Kulava 7
7
Milambu ya vantwama
1A litangwa lije omo Mosesa wamanesele kutunga Mbalaka Mwakuliwanena, waivwavesele nakuyijelesa na vivala vyayo. Co lalo wavwavesele mutula nakuujelesa na vivala vyawo vyoshe. 2Asinoni vantwama, vaje vapwile va miyati ya Isalele, vakevo vanu vamolika vaje vakele na moko ya vaje vavalavele, 3vanenele milambu yavo kuli Shukulu Kalunga. Valambwile matemba atanu na limo, na vingombe va nkomba likumi na vavali, litemba limo na limo a vantwama vavali, na ngombe wa nkomba umo kuli ntwama umo na umo. Co vavyakele kulutwe lwa Mbalaka. 4Asinoni Shukulu Kalunga wendekele kuli Mosesa ngwendi, 5“Tambula ovu vwana vwakupangesa ku vipangi vije vya mu Mbalaka Mwakuliwanena, uvwane kuli vaLevi ku munu na munu ngwe ku vipangi vyendi.” 6Ngecivene, Mosesa wambatele matemba na vingombe va nkomba, co wavyanene kuli vaLevi. 7Ikeye waanene matemba avali, na vingombe va nkomba vawana kuli vaNgeleshone ngwe ku vipangi vyavo, 8co waanene matemba awana, na vingombe va nkomba vatanu na vatatu kuli vaMelali ngwe ku vipangi vyavo. Ntwama ya vipangi vyavo vyoshe wapwile Itamale muna Alone muka-kukombelela. 9Oloni Mosesa kaanene matemba nambe vingombe va nkomba kuli vaKohate omwo vakevo vanyungile vyuma vyakujela nakuvyambata a vitsili vyavo.
10Omo vavwavesele mutula, co vantwama lalo vatwalele milambu yavo yakukundika mutula. 11Co Shukulu Kalunga wendekele kuli Mosesa ngwendi, “Valeke ngwove a litangwa na litangwa, ntwama umo na umo akakombelele n̄ombelo yendi mukukundika mutula.”
12Ntwama uje watwalele mulambu wendi a litangwa lyakulivanga wapwile Nashone muna Aminandave, wa ku muyati wa Yunda. 13Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva. Vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona. 14Walambwile lalo mbashiya imo ya ngolinde vulemu vyayo vwapwile mangilamu 110, yakushula na insense. 15Walambwile lalo muna ngombe wa nkomba umo, na lijamba lya manga umo, na muna manga umo wa mwaka umo kupwa mulambu wa kwenyeka. 16Walambwile lalo lijamba lya membe umo kupwa mulambu wa a vuvi. 17Co walambwile vingombe va nkomba vavali, na majamba a vimanga vatanu, na majamba a vimembe vatanu, na vana va vimanga vatanu va mwaka umo kupwa mulambu wa kulitombola. Ou ukewo wapwile mulambu wa Nashone muna Aminandave.
18Ntwama uje walambwile mulambu wendi a litangwa lyamucivali wapwile Netanela muna Zuwale, wa ku muyati wa Isakale. 19Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva. Vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona. 20Walambwile mbashiya imo ya ngolinde vulemu vwayo vwapwile mangilamu 110, yakushula na insense. 21Walambwile lalo muna ngombe wa nkomba umo, na lijamba lya manga umo, co na muna manga umo wa mwaka umo kupwa mulambu wa kwenyeka. 22Walambwile lalo lijamba lya membe umo kupwa mulambu wa a vuvi. 23Co walambwile vingombe va nkomba vavali, na majamba a vimanga vatanu, na majamba a vimembe vatanu, na vana va vimanga vatanu va mwaka umo kupwa mulambu wa kulitombola. Ou ukewo wapwile mulambu wa Netanela muna Zuwale.
24Ntwama uje walambwile mulambu wendi a litangwa lyamucitatu wapwile Elyave muna Helone, wa ku muyati wa Zembuloni. 25Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona. 26Walambwile lalo mbashiya imo ya ngolinde vulemu vwayo vwapwile mangilamu 110, yakushula na insense. 27Walambwile lalo muna ngombe wa nkomba umo, na lijamba lya manga umo, co na muna manga umo wa mwaka umo, kupwa mulambu wa kwenyeka. 28Walambwile lalo lijamba lya membe umo kupwa mulambu wa a vuvi. 29Co wakombelelele vingombe va nkomba vavali, na majamba a vimanga vatanu, na majamba a vimembe vatanu, na vana va vimanga vatanu va mwaka umo kupwa mulambu wa kulitombola. Ou ukewo wapwile mulambu wa Elyave muna Helone.
30Ntwama uje walambwile mulambu wendi a litangwa lyamuciwana wapwile Elizule muna Shendeule wa ku muyati wa Luvena. 31Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona. 32Walambwile lalo mbashiya imo ya ngolinde vulemu vwayo vwapwile mangilamu 110, yakushula na insense. 33Walambwile lalo muna ngombe wa nkomba umo, na lijamba lya manga umo, co na muna manga umo wa mwaka umo, kupwa mulambu wa kwenyeka. 34Walambwile lalo lijamba lya membe umo kupwa mulambu wa a vuvi. 35Co walambwile vingombe va nkomba vavali, na majamba a vimanga vatanu, na majamba a vimembe vatanu, na vana va vimanga vatanu va mwaka umo kupwa mulambu wa kulitombola. Ou ukewo wapwile mulambu wa Elizule muna Shendeule.
36Ntwama uje walambwile mulambu wendi a litangwa lyamucitanu wapwile Shelumiyele muna Zulishandai wa ku muyati wa Simyoni. 37Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona. 38Walambwile lalo mbashiya imo ya ngolinde, vulemu vwayo vwapwile mangilamu 110, yakushula na insense. 39Wakombelelele lalo muna ngombe wa nkomba umo, na lijamba lya manga umo, co na muna manga umo wa mwaka umo, kupwa mulambu wa kwenyeka. 40Walambwile lalo lijamba lya membe umo kupwa mulambu wa a vuvi. 41Co walambwile vingombe va nkomba vavali, na majamba a vimanga vatanu, na majamba a vimembe vatanu, na vana va vimanga vatanu va mwaka umo kupwa mulambu wa kulitombola. Ou ukewo wapwile mulambu wa Shelumiyele muna Zulishandai.
42Ntwama uje walambwile mulambu wendi a litangwa lyamucitanu na limo wapwile Elyasafe muna Ndewele wa ku muyati wa Ngande. 43Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona. 44Walambwile lalo mbashiya imo ya ngolinde vulemu vwayo vwapwile mangilamu 110, yakushula na insense. 45Walambwile lalo muna ngombe wa nkomba umo, na lijamba lya manga umo, co na muna manga umo wa mwaka umo kupwa mulambu wa kwenyeka. 46Walambwile lalo lijamba lya membe umo kupwa mulambu wa a vuvi. 47Co walambwile vingombe va nkomba vavali, na majamba a vimanga vatanu, na majamba a vimembe vatanu, na vana va vimanga vatanu va mwaka umo, kupwa mulambu wa kulitombola. Ou ukewo wapwile mulambu wa Elyasafe muna Ndewele.
48Ntwama uje walambwile mulambu wendi a litangwa lyamucitanu na avali wapwile Elishama muna Amihunde wa ku muyati wa Efalime. 49Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona. 50Walambwile lalo mbashiya imo ya ngolinde vulemu vwayo vwapwile mangilamu 110, yakushula na insense. 51Walambwile lalo muna ngombe wa nkomba umo, na lijamba lya manga umo, co na muna manga umo wa mwaka umo kupwa mulambu wa kwenyeka. 52Walambwile lalo lijamba lya membe umo kupwa mulambu wa a vuvi. 53Co walambwile vingombe va nkomba vavali, na majamba a vimanga vatanu, na majamba a vimembe vatanu, na vana va vimanga vatanu va mwaka umo kupwa mulambu wa kulitombola. Ou ukewo wapwile mulambu wa Elishama muna Amihunde.
54Ntwama uje walambwile mulambu wendi a litangwa lyamucitanu na atatu wapwile Ngamalyele muna Pendazule wa ku muyati wa Manase. 55Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona. 56Walambwile lalo mbashiya imo ya ngolinde, vulemu vwayo vwapwile mangilamu 110, yakushula na insense. 57Walambwile lalo muna ngombe wa nkomba umo, na lijamba lya manga umo, co na muna manga umo wa mwaka umo kupwa mulambu wa kwenyeka. 58Walambwile lalo lijamba lya membe umo kupwa mulambu wa a vuvi. 59Co walambwile vingombe va nkomba vavali, na majamba a vimanga vatanu, na majamba a vimembe vatanu, na vana va vimanga vatanu va mwaka umo, kupwa mulambu wa kulitombola. Ou ukewo wapwile mulambu wa Ngamalyele muna Pendazule.
60Ntwama uje walambwile mulambu wendi a litangwa lyamucitanu na awana wapwile Avindane muna Ngilyone wa ku muyati wa Mbenjemani. 61Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona. 62Walambwile lalo mbashiya imo ya ngolinde vulemu vwayo vwapwile mangilamu 110, yakushula na insense. 63Walambwile lalo muna ngombe wa nkomba umo, na lijamba lya manga umo, co na muna manga umo wa mwaka umo, kupwa mulambu wa kwenyeka. 64Walambwile lalo lijamba lya membe umo kupwa mulambu wa a vuvi. 65Co walambwile vingombe va nkomba vavali, na majamba a vimanga vatanu, na majamba a vimembe vatanu, na vana va vimanga vatanu va mwaka umo, kupwa mulambu wa kulitombola. Ou ukewo wapwile mulambu wa Avindane muna Ngilyone.
66Ntwama uje walambwile mulambu wendi a litangwa lyamulikumi wapwile Ahiyezele muna Amishandai wa ku muyati wa Ndani. 67Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona. 68Walambwile lalo mbashiya imo ya ngolinde, vulemu vwayo vwapwile mangilamu 110, yakushula na insense. 69Walambwile lalo muna ngombe wa nkomba umo, na lijamba lya manga umo, co na muna manga umo wa mwaka umo, kupwa mulambu wa kwenyeka. 70Walambwile lalo lijamba lya membe umo kupwa mulambu wa a vuvi. 71Co walambwile vingombe va nkomba vavali, na majamba a vimanga vatanu, na majamba a vimembe vatanu, na vana va vimanga vatanu va mwaka umo, kupwa mulambu wa kulitombola. Ou ukewo wapwile mulambu wa Ahiyezele muna Amishandai.
72Ntwama uje walambwile mulambu wendi a litangwa lyamulikumi na limo wapwile Pangiyele muna Okelane wa ku muyati wa Ashele. 73Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi, kupwa mulambu wa vimbuto vya vinona. 74Walambwile lalo mbashiya imo ya ngolinde vulemu vwayo vwapwile mangilamu 110, yakushula na insense. 75Walambwile lalo muna ngombe wa nkomba umo, na lijamba lya manga umo, co na muna manga umo wa mwaka umo, kupwa mulambu wa kwenyeka. 76Walambwile lalo lijamba lya membe umo kupwa mulambu wa a vuvi. 77Co walambwile vingombe va nkomba vavali, na majamba a vimanga vatanu, na majamba a vimembe vatanu, na vana va vimanga vatanu va mwaka umo, kupwa mulambu wa kulitombola. Ou ukewo wapwile mulambu wa Pangiyele muna Okelane.
78Ntwama uje walambwile mulambu wendi a litangwa lyamulikumi na avali wapwile Ahila muna Enane wa ku muyati wa Nafetali. 79Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona. 80Walambwile lalo mbashiya imo ya ngolinde vulemu vwayo vwapwile mangilamu 110, yakushula na insense. 81Walambwile lalo muna ngombe wa nkomba umo, na lijamba lya manga umo, co na muna manga umo wa mwaka umo, kupwa mulambu wa kwenyeka. 82Walambwile lalo lijamba lya membe umo kupwa mulambu wa a vuvi. 83Co walambwile vingombe va nkomba vavali, na majamba a vimanga vatanu, na majamba a vimembe vatanu, na vana va vimanga vatanu va mwaka umo, kupwa mulambu wa kulitombola. Ou ukewo wapwile mulambu wa Ahila muna Enane. 84Vungi vwa milambu vatwalele vaje vantwama likumi na vavali mukukundika mutula a litangwa lyakuuvwavesa vwapwile malonga likumi na avali a siliva akushalamena, na mambashiya likumi na avali a siliva, na mambashiya likumi na avali a ngolinde. 85Vulemu vwao vwapwile makilo 27.6 kupwisa ku vulemu vuje vemika. 86Valambwile lalo mambashiya a ngolinde likumi na avali akushula na insense, vulemu vwao vwapwile makilo 1.32, ngwe ku vulemu vuje vemika. 87Vungi vwa vimuna vavalambwile kupwa mulambu wa kwenyeka vapwile vingombe va nkomba likumi na vavali, na majamba a vimanga likumi na vavali, na vana va vimanga likumi na vavali va mwaka umo, amo na milambu yavyo ya vimbuto. Co lalo valambwile majamba a vimembe likumi na vavali kupwa mulambu wa a vuvi. 88Vungi vwa vimuna vavalambwile kupwa mulambu wa kulitombola vapwile vingombe va nkomba makumi avali na vawana, na majamba a vimanga makumi atanu na limo, na majamba a vimembe makumi atanu na limo, na vana va vimanga va mwaka umo makumi atanu na limo. Eyi ikeyo yapwile milambu yakukundika mutula omo vanauvwavesa.
89Omo Mosesa washakele kwendeka na Shukulu Kalunga, co wakovelele mu Mbalaka Mwakuliwanena, co wazivile lijwi lya Shukulu Kalunga lyakele nakwendeka nendi akamwa ya cikasa ca Cikumiiyo mukati ka vakelumbi va mambava vavali.
Currently Selected:
Kulava 7: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
