Kulava 23
23
1Co Mbalame wendekele kuli Mbalake ngwendi, “Njitungile mitula itanu na ivali kuno, co lalo njinenele vingombe va nkomba vatanu na vavali na majamba a vimanga vatanu na vavali.”
2Ngecivene, Mbalake walingile ngwe muje mwamulekele Mbalame, co ikeye na Mbalame vakombelelele a mutula umo na umo ngombe wa nkomba na lijamba lya manga. 3Co Mbalame wendekele kuli Mbalake ngwendi, “Imana ku n̄ombelo yove ya kwenyeka, simbu njicili nakuya nakumona amo Shukulu Kalunga akaliwana nange. Co njikakuleka vyoshe vije vyakanjileka.” Ngecivene, Mbalame waile endi lika akamwa ya lilundu akujela. 4Aje vene Njambi waliwanene nendi. Co Mbalame wendekele kuli Njambi ngwendi, “Njinatungu laja mitula itanu na ivali a mutula umo na umo njinakombelelao ngombe wa nkomba na lijamba lya manga.” 5Co Shukulu Kalunga walekele Mbalame ngwendi, “Iluka kuli Mbalake, co omu mukemwo muukendeka.” 6Ngecivene, ikeye welukile lalo kuli Mbalake, co kenga Mbalake na vantwama vaMowavi anga vanemana ku n̄ombelo yendi ya kwenyeka.
7Co Mbalame wendekele vuka-kwimanena vwendi ngwendi,
Mbalake mwene wa vaMowavi ikeye nanjinena kuno,
kutunda ku Silya, ku minkinda ya mu ngangela,
ikeye wendekele ngwendi,
“Ija wakunjisingileko Yakomba,
nakunjikun̄wilako vanu va Isalele.#23:7 ISALELE: Njambi watengulwile lizina lya Yakomba kupwa Isalele. (Kenga Kushangumuka 32:28.)
8Vatijo njasa kusinga vaje Njambi kavasingile?
Vatijo njasa kukun̄ula vaje Shukulu Kalunga kavakun̄wile?
9Omwo ano akamwa ya minkinda njinavamono,
njasa kuvelula omo njili akamwa ya malundu.
Kenga vakevo vapwa vanu vakuyoya avo lika,
vanalyangunuka mukati ka miyati ikwavo.
10Iya asa kulava vatekulwila va Yakomba,
vapwa ngwe lishen̄avu
nameme kulavulula mutambela umo wa vanu va Isalele?
Njitave njitse kutsa kwa vanu va Njambi,
co kutsa kwange kupwe kwa kwoloka
ngwe kwa vaka-vushunga!”
11Co Mbalake wendekele kuli Mbalame ngwendi, “Unanjilingi vati? Njakusanene kwija kuno ngwange unjisingile vitozi vange, oloni kenga vyoshe vije unalingi vinapu vyakuvavezikisa lika.”
12Mbalame wamukumbulwile ngwendi, “Kuma! Kunjapandele kwendeka vije anjileka Shukulu Kalunga kwendeka ndi?”
Vuka-kwimanena vwa Mbalame vwamucivali
13Co Mbalake wendekele kuli Mbalame ngwendi, “Tuye mumo nange ku mutambela ukwavo kuje wasa kumona vaIsalele. Ukamona lika vaje vali kuyehi, oloni kuukavamono voshe embwe. Cooni kuje vene ukanjisingilevo.” 14Ngecivene, wamutwalele mu lihya lya Zofime akamwa ya Munkinda wa Pisenga. Co kuje lalo wakatungilileko mitula itanu na ivali, a mutula umo na umo wakombeleleleo ngombe wa nkomba na lijamba lya manga.
15Co Mbalame wendekele kuli Mbalake ngwendi, “Imana kuno ku n̄ombelo yove ya kwenyeka, simbu yange njiya nakuliwana na Njambi kuje.”
16Co Shukulu Kalunga waliwanene na Mbalame, wamulekele vije vyakendeka ngwendi, “Iluka kuli Mbalake omu mukemwo muukendeka.” 17Ngecivene, welukile, co wakawanene Mbalake anga nemana ku n̄ombelo yendi ya kwenyeka amo na vaje vantwama va Mowavi. Mbalake wamwihwile ngwendi, “Vika vyanendeka Shukulu Kalunga?” 18Asinoni Mbalame washangumukile kwendeka vuka-kwimanena vwendi ngwendi,
“Katuka Mbalake, uzivilile evi njendeka,
tolilila majwi ange, ove muna Zipole.
19Njambi kapwile munu
ngeci ikeye akwise embwe,
nambe kapwile muna munu
ngeci atengulule viyongola vyendi embwe.
Coshe canakulaesa kuvanga acilinge,
coshe endeka kuvanga cilingiwe.
20Kenga! Yange njinatambula lishiko lyakuvezikisa,
co omo Njambi navezikisa,
yange kunjasa kutengululako lalo mweka.
21Ikeye kamwene vuvi muli Yakomba
nambe tuyando muli Isalele.
Shukulu Kalunga Njambi yavo ali amo navo,
vakevo valinakwambulula ngeci ngwavo
ikeye wapwa Mwene yavo.
22Njambi ikeye wavatundisile mu Ingito,
ali na nzili ngwe mpakasha.
23Mwa vushunga vene kukwesi mikalo ili na seo kuli Yakomba,
nambe manseno kuwasa kupanga kuli Isalele.#23:23 MWA VUSHUNGA...ISALELE: Nambe, vaIsalele kuvesi na mikalo, nambe kupangesa manseno.
Ololo vanu vakendeka ali Yakomba na Isalele ngwavo,
‘Kengeni vije vyanalingi Njambi ali vakevo!’
24Kenga! Muyati wa Isalele
unalifu ngwe ndumba wa lwavo,
amotoka ngwe ndumba wa nkomba.
Kasa kuvutama lalo,
noo nali situ ije yanakwata,
nakunwa maninga a vaje vanatsii.”
25Asinoni Mbalake wendekele kuli Mbalame ngwendi, “Kesi usinge vanu va Isalele nambe kuvavezikisa embwe!”
26Mbalame wamukumbulwile ngwendi, “Kuma kunjakulekele ngwange, ‘Vyoshe vije vyanjileka Shukulu Kalunga vikevyo vinjinapande kulinga ndi?’ ”
Vuka-kwimanena vwa Mbalame vwamucitatu
27Co Mbalake wendekele kuli Mbalame ngwendi, “Tuye mumo nange, co njikakutwala ku mutambela ukwavo lalo. Amo Njambi akakala na cizango cakukutava yove kunjisingilavo kuje vene.” 28Ngecivene, Mbalake watwalele Mbalame akamwa ya Munkinda wa Peole uje wakenga ku mambo. 29Mbalame wendekele kuli Mbalake ngwendi, “Njitungile lalo mitula itanu na ivali kuno, co njinenele vingombe va nkomba vatanu na vavali na majamba a vimanga vatanu na vavali.” 30Co Mbalake walingile ngwe mwamulekele Mbalame, co wakombelelele a mutula umo na umo ngombe wa nkomba na lijamba lya manga.
Currently Selected:
Kulava 23: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Kulava 23
23
1Co Mbalame wendekele kuli Mbalake ngwendi, “Njitungile mitula itanu na ivali kuno, co lalo njinenele vingombe va nkomba vatanu na vavali na majamba a vimanga vatanu na vavali.”
2Ngecivene, Mbalake walingile ngwe muje mwamulekele Mbalame, co ikeye na Mbalame vakombelelele a mutula umo na umo ngombe wa nkomba na lijamba lya manga. 3Co Mbalame wendekele kuli Mbalake ngwendi, “Imana ku n̄ombelo yove ya kwenyeka, simbu njicili nakuya nakumona amo Shukulu Kalunga akaliwana nange. Co njikakuleka vyoshe vije vyakanjileka.” Ngecivene, Mbalame waile endi lika akamwa ya lilundu akujela. 4Aje vene Njambi waliwanene nendi. Co Mbalame wendekele kuli Njambi ngwendi, “Njinatungu laja mitula itanu na ivali a mutula umo na umo njinakombelelao ngombe wa nkomba na lijamba lya manga.” 5Co Shukulu Kalunga walekele Mbalame ngwendi, “Iluka kuli Mbalake, co omu mukemwo muukendeka.” 6Ngecivene, ikeye welukile lalo kuli Mbalake, co kenga Mbalake na vantwama vaMowavi anga vanemana ku n̄ombelo yendi ya kwenyeka.
7Co Mbalame wendekele vuka-kwimanena vwendi ngwendi,
Mbalake mwene wa vaMowavi ikeye nanjinena kuno,
kutunda ku Silya, ku minkinda ya mu ngangela,
ikeye wendekele ngwendi,
“Ija wakunjisingileko Yakomba,
nakunjikun̄wilako vanu va Isalele.#23:7 ISALELE: Njambi watengulwile lizina lya Yakomba kupwa Isalele. (Kenga Kushangumuka 32:28.)
8Vatijo njasa kusinga vaje Njambi kavasingile?
Vatijo njasa kukun̄ula vaje Shukulu Kalunga kavakun̄wile?
9Omwo ano akamwa ya minkinda njinavamono,
njasa kuvelula omo njili akamwa ya malundu.
Kenga vakevo vapwa vanu vakuyoya avo lika,
vanalyangunuka mukati ka miyati ikwavo.
10Iya asa kulava vatekulwila va Yakomba,
vapwa ngwe lishen̄avu
nameme kulavulula mutambela umo wa vanu va Isalele?
Njitave njitse kutsa kwa vanu va Njambi,
co kutsa kwange kupwe kwa kwoloka
ngwe kwa vaka-vushunga!”
11Co Mbalake wendekele kuli Mbalame ngwendi, “Unanjilingi vati? Njakusanene kwija kuno ngwange unjisingile vitozi vange, oloni kenga vyoshe vije unalingi vinapu vyakuvavezikisa lika.”
12Mbalame wamukumbulwile ngwendi, “Kuma! Kunjapandele kwendeka vije anjileka Shukulu Kalunga kwendeka ndi?”
Vuka-kwimanena vwa Mbalame vwamucivali
13Co Mbalake wendekele kuli Mbalame ngwendi, “Tuye mumo nange ku mutambela ukwavo kuje wasa kumona vaIsalele. Ukamona lika vaje vali kuyehi, oloni kuukavamono voshe embwe. Cooni kuje vene ukanjisingilevo.” 14Ngecivene, wamutwalele mu lihya lya Zofime akamwa ya Munkinda wa Pisenga. Co kuje lalo wakatungilileko mitula itanu na ivali, a mutula umo na umo wakombeleleleo ngombe wa nkomba na lijamba lya manga.
15Co Mbalame wendekele kuli Mbalake ngwendi, “Imana kuno ku n̄ombelo yove ya kwenyeka, simbu yange njiya nakuliwana na Njambi kuje.”
16Co Shukulu Kalunga waliwanene na Mbalame, wamulekele vije vyakendeka ngwendi, “Iluka kuli Mbalake omu mukemwo muukendeka.” 17Ngecivene, welukile, co wakawanene Mbalake anga nemana ku n̄ombelo yendi ya kwenyeka amo na vaje vantwama va Mowavi. Mbalake wamwihwile ngwendi, “Vika vyanendeka Shukulu Kalunga?” 18Asinoni Mbalame washangumukile kwendeka vuka-kwimanena vwendi ngwendi,
“Katuka Mbalake, uzivilile evi njendeka,
tolilila majwi ange, ove muna Zipole.
19Njambi kapwile munu
ngeci ikeye akwise embwe,
nambe kapwile muna munu
ngeci atengulule viyongola vyendi embwe.
Coshe canakulaesa kuvanga acilinge,
coshe endeka kuvanga cilingiwe.
20Kenga! Yange njinatambula lishiko lyakuvezikisa,
co omo Njambi navezikisa,
yange kunjasa kutengululako lalo mweka.
21Ikeye kamwene vuvi muli Yakomba
nambe tuyando muli Isalele.
Shukulu Kalunga Njambi yavo ali amo navo,
vakevo valinakwambulula ngeci ngwavo
ikeye wapwa Mwene yavo.
22Njambi ikeye wavatundisile mu Ingito,
ali na nzili ngwe mpakasha.
23Mwa vushunga vene kukwesi mikalo ili na seo kuli Yakomba,
nambe manseno kuwasa kupanga kuli Isalele.#23:23 MWA VUSHUNGA...ISALELE: Nambe, vaIsalele kuvesi na mikalo, nambe kupangesa manseno.
Ololo vanu vakendeka ali Yakomba na Isalele ngwavo,
‘Kengeni vije vyanalingi Njambi ali vakevo!’
24Kenga! Muyati wa Isalele
unalifu ngwe ndumba wa lwavo,
amotoka ngwe ndumba wa nkomba.
Kasa kuvutama lalo,
noo nali situ ije yanakwata,
nakunwa maninga a vaje vanatsii.”
25Asinoni Mbalake wendekele kuli Mbalame ngwendi, “Kesi usinge vanu va Isalele nambe kuvavezikisa embwe!”
26Mbalame wamukumbulwile ngwendi, “Kuma kunjakulekele ngwange, ‘Vyoshe vije vyanjileka Shukulu Kalunga vikevyo vinjinapande kulinga ndi?’ ”
Vuka-kwimanena vwa Mbalame vwamucitatu
27Co Mbalake wendekele kuli Mbalame ngwendi, “Tuye mumo nange, co njikakutwala ku mutambela ukwavo lalo. Amo Njambi akakala na cizango cakukutava yove kunjisingilavo kuje vene.” 28Ngecivene, Mbalake watwalele Mbalame akamwa ya Munkinda wa Peole uje wakenga ku mambo. 29Mbalame wendekele kuli Mbalake ngwendi, “Njitungile lalo mitula itanu na ivali kuno, co njinenele vingombe va nkomba vatanu na vavali na majamba a vimanga vatanu na vavali.” 30Co Mbalake walingile ngwe mwamulekele Mbalame, co wakombelelele a mutula umo na umo ngombe wa nkomba na lijamba lya manga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006