Myaso 129
129
Lilombelo lyakulwisa vitozi va Isalele
Mwaso wakulamata nawo
1Vananjiyandesa visimbu vyavingi
tunde ku vukwenje vwange.
Isalele endeke ngwendi,
2“Vananjiyandesa visimbu vyavingi
tunde ku vukwenje vwange,
oloni kuvanjifungulwile.
3Vanjitwile mikiki yakama mu mwongo wange,
yapwile ngwe myonzongole.
4Oloni Shukulu Kalunga muka-vushunga,
nanjipatula ku vundungo.”
5Voshe vaje vazinda Siyone,
vavafungulule nakuvelwisa munima!
6Valifwe ngwe mwila uje unamene
akamwa ya njuvo,
mwila uje wasa kuma simbu ucili waundondo.
7Naumo wai awukungulula,
nameme kuukuta mikuta.
8Vanu vaje vakaita kuje kesi vendeke ngwavo,
“Shukulu Kalunga amivezikise!
Tumivezikisa mu lizina lya Shukulu Kalunga!”
The Bible in Mbunda ©The Bible Society of Zambia, 2006