ku cikota ca Zembuloni, vanalume voshe vaje vakele na myaka makumi avali nambe kutuvakana, vaje vasele kuya ku nzita, vavalavele a mazina avo, ngwe ku cikota cavo na ku naanga yavo. 31Co vungi vwa vanu va ku muyati wa Zembuloni vapwile 57,400. 32Vana va Yosefa va vanalume, ku cikota ca Efalime, vanalume voshe vaje vakele na myaka makumi avali nambe kutuvakana, vaje vasele kuya ku nzita, vavalavele a mazina avo, ngwe ku cikota cavo na ku naanga yavo. 33Co vungi vwa vanu va ku muyati wa Efalime vapwile 40,500.
34Ku cikota ca Manase, vanalume voshe vaje vakele na myaka makumi avali nambe kutuvakana, vaje vasele kuya ku nzita, vavalavele a mazina avo, ngwe ku cikota cavo na ku naanga yavo. 35Co vungi vwa vanu va ku muyati wa Manase vapwile 32,200.
36Ku cikota ca Mbenjemani, vanalume voshe vaje vakele na myaka makumi avali nambe kutuvakana, vaje vasele kuya ku nzita, vavalavele a mazina avo, ngwe ku cikota cavo na ku naanga yavo. 37Co vungi vwa vanu va ku muyati wa Mbenjemani vapwile 35,400.
38Ku cikota ca Ndani, vanalume voshe vaje vakele na myaka makumi avali nambe kutuvakana, vaje vasele kuya ku nzita, vavalavele a mazina avo, ngwe ku cikota cavo na ku naanga yavo. 39Co vungi vwa vanu va ku muyati wa Ndani vapwile 62,700.
40Ku cikota ca Ashele, vanalume voshe vaje vakele na myaka makumi avali nambe kutuvakana, vaje vasele kuya ku nzita, vavalavele a mazina avo, ngwe ku cikota cavo na ku naanga yavo. 41Co vungi vwa vanu va ku muyati wa Ashele vapwile 41,500.
42Ku cikota ca Nafetali, vanalume voshe vaje vakele na myaka makumi avali nambe kutuvakana, vaje vasele kuya ku nzita, vavalavele a mazina avo, ngwe ku cikota cavo na ku naanga yavo. 43Co vungi vwa vanu va ku muyati wa Nafetali vapwile 53,400.
44Mosesa na Alone valavele vanalume ava voshe akukwasa kwa vaje vakulunu likumi na vavali, vaje vemanenene miyati yavo. 45Vanu va Isalele voshe vaje vakele na myaka makumi avali nambe kutuvakana, vaje vasele kuya ku nzita, vavalavele ngwe ku naanga yavo. 46#Kul 26:1-51 Vungi vwavo vapwile 603,550.
47Oloni vaLevi kuvavalavelele kumo na miyati ikwavo, 48omwo Shukulu Kalunga wendekele kuli Mosesa ngwendi, 49“Omo ukalava vanalume vaje vasa kuya ku nzita, kesi ukalaveko na muyati wa Levi. 50Oloni vaLevi vapwe vaka-kunyunga lika ku Mbalaka Mwakuliwanena na vivala vyamwo vyoshe. Vakevo vakayambata na vivala vyayo, nakuyinyunga, co vakashimbike vimbalaka vyavo kuzengeleka Mbalaka Mwakuliwanena. 51Kwoshe kuje kumukajalwisila cilombo ceni, vaLevi vakevo vakasiwula Mbalaka, co vakaishimbika lalo ku cilombo na cilombo ceka caciha mu mwela wayo. Nga munu weka akashwenya kuyehi na Mbalaka vakamutsiye. 52Co vanu va Isalele vakashimbike vimbalaka vyavo, munu na munu na mbunga yendi, mwisi ya pandelo yendi. 53Oloni vaLevi vakashimbike vimbalaka vyavo kuzengeleka Mbalaka Mwakuliwanena nakuyinyunga. Co naumo wai akashwenyako ngeci akashangumune vukalu vwange kutewa njikanyanyamesa mbunga ya vanu va Isalele.” 54Ngecivene, vanu va Isalele valingile vyuma vyoshe vije vyashikile Shukulu Kalunga kuli Mosesa.
Currently Selected:
Kulava 1: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006