Myaso 141
141
Lilombelo lya cingwezi
Mwaso wa Ndaviti
1Shukulu Kalunga,
njitambeka kuli yove ngeci unjikwase,
njitolilile omo njitambeka kuli yove.
2 #
Kuj 5:8
Lilombelo lyange lipwe ngwe insense
ku mesho ove,
tambula majwi ange anjilombela
ngwe muukatambula n̄ombelo ya cingwenzi.
3Shukulu Kalunga, njinyunge kukwendeka vyavivi,
ononwesa viyongola vyange,
na vyendeka vyange.
4Njinyunge kutewa njilinga vyuma vya kupenga-penga,
nambe kulipandakana na vaka-vuvi
mu vilinga vyavo vyavivi.
Kesi njilipandakane navo mu viwano vyavo.
5Muka-vushunga nasa kunjihisa,
nakunjendekela na ngozi,
omwo simbu yoshe njilinakulombela
a vilinga vya vaka-vuvi.
6Omo vaka-kushwana vavo
vanavombila mu linzenzengoma,
co vaka-vuvi vakatava ngwavo
majwi ange apwile a vushunga.
7Vitsiya vyavo vili kuyehi na mbumbo,
ngwe vitale vyakutavozola.
8Oloni yange njinakulaela kuli yove,
Shukulu Kalunga wa Akamwa ya Vyoshe,
njikenga kuli yove ngeci unjinyunge,
kesi unjecelele ngeci njitse!
9Njinyunge ku myeto na ku vinganjo
vije vananjitela vaka-vuvi.
10Vaka-vuvi vawile mu myeto yavo vavenya,
oloni yange njitewe kwakujeneka kuvulumuka.
The Bible in Mbunda ©The Bible Society of Zambia, 2006