Myaso 131
131
Lilombelo lya kulikeesa akukulaela
Mwaso wa Ndaviti wakulamata nawo
1Shukulu Kalunga, yange njinecela kulyalesa kwange,
co njinecela kulyaka ku vukama,
yange kunjesi kukundama ku vin̄anda vyakama,
nambe kukundama ku vyuma vyakukomokesa.
2Oloni yange njinasimpi njili mu kwoloka
ngwe mwanike uje nashumuka ku mavele a vaina,
co na mbunge yange inahwimi mwamuvwa mu nulo yange.
3Kulaeleni kuli Shukulu Kalunga, vanu va Isalele,
kutunda lelo na ku myaka yoshe!
The Bible in Mbunda ©The Bible Society of Zambia, 2006