Myaso 121
121
Shukulu Kalunga ikeye kanyungi ketu
Mwaso wakulamata nawo
1Njikenga ku minkinda,
vukwasi vwange vukatunda kulijo?
2Vukwasi vwange vukatunda
kuli Shukulu Kalunga,
uje watangele lilu na asi.
3Shukulu Kalunga ikeye muka-kunjinyunga,
ikeye kesi kulala tulo,
nambe kutava ngeci njiwe.
4Uje muka-kunyunga Isalele,
kesi kunenguka nambe kulala embwe!
5Shukulu Kalunga ikeye muka-kukunyunga,
ali kuyehi nove mukukunyunga.
6Litangwa kulikakwenyeka ku simbu ya mutanya,
na ngonde lalo kuyikakuvulumuna ku simbu ya vutsiki.
7Shukulu Kalunga akakunyunga mwamuvwa
ku vushonde vwoshe.
8Shukulu Kalunga akakunyunga
kwoshe-ikwoshe kuje kuukaya,
kutunda ku lelo na ku myaka yoshe.
The Bible in Mbunda ©The Bible Society of Zambia, 2006