Myaso 136
136
Mwaso wa cikandelela
1 #
1 Miz 16:34; 2 Miz 5:13; 7:3; Eze 3:11; Mya 100:5; 106:1; 107:1; 118:1; Njele 33:11 Kandeleleni kuli Shukulu Kalunga,
omwo ikeye wapwa wamuvwa,
omwo cizemo cendi cije kucesi kutenguluka
cakala ku myaka yoshe.
2Kandeleleni kuli Njambi ya vinjambi,
omwo cizemo cendi cije kucesi kutenguluka
cakala ku myaka yoshe.
3Kandeleleni kuli Shukulu ya vashukulu,
omwo cizemo cendi cije kucesi kutenguluka
cakala ku myaka yoshe.
4Ikeye endi lika muka-kulinga vikomokeso vyakama,
omwo cizemo cendi cije kucesi kutenguluka
cakala ku myaka yoshe.
5 #
Kus 1:1
Na mana endi watangele melu,
omwo cizemo cendi cije kucesi kutenguluka
cakala ku myaka yoshe.
6 #
Kus 1:2
Uje wajalele kaye akamwa ya mema,
omwo cizemo cendi cije kucesi kutenguluka
cakala ku myaka yoshe.
7Uje watangele litangwa na ngonde,
omwo cizemo cendi cije kucesi kutenguluka
cakala ku myaka yoshe,
8litangwa kushika ku mutanya,
omwo cizemo cendi cije kucesi kutenguluka
cakala ku myaka yoshe.
9 #
Kus 1:16
Ngonde na vingongonosi kushika ku vutsiki,
omwo cizemo cendi cije kucesi kutenguluka
cakala ku myaka yoshe.
10 #
Kut 12:29
Kuli uje watsiile vana va vanalume
va va ntwatwa va vaka-Ingito,
omwo cizemo cendi cije kucesi kutenguluka
cakala ku myaka yoshe.
11 #
Kut 12:51
Ikeye watundisile vanu va Isalele mu lifuti lya Ingito,
omwo cizemo cendi cije kucesi kutenguluka
cakala ku myaka yoshe.
12Na livoko lyendi lya nzili,
omwo cizemo cendi cije kucesi kutenguluka
cakala ku myaka yoshe.
13Ikeye waangunwine Lishali Lyakuvenga,
omwo cizemo cendi cije kucesi kutenguluka
cakala ku myaka yoshe.
14Watwamenene vanu vendi mukati kao,
omwo cizemo cendi cije kucesi kutenguluka
cakala ku myaka yoshe,
15 #
Kut 14:21-29
oloni wakupwile mwene wa Ingito
na mashwalale vendi,
omwo cizemo cendi cije kucesi kutenguluka
cakala ku myaka yoshe.
16Ikeye watwamenenene vanu vendi mu mambo,
omwo cizemo cendi cije kucesi kutenguluka
cakala ku myaka yoshe.
17Uje watsiile vimyene vakama,
omwo cizemo cendi cije kucesi kutenguluka
cakala ku myaka yoshe.
18Co watsiile vimyene va lutsimo,
omwo cizemo cendi cije kucesi kutenguluka
cakala ku myaka yoshe.
19 #
Kul 21:21-30
Sihone mwene wa vaAmoli,
omwo cizemo cendi cije kucesi kutenguluka
cakala ku myaka yoshe.
20 #
Kul 21:31-35
Na Onge mwene wa ku Mbashane,
omwo cizemo cendi cije kucesi kutenguluka
cakala ku myaka yoshe.
21Ikeye waanene lifuti lyavo kuli vanu vendi,
omwo cizemo cendi cije kucesi kutenguluka
cakala ku myaka yoshe.
22Walyanene kuli Isalele ngamba yendi,
omwo cizemo cendi cije kucesi kutenguluka
cakala ku myaka yoshe.
23Ikeye katwivalele omo vatufungulwile,
omwo cizemo cendi cije kucesi kutenguluka
cakala ku myaka yoshe.
24Ikeye watupatwile ku vitozi vetu,
omwo cizemo cendi cije kucesi kutenguluka
cakala ku myaka yoshe.
25Ikeye muka-kwana vyakulya ku vyoshe vije vyatangele,
omwo cizemo cendi cije kucesi kutenguluka
cakala ku myaka yoshe.
26Kandeleleni kuli Njambi wa mwilu,
omwo cizemo cendi cije kucesi kutenguluka
cakala ku myaka yoshe.
The Bible in Mbunda ©The Bible Society of Zambia, 2006