Kujombolola 22
22
1 #
Ezek 47:1; Zak 14:8 Asinoni kangelo wanjimwesele ndonga ya mema a mwonyo, yakuvyakuma ngwe kilisitale, yatundile ku litanda lya Njambi na lije lya Muna Manga, 2#Kus 2:9; Ezek 47:12 co yetile mukati ka tapalo ya mu nganda. Ku ngenge na ngenge ya ndonga kwakele muti wa mwonyo, uje wakele nakwima vushuka visimbu likumi na vivali a mwaka, lumo a ngonde na ngonde, co maputa awo apwile vumbanda vwakukangwisa miyati ya vanu. 3#Zak 14:11 Kumukakala lalo cuma cakusinga mu nganda ije embwe.
Litanda lya Njambi na lya Muna Manga likakala muje mu nganda, co vangamba vendi vakamulemesa. 4Vakamona cihanga cendi, co lizina lyendi vakalisoneka a maholo avo. 5#Isa 60:19; Ndan 7:18 Kumukakala lalo vutsiki muje, co kumukakala lalo ndeya nambe litangwa, omwo Shukulu Kalunga Njambi akapwa ceke cavo, co vakashwana ngwe vimyene ku myaka na myaka.
Kwija kwa Yesu
6Co kangelo wendekele kuli yange ngwendi, “Majwi awa anapu a vushunga, co vasa kuwakulaela. Co Shukulu Kalunga Njambi, uje muka-kwana Munzinzime wendi kuli vaka-kwimanena, natumu kangelo kendi mukumwesa vangamba vendi vije vikalingiwa ololo.”
7Yesu alinakwendeka ngwendi, “Tolilileni! Njilinakwija vwasi! Vanavezika vaje vononoka majwi a vuka-kwimanena a mu livulu eli!”
8Yange Yowano, njazivile nakumona vyuma vyoshe evi. Co omo njavizivile nakuvimona, njawililile asi ku myanja ya kangelo uje wanjimwesele vyuma evi, co njashakele kumulemesa. 9Oloni ikeye wendekele kuli yange ngwendi, “Kesi ulinge ngeci! Yange njinapu ngamba ngwe yove na vakweni vaka-kwimanena na voshe vaje vononoka majwi a mu livulu eli. Lemesa Njambi!” 10Co wendekele kuli yange ngwendi, “Kesi upwise cisin̄iko majwi a vuka-kwimanena a mu livulu eli, omwo simbu ili muyehi omo vyuma vyoshe evi vikalingiwa. 11#Ndan 12:10 Woshe uje alinga vuvi acitwaleo kulinga vuvi, co woshe uje alinga vya vunyengwe acitwaleo vene kulinga vya vunyengwe, woshe uje alinga vuvwa acitwaleo kulinga vuvwa, co woshe uje najele acitwaleo kupwa wakujela.”
12 #
Isa 40:10; 62:11; Mya 28:4; Njele 17:10 Yesu alinakwendeka ngwendi, “Tolilileni! Njilinakwija vwasi! Njilinakwija na cikandelela cakwana kuli munu na munu ngwe ku vilinga vyendi. 13#Kuj 1:8,17; 2:8; Isa 44:6; 48:12 Yange wakulivanga na muka-kukotokela, vushangumukilo na mamaneselelo.”
14 #
Kus 2:9; 3:22 Vanavezika vaje vakusha vuzalo vwavo ngeci vujele, co vali na moko yakulya ku vushuka vwa muti wa mwonyo nakukovela mu vikolo vya mu nganda. 15Oloni anja ya nganda ali tutali na valozi na vaka-vupangala na vaka-kutsiya na vaka-kulemesa tumponya na vaka-makuli mu majwi na mu vilinga.
16 #
Isa 11:1,10 “Yange Yesu, njinatumu kangelo kange nakwambulula vyuma evi kuli yeni mu vikungulukilo. Yange njatunda ku naanga ya Ndaviti, yange litota lyakuvyazima lya mutondo.”
17 #
Isa 55:1
Munzinzime na Shombolwa vendeka ngwavo, “Ija!”
Woshe uje aziva evi napande lalo kwendeka ngwendi, “Ija!”
Woshe uje ali na lihwila aije, woshe uje ashaka, atambule mema a mwonyo a vwana.
Mamaneselelo
18 #
Kwi 4:2; 12:32 Yange Yowano, njiminangula yeni voshe vaje vaziva majwi a vuka-kwimanena a mu livulu eli ngwange, nga munu awezelela cuma cimo ku majwi awa, co Njambi lalo akawezelela ku cihiso cendi tuyando tuje tuvanatumbula mu livulu eli. 19Co nga munu atundisako koma kamo ku majwi a vuka-kwimanena a mu livulu eli, co Njambi akatundisa kuli ikeye vyuma vije vivanasoneka mu livulu eli, vikevyo mutambela wendi wa vushuka vwa muti wa mwonyo na mutambela wendi mu Nganda Yakujela.
20Uje ana vukaleo vwendi ku vyoshe evi endeka ngwendi, “Mwa vushunga vene! Njilinakwija vwasi!”
Mukemwo vene cipwemo. Ija, Mwene Yesu!
21Kutetela kwa Mwene Yesu kukale neni voshe.#22:21 VOSHE: Kunungulula kumo ngwavo, vanu va Njambi. Kukwavo ngwavo, vanu va Njambi voshe. Ewa.
The Bible in Mbunda ©The Bible Society of Zambia, 2006