Zakaliya 7
7
Shukulu Kalunga ahisa kulikela kulya kwa civembulu
1Mu mwaka wamuciwana omo Ndalyuse wapwile mwene, a litangwa lyamuciwana ku ngonde yamucitanu na viwana (ngonde ya Kiseleve),#7:1 NGONDE YA KISELEVE: Mu ciHevelu inapu ngonde yamucitanu na viwana kutunda akati ka Kazimbi nakweta akati ka Nzimbi. Mwaka wamuciwana wakushwana kwa Ndalyuse wapwile mwaka wa 518 BC. Shukulu Kalunga wendekele kuli yange.
2Vanu va ku Mbetele vanatumu Shalezele na Lengemeleki na vanu vendi kuya ku Njuvo ya Shukulu Kalunga Muka-nzili yoshe mukulomba vivezikiso vyendi, 3nakwihula cihula eci kuli vaka-kukombelela na kuli vaka-kwimanena ngwavo, “Kuma tunapande kutwalao kulila nakulikela kulya ku ngonde yamucitanu ngwe mutwakele nakulinga myaka yaingi omwo Njuvo ya Shukulu Kalunga inanyongo ndi?”
4Awa akewo majwi a Shukulu Kalunga aje ezile kuli yange. 5Shukulu Kalunga wendekele kuli yange ngwendi, “Leka vanu voshe va mu lifuti na vaka-kukombelela ngwove omo mwalikelele kulya nakulila ku ngonde yamucitanu na ku ngonde yamucitanu na vivali mu myaka eyi makumi atanu na avali, kumwanjisingimikile embwe. 6Oloni valile nakunwa, capwile cizango cavo vavenya cakulivwaelelesa.”
7Evi vikevyo vyendekele Shukulu Kalunga ali vaka-kwimanena vakulivanga a simbu ije omo Yelusalema yakele mwamuvwa nakushula na vanu, co lalo omo vanu vavangi kuvakele lika mu vinganda vije vyazengelekele Yelusalema, oloni vakele lalo mu lifuti lya ku mbwela, na mu lifuti lya ku vushelumukilo vwa malundu lya mu kangombe ka yambi.
Kujeneka kwononoka kukekwo kwanenesele vunzinda
8Shukulu Kalunga walekele majwi awa kuli Zakaliya ngwendi, 9“Ku san̄ulu njashikile mashiko awa kuli vanu vange ngwange, ‘Moneni ngeci vushunga vulinakulingiwa, mweseni ngozi na mema ku mbunge kuli umo na mukwavo. 10Kesi muyandese vifwile, nambe visiwa, nambe vaka-kwija vaje vali akati keni, nambe munu woshe uje najeneka. Co kesi mweseke kutumba matumbe akuvulumuna vakweni embwe!’
11“Oloni vanu vange vakaluwisile vimbunge vyavo manene, co vavyanene kunjitolilila. Vashokele mana avo, 12nakukaluwisa manene vimbunge vyavo ngwe limanya. Omwo kuvatolililile ku vilongesa vije njavatuminine kwitilila muli vaka-kwimanena vaje vakeleko ku san̄ulu, co njaluvalele manene. 13Omwo kuvatolililile omo njendekele, co kunjavakumbulwile omo valombelele. 14Co njavapekumwine ngwe lihunzi nakuvatwala ku mafuti eka ngeci vakayoyeleko. Lifuti eli lyalivwa lyasalele mu ngundu yangoco, naumo wai wayoyelelemo.”
Currently Selected:
Zakaliya 7: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
