Myaso 82
82
Njambi Muka-kushwana wa Akamwa ya Akamwa
Mwaso wa Asafe
1Omo vinjambi veka valikungulwila amo,
Shukulu Kalunga Njambi avasompa,
nakwendeka ngwendi,
2“Visimbu vingaijo mukasompa civembulu,
nakusingimika vaka-vuvi?
3Lingeni vushunga kuli tuutu na kuli visiwa,
lingeni vuvwa kuli vaka-kujeneka na kuli vaka-kuyanda.
4Ameneni vaka-kuzeya na vaka-,
ku mavoko a vaka-vuvi!
5“Kumwesi kulinga cuma ca vushunga,
co vushunga vunatundu mu lifuti.
6 #
Yow 10:34
Njendekele ngwange,
‘Yeni munapu mu vinjambi,’
yeni voshe munapu mu vana vange.
7Oloni mukatsa ngwe muvakatsi vanu voshe,
na vaka-kushwana va nzili navo lalo vakatsa.”
8Lingao cimo yove Njambi,
sompa miyati ya kaye yoshe,
omwo miyati yoshe yapwa yove.
The Bible in Mbunda ©The Bible Society of Zambia, 2006