Kulava 27
27
Vana va Zelofehande va vanakazi valomba vushwana
1Zelofehande wapwile muna Hefele, Hefele wapwile muna Ngilyande, Ngilyande wapwile muna Makile, Makile wapwile muna Manase, Manase wapwile muna Yosefa. Co vana va Zelofehande va vanakazi mazina avo, Mahela, na Nowa, na Hongela, na Mileka, na Tileza. 2Co vana va Zelofehande vaile nakwimana ku cikolo ca Mbalaka Mwakuliwanena ku mesho a Mosesa na Elyazale muka-kukombelela, na kuli vantwama, na ku mbunga yoshe ngwavo, 3“Tatetu watsililile mu mambo, ikeye kakele akati ka vaje vakavangeyeye Kola, uje watengulukilile Shukulu Kalunga. Oloni tatetu watsile omwo vuvi vwendi vavenya, kasezele vana va vanalume vai. 4Omwo vikajo lizina lya tatetu liziluka ku cikota cendi mu Isalele, omwo ikeye kakele na vana va vanalume ndi? Twaneniko netu vufuko akati ka vavushoko vwa tate.”
5Ngecivene, Mosesa watwalele n̄anda yavo kuli Shukulu Kalunga, 6co Shukulu Kalunga wendekele kuli ikeye ngwendi, 7#Kul 36:2 “Cihula ca vana va Zelofehande cinapu cacivwa, ngeci vaane vufuko vwavo akati ka vavushoko vwa ishavo, vufuko vwendi vavushwane vakevo. 8Leka vanu va Isalele ngeci ngwove, nga munu atsa ikeye kasezele mwana wa munalume, co munendi wa munakazi napande kushwana vufuko vwendi. 9Nga ikeye kasezele mwana wa munakazi, co vandolome vendi vavushwane vakevo. 10Nga ikeye kesi na vandolome vendi, co shongo ya ishe avushwane. 11Oloni nga ikeye kesi shongo ya ishe nambe inanu ya ishe, asinoni kavushoko kendi wa a mbunge avushwane nakuvunyunga kupwa vufuko vwendi vavenya. Vanu va Isalele vanapande kunyunga lishiko eli, ngwe omo yange Kalunga njashikile Mosesa. ”
Yoshwa vamwangula kwinga muli Mosesa
(Kwi 31:1-8)
12Co Shukulu Kalunga wendekele kuli Mosesa ngwendi, “Lamata a Minkinda ya Avalime, co ukamona lifuti lije linjikana kuli vanu va Isalele. 13Co omo unalimono, asinoni ukatsa, ngwe muje mwatsile ndolome yove Alone. 14#Kwi 3:23-27; 32:48-52 Omo mbunga yoshe valinyenyetelele ali yange kuje ku mema a ku Meliva, yeni muvuvali vweni mwatengulukilile kushika kwange muje mu mambo ya Zine, omwo yove wavyanene kusholola nzili yange yakujela ku mesho avo.” Mema a ku Meliva akele ku Kandeshe muje mu mambo ya Zine.
15Mosesa walombelele kuli Shukulu Kalunga ngwendi, 16“Yove Shukulu Kalunga, Njambi mukakwana mwonyo vyuma vyoshe, njakulombo ngwange imika munu uje asa kutwamenena mbunga ya vanu ava, 17#1 Vim 22:17; Ezek 34:5; Mat 9:36; Mak 6:34 uje asa kuvashika nakuvatwamenena, ngeci mbunga yove kesi vapwe ngwe vimanga vakujeneka kanyungi.”
18 #
Kut 24:13
Ngecivene, Shukulu Kalunga wendekele kuli Mosesa ngwendi, “Sana Yoshwa muna Nune, uje washula na Munzinzime wange, kambeka mavoko ove a mutwe wendi. 19Co mwimike ku mesho a Elyazale muka-kukombelela na ku mbunga yoshe ya vanu va Isalele nakumushika ku mesho avo voshe. 20Co mwane nzili yove, ngeci mbunga yoshe ya vanu va Isalele vakamwononoke. 21#Kut 28:30; 1 Sam 14:41; 28:6 Ikeye akemana ku mesho a Elyazale muka-kukombelela, co Elyazale akalilongesa kuwana cizango cange akupangesa Ulime na Tumime,#27:21 ULIME NA TUMIME: Vyuma vivali vyapangesele muka-kukombelela mukuwana cizango ca Njambi. co mu ngila eyi akatwamenena Yoshwa na mbunga yoshe ya vanu va Isalele mu vipangi vyavo vyoshe.” 22Mosesa walingile ngwe muje mwamushikile Shukulu Kalunga, wemikile Yoshwa ku mesho a Elyazale muka-kukombelela, na ku mbunga yoshe. 23#Kwi 31:23 Mosesa wakambekele mavoko endi a mutwe wa Yoshwa nakumushika ngwe muje mwamushikile Shukulu Kalunga.
Currently Selected:
Kulava 27: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Kulava 27
27
Vana va Zelofehande va vanakazi valomba vushwana
1Zelofehande wapwile muna Hefele, Hefele wapwile muna Ngilyande, Ngilyande wapwile muna Makile, Makile wapwile muna Manase, Manase wapwile muna Yosefa. Co vana va Zelofehande va vanakazi mazina avo, Mahela, na Nowa, na Hongela, na Mileka, na Tileza. 2Co vana va Zelofehande vaile nakwimana ku cikolo ca Mbalaka Mwakuliwanena ku mesho a Mosesa na Elyazale muka-kukombelela, na kuli vantwama, na ku mbunga yoshe ngwavo, 3“Tatetu watsililile mu mambo, ikeye kakele akati ka vaje vakavangeyeye Kola, uje watengulukilile Shukulu Kalunga. Oloni tatetu watsile omwo vuvi vwendi vavenya, kasezele vana va vanalume vai. 4Omwo vikajo lizina lya tatetu liziluka ku cikota cendi mu Isalele, omwo ikeye kakele na vana va vanalume ndi? Twaneniko netu vufuko akati ka vavushoko vwa tate.”
5Ngecivene, Mosesa watwalele n̄anda yavo kuli Shukulu Kalunga, 6co Shukulu Kalunga wendekele kuli ikeye ngwendi, 7#Kul 36:2 “Cihula ca vana va Zelofehande cinapu cacivwa, ngeci vaane vufuko vwavo akati ka vavushoko vwa ishavo, vufuko vwendi vavushwane vakevo. 8Leka vanu va Isalele ngeci ngwove, nga munu atsa ikeye kasezele mwana wa munalume, co munendi wa munakazi napande kushwana vufuko vwendi. 9Nga ikeye kasezele mwana wa munakazi, co vandolome vendi vavushwane vakevo. 10Nga ikeye kesi na vandolome vendi, co shongo ya ishe avushwane. 11Oloni nga ikeye kesi shongo ya ishe nambe inanu ya ishe, asinoni kavushoko kendi wa a mbunge avushwane nakuvunyunga kupwa vufuko vwendi vavenya. Vanu va Isalele vanapande kunyunga lishiko eli, ngwe omo yange Kalunga njashikile Mosesa. ”
Yoshwa vamwangula kwinga muli Mosesa
(Kwi 31:1-8)
12Co Shukulu Kalunga wendekele kuli Mosesa ngwendi, “Lamata a Minkinda ya Avalime, co ukamona lifuti lije linjikana kuli vanu va Isalele. 13Co omo unalimono, asinoni ukatsa, ngwe muje mwatsile ndolome yove Alone. 14#Kwi 3:23-27; 32:48-52 Omo mbunga yoshe valinyenyetelele ali yange kuje ku mema a ku Meliva, yeni muvuvali vweni mwatengulukilile kushika kwange muje mu mambo ya Zine, omwo yove wavyanene kusholola nzili yange yakujela ku mesho avo.” Mema a ku Meliva akele ku Kandeshe muje mu mambo ya Zine.
15Mosesa walombelele kuli Shukulu Kalunga ngwendi, 16“Yove Shukulu Kalunga, Njambi mukakwana mwonyo vyuma vyoshe, njakulombo ngwange imika munu uje asa kutwamenena mbunga ya vanu ava, 17#1 Vim 22:17; Ezek 34:5; Mat 9:36; Mak 6:34 uje asa kuvashika nakuvatwamenena, ngeci mbunga yove kesi vapwe ngwe vimanga vakujeneka kanyungi.”
18 #
Kut 24:13
Ngecivene, Shukulu Kalunga wendekele kuli Mosesa ngwendi, “Sana Yoshwa muna Nune, uje washula na Munzinzime wange, kambeka mavoko ove a mutwe wendi. 19Co mwimike ku mesho a Elyazale muka-kukombelela na ku mbunga yoshe ya vanu va Isalele nakumushika ku mesho avo voshe. 20Co mwane nzili yove, ngeci mbunga yoshe ya vanu va Isalele vakamwononoke. 21#Kut 28:30; 1 Sam 14:41; 28:6 Ikeye akemana ku mesho a Elyazale muka-kukombelela, co Elyazale akalilongesa kuwana cizango cange akupangesa Ulime na Tumime,#27:21 ULIME NA TUMIME: Vyuma vivali vyapangesele muka-kukombelela mukuwana cizango ca Njambi. co mu ngila eyi akatwamenena Yoshwa na mbunga yoshe ya vanu va Isalele mu vipangi vyavo vyoshe.” 22Mosesa walingile ngwe muje mwamushikile Shukulu Kalunga, wemikile Yoshwa ku mesho a Elyazale muka-kukombelela, na ku mbunga yoshe. 23#Kwi 31:23 Mosesa wakambekele mavoko endi a mutwe wa Yoshwa nakumushika ngwe muje mwamushikile Shukulu Kalunga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006