Kulava 29
29
Milambu ya a Ciwano ca Mwaka Wauha
1“A litangwa lyakulivanga ku ngonde yamucitanu na vivali#29:1 NGONDE YAMUCITANU NA VIVALI: Mu ciHevelu inapu ngonde ya Tishili (ikeyo lalo Etanime), ngonde yamucitanu na vivali, kutunda akati ka Kapepo nakweta akati ka Lipepo. mukakala na cikungulukilo cakujela, co kesi mukapange. Likelyo litangwa limukaimba malupembo 2Co mukakombelela kuli Shukulu Kalunga n̄ombelo ya kwenyeka, co lwengo lwaluvwa lwa n̄ombelo eyi lukavwaelelesa Shukulu Kalunga. Mukakombelela muna ngombe wa nkomba umolika, na lijamba lya manga umo, na vana va vimanga vatanu na vavali va mwaka umolika, voshe vakujeneka kapenga. 3Amo na cimuna umo na umo mukakombelela n̄ombelo yayo ya vimbuto vya vunga vwakulola vwavuvwa vwakuseneta vwakukumbasana na mazi a olive. Amo na ngombe wa nkomba mukakombelela makilo atatu a vunga, co amo na lijamba lya manga mukakombelela makilo avali a vunga, 4co amo na muna manga umo na umo mukakombelela kilo imo ya vunga, ku vana va vimanga vaje vatanu na vavali. 5Co lalo mukakombelela lijamba lya membe umolika kupwa n̄ombelo ya a vuvi, co mu ngila eyi mukalijelesa. 6Mukakombelela vimuna ava, kuwezelela ku n̄ombelo ya kwenyeka ya a litangwa na litangwa, na a ngonde na ngonde, na vin̄ombelo vyavo vya vimbuto, na vin̄ombelo vyavo vya vinyu, ngwe ku lishiko lyavyo. Vikevyo vinapu vin̄ombelo vya vyakulya kuli Shukulu Kalunga, co lwengo lwaluvwa lwa vin̄ombelo evi lukavwaelelesa Shukulu Kalunga.
Vin̄ombelo vya a Litangwa lya Kulyamba
(VaLe 23:26-32)
7“A litangwa lyamulikumi ku ngonde yamucitanu na vivali#29:7 NGONDE YAMUCITANU NA VIVALI: Kenga 29:1. mukakala na cikungulukilo cakujela, co kesi mukalye vyakulya, nambe kupanga vipangi. 8Oloni mukakombelela n̄ombelo ya kwenyeka kuli Shukulu Kalunga, co lwengo lwaluvwa lwa n̄ombelo eyi lukavwaelelesa Shukulu Kalunga. Mukakombelela muna ngombe wa nkomba umolika, na lijamba lya manga umo, na majamba a vana va vimanga vatanu na vavali va mwaka umolika, voshe vakujeneka kapenga. 9Co mukakombelela n̄ombelo yayo ya vimbuto vya vunga vwakulola vwavuvwa vwakuseneta vwakukumbasana na mazi a olive. Amo na ngombe wa nkomba mukakombelela makilo atatu a vunga, amo na lijamba lya manga mukakombelela makilo avali a vunga, 10co amo na muna manga umo na umo, ku vana va vimanga vaje vatanu na vavali mukakombelela kilo imolika ya vunga. 11#VaLe 16:29-34 Co lalo mukakombelela lijamba lya membe umolika kupwa n̄ombelo ya a vuvi, kuwezelela ku membe wakujelesa vanu, na n̄ombelo ya kwenyeka ya a litangwa na litangwa, na n̄ombelo yayo ya vimbuto, na n̄ombelo yayo ya vinyu.
Vin̄ombelo vya a Ciwano ca Mapapela
(VaLe 23:33-44)
12“A litangwa lyamulikumi na atanu ku ngonde yamucitanu na vivali mukakala na cikungulukilo. Mukanyunga ciwano eci mukusingimika Shukulu Kalunga a matangwa atanu na avali, kesi mukapange. 13A litangwa lyakulivanga mukakombelela kuli Shukulu Kalunga n̄ombelo ya kwenyeka ya vyakulya, co lwengo lwaluvwa lwa n̄ombelo eyi lukavwaelelesa Shukulu Kalunga. Mukakombelela vana va vingombe va nkomba likumi na vatatu, na majamba a vimanga vavali, co na majamba a vana va vimanga likumi na vawana va mwaka umolika, voshe vakujeneka kapenga. 14Co mukakombelela n̄ombelo yayo ya vimbuto vya vunga vwakulola vwavuvwa vwakuseneta vwakukumbasana na mazi a olive. Mukakombelela makilo atatu a vunga amo na ngombe wa nkomba umo na umo, na makilo avali a vunga amo na lijamba lya manga umo na umo, 15co na kilo imo ya vunga amo na manga umo na umo, ku vaje vana va vimanga likumi na vawana amo na vin̄ombelo vya vinyu vije vishakiwa. 16Co lalo mukakombelela lijamba lya membe umolika kupwa n̄ombelo ya a vuvi, mukuwezelela ku n̄ombelo ya kwenyeka ya a litangwa na litangwa, na n̄ombelo yayo ya vimbuto, na n̄ombelo yayo ya vinyu.
17“A litangwa lyamucivali mukakombelela vana va vingombe va nkomba likumi na vavali, na majamba a vimanga vavali na majamba a vana va vimanga likumi na vawana va mwaka umolika, voshe vakujeneka kapenga. 18Co mukakombelela amo navo vin̄ombelo vyavyo vya vimbuto na vin̄ombelo vyavyo vya vinyu vyoshe vivemika a litangwa lyakulivanga lya ciwano. 19Co lalo mukakombelela lijamba lya membe umolika kupwa n̄ombelo ya a vuvi, mukuwezelela ku n̄ombelo ya kwenyeka ya a litangwa na litangwa na n̄ombelo yayo ya vimbuto, na n̄ombelo yayo ya vinyu.
20“Co a litangwa lyamucitatu mukakombelela vana va vingombe va nkomba likumi na umo, na majamba a vimanga vavali, co na majamba a vana va vimanga likumi na vawana va mwaka umolika, voshe vakujeneka kapenga. 21Co mukakombelela amo navo vin̄ombelo vyavyo vya vimbuto, na vin̄ombelo vyavyo vya vinyu vyoshe vivemika a litangwa lyakulivanga lya ciwano. 22Co lalo mukakombelela lijamba lya membe umolika kupwa n̄ombelo ya a vuvi, mukuwezelela ku n̄ombelo ya kwenyeka ya a litangwa na litangwa, na n̄ombelo yayo ya vimbuto, na n̄ombelo yayo ya vinyu.
23“A litangwa lyamuciwana mukakombelela vana va vingombe va nkomba likumi, na majamba a vimanga vavali, na majamba a vana va vimanga likumi na vawana va mwaka umolika, voshe vakujeneka kapenga. 24Co mukakombelela amo navo vin̄ombelo vyavyo vya vimbuto, na vin̄ombelo vyavo vya vinyu vyoshe vivemika a litangwa lyakulivanga lya ciwano. 25Co lalo mukakombelela lijamba lya membe umolika kupwa n̄ombelo ya a vuvi, mukuwezelela ku n̄ombelo ya kwenyeka ya a litangwa na litangwa, na n̄ombelo yayo ya vimbuto, na n̄ombelo yayo ya vinyu.
26“A litangwa lyamucitanu mukakombelela vana va vingombe va nkomba vatanu na vawana, na majamba a vimanga vavali, co na majamba a vana va vimanga likumi na vawana va mwaka umolika, voshe vakujeneka kapenga. 27Co mukakombelela amo navo vin̄ombelo vyavyo vya vimbuto, na vin̄ombelo vyavyo vya vinyu vyoshe vivemika a litangwa lyakulivanga lya ciwano. 28Co lalo mukakombelela lijamba lya membe umolika kupwa n̄ombelo ya a vuvi, mukuwezelela ku n̄ombelo ya kwenyeka ya a litangwa na litangwa, na n̄ombelo yayo ya vimbuto, na n̄ombelo yayo ya vinyu.
29“A litangwa lyamucitanu na limo, mukakombelela vana va vingombe va nkomba vatanu na vatatu, na majamba a vimanga vavali, na majamba a vana va vimanga likumi na vawana va mwaka umolika, voshe vakujeneka kapenga. 30Co mukakombelela amo navo vin̄ombelo vyavyo vya vimbuto, na vin̄ombelo vyavyo vya vinyu vyoshe vivemika a litangwa lyakulivanga lya ciwano. 31Co lalo mukakombelela lijamba lya membe umolika kupwa n̄ombelo ya a vuvi, mukuwezelela ku n̄ombelo ya kwenyeka ya a litangwa na litangwa, na n̄ombelo yayo ya vimbuto, na n̄ombelo yayo ya vinyu.
32“A litangwa lyamucitanu na avali mukakombelela vana va vingombe va nkomba vatanu na vavali, na majamba a vimanga vavali, na majamba a vana va vimanga likumi na vawana va mwaka umolika, voshe vakujeneka kapenga. 33Co mukakombelela amo navo vin̄ombelo vyavyo vya vimbuto na vin̄ombelo vyavyo vya vinyu vyoshe vivemika a litangwa lyakulivanga lya ciwano. 34Co lalo mukakombelela lijamba lya membe umolika kupwa n̄ombelo ya a vuvi, mukuwezelela ku n̄ombelo ya kwenyeka ya a litangwa na litangwa na n̄ombelo yayo ya vimbuto, na n̄ombelo yayo ya vinyu.
35“A litangwa lyamucitanu na atatu, co mukalikungulwila amo nakulemesa, co kesi mukapange. 36Oloni mukakombelela n̄ombelo ya kwenyeka kupwa n̄ombelo ya vyakulya, co lwengo lwaluvwa lwa n̄ombelo eyi lukavwaelelesa Shukulu Kalunga. Mukakombelela muna ngombe wa nkomba umo, na lijamba lya manga umo, co na majamba a vana va vimanga vatanu na vavali va mwaka umolika, voshe vakujeneka kapenga. 37Co mukakombelela amo navo vin̄ombelo vyavyo vya vimbuto, na vin̄ombelo vyavyo vya vinyu vyoshe vivemika a litangwa lyakulivanga lya ciwano. 38Co mukakombelela lijamba lya membe umolika kupwa n̄ombelo ya a vuvi, mukuwezelela ku n̄ombelo ya kwenyeka ya a litangwa na litangwa, na n̄ombelo yayo ya vimbuto, na n̄ombelo yayo ya vinyu.
39“Awa akewo mashiko anemanena milambu ya kwenyeka, na milambu ya vimbuto, na milambu ya vinyu, na milambu ya kulitombola, vije mukakombelela kuli Shukulu Kalunga a viwano vyeni vije vivemika. Evi vikevyo vyakuwezelela ku milambu imulinakwana mukushulisa visingo vyeni nambe milambu yeni ya cizango.”
40Ngecivene, Mosesa walekele vanu va Isalele vyuma vyoshe vije vyamushikile Shukulu Kalunga.
Currently Selected:
Kulava 29: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
