Zakaliya 5
5
Cimona ca livulu lyakuzenga lyakupulula
1Njakengele lalo, a simbu eyi vene, njamwene livulu lyakuzenga lipulula mu lihunzi. 2Co kangelo wanjihwile ngwendi, “Vikajo wamono?” Njamukumbulwile ngwange, “Njamono livulu lyakuzenga lipulula lyakupwa mamita atanu na awana mu vulaja na mamita awana na litambelo mu vwihi.”
3Co wendekele kuli yange ngwendi, “Mu livulu eli vanasonekao cisingo cije cikaya ano a kaye koshe. Mu mutambela umo wa livulu eli vanasonekamo ngwavo mwizi woshe vakamutundisa muno mu lifuti, co ku mutambela ukwavo vasonekao ngwavo woshe uje endeka makuli nakulisinga na ikeye lalo vakamutundisa mu lifuti. 4Shukulu Kalunga Muka-nzili yoshe alinakwendeka ngwendi akasholola cisingo eci, co cikakovela mu njuvo ya mwizi woshe na mu njuvo ya munu woshe uje endeka makuli nakulisinga. Cisingo eci cikakala mu vinjuvo vyavo nakuvinyongesa vyoshe njwa.”
Cimona ca munakazi wa mu mutonga
5Co kangelo washolokele lalo wendekele kuli yange ngwendi, “Kenga, cuma ceka lalo cilinakwija!”
6Co njamwihwile ngwange, “Cuma mukajo?”
Wanjikumbulwile ngwendi, “Mutonga, unemanena vuvi vwa lifuti lyoshe.”
7Co uje mutonga wakele na cifwiko cakulinga na shumbu. Co omo njakengele, cifwiko cafukukile, mu mutonga mwatumbamene munakazi!
8Co uje kangelo wendekele ngwendi, “Ou munakazi nemanena vuvi.” Asinoni wasindikilile uje munakazi mu mutonga, co wafwikileko lalo cifwiko. 9Njandwile mesho ange, co njamwene vanakazi vavali vapuluwile kuli yange na mambava a nzili ngwe a kanyange-nyange. Co vakakwile uje mutonga nakupulula nawo.
10Njehwile uje kangelo ngwange, “Kulijo vatwala uje mutonga?”
11Co wanjikumbulwile ngwendi, “Vautwala ku Mbambilone, kukekwo kuvakautungila njuvo yakulemesela. Omo ije njuvo inahu kutunga, co uje mutonga vakawaka muje ngeci vaulemese.”
Currently Selected:
Zakaliya 5: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Zakaliya 5
5
Cimona ca livulu lyakuzenga lyakupulula
1Njakengele lalo, a simbu eyi vene, njamwene livulu lyakuzenga lipulula mu lihunzi. 2Co kangelo wanjihwile ngwendi, “Vikajo wamono?” Njamukumbulwile ngwange, “Njamono livulu lyakuzenga lipulula lyakupwa mamita atanu na awana mu vulaja na mamita awana na litambelo mu vwihi.”
3Co wendekele kuli yange ngwendi, “Mu livulu eli vanasonekao cisingo cije cikaya ano a kaye koshe. Mu mutambela umo wa livulu eli vanasonekamo ngwavo mwizi woshe vakamutundisa muno mu lifuti, co ku mutambela ukwavo vasonekao ngwavo woshe uje endeka makuli nakulisinga na ikeye lalo vakamutundisa mu lifuti. 4Shukulu Kalunga Muka-nzili yoshe alinakwendeka ngwendi akasholola cisingo eci, co cikakovela mu njuvo ya mwizi woshe na mu njuvo ya munu woshe uje endeka makuli nakulisinga. Cisingo eci cikakala mu vinjuvo vyavo nakuvinyongesa vyoshe njwa.”
Cimona ca munakazi wa mu mutonga
5Co kangelo washolokele lalo wendekele kuli yange ngwendi, “Kenga, cuma ceka lalo cilinakwija!”
6Co njamwihwile ngwange, “Cuma mukajo?”
Wanjikumbulwile ngwendi, “Mutonga, unemanena vuvi vwa lifuti lyoshe.”
7Co uje mutonga wakele na cifwiko cakulinga na shumbu. Co omo njakengele, cifwiko cafukukile, mu mutonga mwatumbamene munakazi!
8Co uje kangelo wendekele ngwendi, “Ou munakazi nemanena vuvi.” Asinoni wasindikilile uje munakazi mu mutonga, co wafwikileko lalo cifwiko. 9Njandwile mesho ange, co njamwene vanakazi vavali vapuluwile kuli yange na mambava a nzili ngwe a kanyange-nyange. Co vakakwile uje mutonga nakupulula nawo.
10Njehwile uje kangelo ngwange, “Kulijo vatwala uje mutonga?”
11Co wanjikumbulwile ngwendi, “Vautwala ku Mbambilone, kukekwo kuvakautungila njuvo yakulemesela. Omo ije njuvo inahu kutunga, co uje mutonga vakawaka muje ngeci vaulemese.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006