Zakaliya 6
6
Cimona ca matemba awana
1Njamwene cimona cikwavo. A simbu eyi njamwene matemba awana atundile mukati ka minkinda ivali ya vunengu. 2#Kuj 6:4,5 Litemba lyakulivanga valikokele tuvalu vakuvenga, co lyamucivali valikokele tuvalu vakuzivala, 3#Kuj 6:2 lyamucitatu valikokele tuvalu vakutoka, co lyamuciwana valikokele tuvalu vakuvenguluka. 4Co njehwile uje kangelo ngwange, “Mwane, awa matemba alumbunuka cuma mukajo?”
5 #
Kuj 7:1
Wanjikumbulwile ngwendi, “Awa anapu mahunzi awana, anatundu ku mesho a Shukulu Kalunga wa ano asi oshe.”
6Co litemba lije livakokele tuvalu vakuzivala lyaile ku kunto ku Mbambilone, co tuvalu vakutoka vakengeselele mu kangombe ka yambi, co tuvalu vakuvenguluka vaile ku lifuti lya ku mbwela. 7Omo tuvalu vakuvenguluka vatuukile, vakele na cizango cakama cakuya nakwilula ano asi. Co kangelo wendekele ngwendi, “Yeni mukelule asi!” Co vaile vene. 8Co uje kangelo watambekele kuli yange ngwendi, “Tuvalu vaje vaile ku kunto ku Mbambilone vanolwesa vukalu vwa Shukulu Kalunga.”
Lishiko lyakuzika Yoshwa cilongo
9Shukulu Kalunga wanjilekele majwi awa ngwendi, 10“Ambata vwana ovu vunatundu kuli vaje vinzinda Helendayi, na Toviya, na Yendaya, ya lelo vene ku njuvo ya Yosiya muna Zefaniya. Vanalume voshe ava vanatundu ku vunzinda ku Mbambilone. 11Tambula siliva na ngolinde vije vivanaana upange cilongo, ukacizike ku mutwe wa Yoshwa Muka-kukombelela Wakama, muna Yehozandake. 12#Njele 23:5; 33:15; Zak 3:8 Co muleke ngwove Shukulu Kalunga Muka-nzili yoshe alinakwendeka ngwendi, ‘Munalume uje ivanatumbula ngwavo Munango akakula kwoshe kuje kwali, co akatungulula Njuvo yange. 13Ikeye akaitunga, co akatambula kasingimiko kanapande mwene, co ikeye akashwana vanu vendi. Co muka-kukombelela akemana ku litanda lyendi, Co vakapanga amolika mu kwoloka na mukulizivasana.’ 14Cilongo cikapwa canukiso ca mu Njuvo yange mukusingimika Helendayi, na Toviya, na Yendaya, na Yosiya.”
15Vanalume vakatunda kulyala vakaija nakukwasa kutungulula Njuvo ya Shukulu Kalunga. Omo vanayitungulula, cooni mukazivuka ngeci Shukulu Kalunga Muka-nzili yoshe ikeye wanjitumine kuli yeni. Vyoshe evi vikalingiwa nga mwononoka mwamuvwa mashiko a Shukulu Kalunga Njambi yeni.
Currently Selected:
Zakaliya 6: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Zakaliya 6
6
Cimona ca matemba awana
1Njamwene cimona cikwavo. A simbu eyi njamwene matemba awana atundile mukati ka minkinda ivali ya vunengu. 2#Kuj 6:4,5 Litemba lyakulivanga valikokele tuvalu vakuvenga, co lyamucivali valikokele tuvalu vakuzivala, 3#Kuj 6:2 lyamucitatu valikokele tuvalu vakutoka, co lyamuciwana valikokele tuvalu vakuvenguluka. 4Co njehwile uje kangelo ngwange, “Mwane, awa matemba alumbunuka cuma mukajo?”
5 #
Kuj 7:1
Wanjikumbulwile ngwendi, “Awa anapu mahunzi awana, anatundu ku mesho a Shukulu Kalunga wa ano asi oshe.”
6Co litemba lije livakokele tuvalu vakuzivala lyaile ku kunto ku Mbambilone, co tuvalu vakutoka vakengeselele mu kangombe ka yambi, co tuvalu vakuvenguluka vaile ku lifuti lya ku mbwela. 7Omo tuvalu vakuvenguluka vatuukile, vakele na cizango cakama cakuya nakwilula ano asi. Co kangelo wendekele ngwendi, “Yeni mukelule asi!” Co vaile vene. 8Co uje kangelo watambekele kuli yange ngwendi, “Tuvalu vaje vaile ku kunto ku Mbambilone vanolwesa vukalu vwa Shukulu Kalunga.”
Lishiko lyakuzika Yoshwa cilongo
9Shukulu Kalunga wanjilekele majwi awa ngwendi, 10“Ambata vwana ovu vunatundu kuli vaje vinzinda Helendayi, na Toviya, na Yendaya, ya lelo vene ku njuvo ya Yosiya muna Zefaniya. Vanalume voshe ava vanatundu ku vunzinda ku Mbambilone. 11Tambula siliva na ngolinde vije vivanaana upange cilongo, ukacizike ku mutwe wa Yoshwa Muka-kukombelela Wakama, muna Yehozandake. 12#Njele 23:5; 33:15; Zak 3:8 Co muleke ngwove Shukulu Kalunga Muka-nzili yoshe alinakwendeka ngwendi, ‘Munalume uje ivanatumbula ngwavo Munango akakula kwoshe kuje kwali, co akatungulula Njuvo yange. 13Ikeye akaitunga, co akatambula kasingimiko kanapande mwene, co ikeye akashwana vanu vendi. Co muka-kukombelela akemana ku litanda lyendi, Co vakapanga amolika mu kwoloka na mukulizivasana.’ 14Cilongo cikapwa canukiso ca mu Njuvo yange mukusingimika Helendayi, na Toviya, na Yendaya, na Yosiya.”
15Vanalume vakatunda kulyala vakaija nakukwasa kutungulula Njuvo ya Shukulu Kalunga. Omo vanayitungulula, cooni mukazivuka ngeci Shukulu Kalunga Muka-nzili yoshe ikeye wanjitumine kuli yeni. Vyoshe evi vikalingiwa nga mwononoka mwamuvwa mashiko a Shukulu Kalunga Njambi yeni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006