Myaso 14
14
Vuvi vwa vanu
(Mya 53)
Mwaso wa Ndaviti
1Vilema vendeka ngwavo, “Njambi waiko!”
Voshe vanapu vakujeneka seo,
vanalingi vyuma vyavivi vyakukomokesa,
naumo wai nalingi mwamuvwa.
2Shukulu Kalunga ali mwilu akenga ali vanu va ano asi
ngeci amone nga kuli umo uje ali na mana,
nambe nga kuli umo amulemesa.
3 #
Lom 3:10-12
Oloni voshe vanalingi vuvi,
voshe vanapu vavavi,
naumo wai nalingi mwamuvwa akati kavo,
nameme umo wai.
4Shukulu Kalunga wehwile ngwendi,
“Kuma kuvazivuka ndi?
Kuma voshe vaka-kulinga vuvi vali ku nzimba ndi?
Valinakuyoyela akwivila vanu vange,
co kuvesi kulombela kuli yange.”
5Oloni vakaziva lyova lyakama,
omwo Njambi ali amo na vaje vaka-vushunga.
6Vaka-kulinga vuvi vatanganesa matumbe a tuutu,
oloni Shukulu Kalunga napu vutewelo vwavo.
7Kwamena kwa Isalele kwije kutunda ku Siyone!
Omo Shukulu Kalunga akelwisa vanu vendi
vaje vatwalele mu vunzinda,
co Yakomba akavwaelela,
na Isalele akajolela.
The Bible in Mbunda ©The Bible Society of Zambia, 2006