Nahumi 1
1
Vukalu vwa Shukulu Kalunga a Nenevayi
1 #
Isa 10:5-34; 14:24-27; Zef 2:13-15 Eli likelyo lijwi lya Shukulu Kalunga a nganda ya Nenevayi. Nahumi uje watundile ku nganda ya Elekoshe, wasonekele vyuma vije Njambi wamumweselevyo mu cimona.
2Shukulu Kalunga Njambi kesi kutavesa
vanu vaje valemesa tumponya,
akanyanyamesa vaje vamuzinda.
Omo vakevo vamuluvalesa,
co avalinga shambandinga.
3Shukulu Kalunga kesi kuluvala vwasi embwe,
oloni wakala na nzili,
co simbu yoshe akanyanyamesa vanu vaje
valinga vyuma vyavivi.
Kuje kwoshe kwali nakwendela
Shukulu Kalunga,
co kukatuka kankumba kakama,
mashelwa akewo likungu lije litunda ku mendi endi!
4Ashika mema a kalunga, co auma cau!
Alingisa vindonga ngeci viwume cau.
Na vulilo vwa Mbashane vuuma cau,
Munkinda wa Kalemele uvenguluka,
na vishani vya Munkinda wa Lembanone vijujwama.
5Minkinda ininganga ku mesho a Shukulu Kalunga,
malundu asangunuka kulutwe lwendi.
Asi aninganga omo Shukulu Kalunga asholoka,
Kaye na vanu vamwo voshe valijajela.
6Omo naluvala, iyajo asa kuyoya?
Iyajo asa kuyoya ku vukalu vwendi vwakama?
Etila vukalu vwendi ngwe milangi ya tuhya,
mamanya atavozoka apwa likungu ku mesho endi.
7Shukulu Kalunga wapwa wamuvwa,
Akamena vanu vendi mu simbu ya tuyando,
akanyungu vaje vatengulukila kuli ikeye.
8Akanyongesa vitozi vendi njwa ngwe mulikajalela livazi,
atwala ku kutsa vaje vamuyeluwisa.
9Vika mulinakutumba matumbe amavi ali Shukulu Kalunga?
Akaminyongesa yeni. Vasa kumuyeluwisa lumolika oloni kesi luvali embwe.
10Yeni vaka-kupenda vakamyenyeka
ngwe mambimbo akulizenga-zenga na vishati vyakuma!
11Kuli yove Nenevayi kwatundile munu umo washulile na matumbe amavi, uje watumbile vutumbe vwakulwisa Shukulu Kalunga. 12Evi vikevyo vyalinakwendeka Shukulu Kalunga kuli vanu vendi va Isalele ngwendi, “Nameme vaAsilya vatumu manene, nambe vali na nzili, vakanyonga, co vakaziluka. Vanu vange, njamiyandesele, oloni kunjikacilingi lalo embwe. 13Co ololo njikamanesa nzili ya Asilya ali yeni nakuvatula malyenge aje avanamikutu.”
14Evi vikevyo vyanashiki Shukulu Kalunga ali vaAsilya ngwendi, “Kuvakakala na vatekulwila vakutwala kulutwe lizina lyavo. Co njikanyongesa tumponya tuje tuli mu vinjuvo vya vinjambi vavo. Njilinakuvwaesa mbumbo ya vaAsilya, kuvapandele kuyoya!”
15 #
Isa 52:7
Kengeni, muluwa alinakwija akamwa ya minkinda mukutunenela muzimbu wauvwa! Alinakwija mukwambulula vyakufungulula Asilya! Ngecivene, vanu va mu Yunda, lisambeni a viwano vyeni, co aneni kuli Njambi vije mwalisingile kumwana. Co vaAsilya vaje vaka-vuvi kuvakalwisa lalo lifuti lyeni. Vanavanyongesa voshe njwa!
Currently Selected:
Nahumi 1: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006