Kulava 22
22
Mbalake Mwene wa vaMowavi asana Mbalame
1VaIsalele vajalukile, co vakatungile cilombo cavo mu vyana vya Mowavi ku mutambela wa mu ngangela ya Ndonga ya Yondau, kushungama na Yeliko.
2Omo Mbalake muna Zipole, wazivile vije vyoshe vivalingile vaIsalele kuli vaAmoli, 3co ikeye na vanu vendi voshe vazivile lyova lyakama omwo va Isalele vapwile vavangi manene. 4Co vaMowavi vendekele kuli vantwama va Mindyani ngwavo, “Mbunga eyi ikalyasa vyuma vyoshe vije vyatuzengeleka, ngwe ngombe mwakakambula mwila wa mu cana.” Ngecivene, Mwene Mbalake 5#Kul 31:8; 2 Pet 2:15-16; Yun 11 watumine tunganda kuli Mbalame muna Mbeole, uje wakele ku Petole kuyehi na Ndonga ya Yufuleti mu lifuti lya Amawe. Co vamulekele majwi atundile kuli Mbalake ngwavo, “Njikuleka ngwange unapande kuzivuka ngeci kunaija muyati umo vanatundu ku Ingito, co ava vanu vanashandokela kwoshe-ikwoshe, co lalo vanatungu kulishungama nange. 6Vanatuhyana, yetu tunapu tuvavandondo, ngecivene, ija wakunjisingilevo. Amo twakuvafungulula nakuvasheka mu lifuti lyetu. Omwo njazivuka ngeci uje iwuvezikisa akavezika, co uje iwusinga akasingiwa.”
7Ngecivene, vantwama va vaMowavi na vaMindyani vatwalele mushendo wakutaesa kuli Mbalame, co vamulekele majwi atundile kuli Mwene Mbalake. 8Co Mbalame wendekele kuli vakevo ngwendi, “Laleni kuno, co imene njikamikumbulula vije vyakanjileka Shukulu Kalunga.” Ngecivene, vaje vantwama va vaMowavi vatumbamene kuli Mbalame.
9Co Njambi wezile kuli Mbalame nakumwihula ngwendi, “Ava vanu vanatundu kulijo ava vanatumbama nove?” 10Co Mbalame wamukumbulwile ngwendi, “Mwene Mbalake muna Zipole wa ku Mowavi ikeye navatumu kuli yange nakunjileka ngwendi, 11‘Vanu ava vanatundu ku Ingito vanashandokela mu lifuti mwoshe. Ashaka njikamusingilevo, ngeci avalwise nakuvasheka.’ ”
12Njambi wendekele kuli Mbalame ngwendi, “Kesi uye amo na ava vanu, co kesi ukasinge vanu va Isalele, omwo njavavezikisa laja.”
13Alikaki Mbalame waile kuli tunganda va Mwene Mbalake, wavalekele ngwendi, “Ilukeni kwimbo lyeni omwo Shukulu Kalunga nanjivyanesa kuya amo neni.” 14Ngecivene, velukile kuli Mbalake, co vamulekele ngwavo, “Mbalame navyana kwija amo netu.”
15Co Mbalake watumine lalo vantwama vavangi, vaje vakele na vulemu vwakutuvakana vaje vakulivanga. 16Co vaile kuli Mbalame nakumuleka lijwi lyatundile kuli Mbalake ngwavo, “Kesi utave cumacimo cakukuvindika kwija kuli yange! 17Njikakusingimika na kasingimiko kakama, co njikakulingila cuma coshe ciwakunjitumbwila. Ngeci ija vwasi wakunjisingile vano vanu.”
18Oloni Mbalame wavakumbulwile ngwendi, “Nameme nga Mbalake akanjana siliva yoshe na ngolinde yoshe ya mu lipela lyendi, oloni kunjasa kuvyana kushika kwa Shukulu Kalunga Njambi yange, nameme kutundisako nambe kwakelako. 19Oloni laleni kuno ngwe muvalingile vaje vakweni, ngeci njizivuke vije vyanjileka Shukulu Kalunga.” 20Co vutsiki vuje vene Njambi wezile kuli Mbalame nakumuleka ngwendi, “Nga ava vanu vanaija nakulomba ngeci uye navo, livwaesele cimweja ngeci uye navo, oloni ya ukalinge lika vije njikuleka.” 21Ngecivene, alikaki Mbalame walemekele cimulu cendi, waile amo na vaje vantwama va Mowavi.
Cimulu ca Mbalame endeka
22Oloni Njambi waluvalele na Mbalame omwo walondele a cimulu cendi nakuya amo na vangamba vendi vavali, co kangelo ka Shukulu Kalunga wemanene mu ngila nakuyishoka. 23Omo cimulu wamwene kangelo ka Shukulu Kalunga nemana mu ngila nakwata mukwale mu livoko lyendi, co watundilemo nakuya mu shwata. Co Mbalame wapupile cimulu nakumwilwisila mu ngila. 24Co kangelo ka Shukulu Kalunga wemanene mu ngila yakulishwata mukati ka vitungu vya mikolovozi ya vushuka vwa vinyu, co kuje kwakele civumbe ca mamanya ku mitambela yoshe noku-noku. 25Omo cimulu wamwene kangelo ka Shukulu Kalunga, co walyengelele ku civumbe nakusindakanena lindi lya Mbalame ku civumbe. Co Mbalame lalo wapupile uje cimulu. 26Co kangelo ka Shukulu Kalunga waile kulutwe, wemanene aje alishwatela ngila, aje kwaakele mutambela weka lalo wakulyengela. 27Omo cimulu wamwene kangelo ka Shukulu Kalunga, co wavutamene. Co Mbalame waluvalele manene ngeci wapupile uje cimulu na mulamu wendi. 28Asinoni Shukulu Kalunga washamesele kanwa ka cimulu, co cimulu wendekele kuli Mbalame ngwendi, “Vikajo njinalingi kuli yove ngeci unjipupe visimbu vitatu?”
29Co Mbalame wamukumbulwile ngwendi, “Omwo wanjimono vulema! Nga njinakele na mukwale mu livoko lyange, ngwe njinakutsii ololo vene.”
30Co cimulu wamukumbulwile ngwendi, “Kuma kesi yange cimulu cove iwukalondo visimbu vyoshe kweta na ku lelo ndi? Kuma kwakele visimbu vimo vinjakulingile ngacije ndi?”
Co Mbalame wamukumbulwile ngwendi, “Embwe.”
31Asinoni Shukulu Kalunga watonesele mesho a Mbalame, co wamwene kangelo ka Shukulu Kalunga nemana mu ngila na mukwale wendi mu livoko. Co Mbalame wakulamesele cihanga cendi nakulyumbila asi. 32Co kangelo ka Shukulu Kalunga wamwihwile ngwendi, “Omo vikajo wapupanga ngacije cimulu cove visimbu vitatu? Kenga njinaija nakukulwisa omwo ngila yove yaivi ku mesho ange, yove kuwapandele kwija vungenzi ovu. 33Oloni cimulu cove nanjimwene ngeci nalyengele visimbu vitatu. Nga ikeye kalyengele, ngwe njinakutsiile na kusezao cimulu.” 34Asinoni Mbalame wakumbulwile kangelo ka Shukulu Kalunga ngwendi, “Njinalingi vuvi omwo kunjazivukile ngwange yove unemana mu ngila nakunjilwisa. Oloni nga eci njinalingi cacivi ku mesho ove, co njiluka kwimbo.”
35Oloni kangelo ka Shukulu Kalunga wendekele kuli ikeye ngwendi, “Ya oni na ava vanu, oloni ya ukendeke lika vije vinjikuleka.” Ngecivene, Mbalame waile amo navo.
Mbalake atambula Mbalame
36Omo Mbalake wazivile ngeci Mbalame alinakwija, co waile nakukaliwana nendi ku Ale, nganda ije yakele ku Ndonga ya Alenone ku nginga ya vaMowavi. 37Co Mbalake wendekele kuli Mbalame ngwendi, “Omo vikajo kuwezile omo njatumine lijwi kuli yove a simbu yakulivanga? Kuma yove uyongola ngwove kunjasa kukufweta vyakupwamo ndi?”
38Mbalame wamukumbulwile ngwendi, “Kenga, njinaija kuli yove. Oloni yange njili na nzili mukajo yakwendeka nambe lijwi limo? Njasa kwendeka lika vije vyanjileka Njambi kwendeka.” 39Ngecivene, Mbalame waile na Mbalake ku limbo lya Kilyate Huzote, 40kuje Mbalake wakombelelele vingombe na vimanga, co waanene situ imo kuli Mbalame na vaje vantwama vakele navo.
Vuka-kwimanena vwa Mbalame vwakulivanga
41Co alikaki Mbalake watwalele Mbalame ku Mbamote Mbale, kuje Mbalame wasele kumona mutambela wa vanu va Isalele.
Currently Selected:
Kulava 22: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Kulava 22
22
Mbalake Mwene wa vaMowavi asana Mbalame
1VaIsalele vajalukile, co vakatungile cilombo cavo mu vyana vya Mowavi ku mutambela wa mu ngangela ya Ndonga ya Yondau, kushungama na Yeliko.
2Omo Mbalake muna Zipole, wazivile vije vyoshe vivalingile vaIsalele kuli vaAmoli, 3co ikeye na vanu vendi voshe vazivile lyova lyakama omwo va Isalele vapwile vavangi manene. 4Co vaMowavi vendekele kuli vantwama va Mindyani ngwavo, “Mbunga eyi ikalyasa vyuma vyoshe vije vyatuzengeleka, ngwe ngombe mwakakambula mwila wa mu cana.” Ngecivene, Mwene Mbalake 5#Kul 31:8; 2 Pet 2:15-16; Yun 11 watumine tunganda kuli Mbalame muna Mbeole, uje wakele ku Petole kuyehi na Ndonga ya Yufuleti mu lifuti lya Amawe. Co vamulekele majwi atundile kuli Mbalake ngwavo, “Njikuleka ngwange unapande kuzivuka ngeci kunaija muyati umo vanatundu ku Ingito, co ava vanu vanashandokela kwoshe-ikwoshe, co lalo vanatungu kulishungama nange. 6Vanatuhyana, yetu tunapu tuvavandondo, ngecivene, ija wakunjisingilevo. Amo twakuvafungulula nakuvasheka mu lifuti lyetu. Omwo njazivuka ngeci uje iwuvezikisa akavezika, co uje iwusinga akasingiwa.”
7Ngecivene, vantwama va vaMowavi na vaMindyani vatwalele mushendo wakutaesa kuli Mbalame, co vamulekele majwi atundile kuli Mwene Mbalake. 8Co Mbalame wendekele kuli vakevo ngwendi, “Laleni kuno, co imene njikamikumbulula vije vyakanjileka Shukulu Kalunga.” Ngecivene, vaje vantwama va vaMowavi vatumbamene kuli Mbalame.
9Co Njambi wezile kuli Mbalame nakumwihula ngwendi, “Ava vanu vanatundu kulijo ava vanatumbama nove?” 10Co Mbalame wamukumbulwile ngwendi, “Mwene Mbalake muna Zipole wa ku Mowavi ikeye navatumu kuli yange nakunjileka ngwendi, 11‘Vanu ava vanatundu ku Ingito vanashandokela mu lifuti mwoshe. Ashaka njikamusingilevo, ngeci avalwise nakuvasheka.’ ”
12Njambi wendekele kuli Mbalame ngwendi, “Kesi uye amo na ava vanu, co kesi ukasinge vanu va Isalele, omwo njavavezikisa laja.”
13Alikaki Mbalame waile kuli tunganda va Mwene Mbalake, wavalekele ngwendi, “Ilukeni kwimbo lyeni omwo Shukulu Kalunga nanjivyanesa kuya amo neni.” 14Ngecivene, velukile kuli Mbalake, co vamulekele ngwavo, “Mbalame navyana kwija amo netu.”
15Co Mbalake watumine lalo vantwama vavangi, vaje vakele na vulemu vwakutuvakana vaje vakulivanga. 16Co vaile kuli Mbalame nakumuleka lijwi lyatundile kuli Mbalake ngwavo, “Kesi utave cumacimo cakukuvindika kwija kuli yange! 17Njikakusingimika na kasingimiko kakama, co njikakulingila cuma coshe ciwakunjitumbwila. Ngeci ija vwasi wakunjisingile vano vanu.”
18Oloni Mbalame wavakumbulwile ngwendi, “Nameme nga Mbalake akanjana siliva yoshe na ngolinde yoshe ya mu lipela lyendi, oloni kunjasa kuvyana kushika kwa Shukulu Kalunga Njambi yange, nameme kutundisako nambe kwakelako. 19Oloni laleni kuno ngwe muvalingile vaje vakweni, ngeci njizivuke vije vyanjileka Shukulu Kalunga.” 20Co vutsiki vuje vene Njambi wezile kuli Mbalame nakumuleka ngwendi, “Nga ava vanu vanaija nakulomba ngeci uye navo, livwaesele cimweja ngeci uye navo, oloni ya ukalinge lika vije njikuleka.” 21Ngecivene, alikaki Mbalame walemekele cimulu cendi, waile amo na vaje vantwama va Mowavi.
Cimulu ca Mbalame endeka
22Oloni Njambi waluvalele na Mbalame omwo walondele a cimulu cendi nakuya amo na vangamba vendi vavali, co kangelo ka Shukulu Kalunga wemanene mu ngila nakuyishoka. 23Omo cimulu wamwene kangelo ka Shukulu Kalunga nemana mu ngila nakwata mukwale mu livoko lyendi, co watundilemo nakuya mu shwata. Co Mbalame wapupile cimulu nakumwilwisila mu ngila. 24Co kangelo ka Shukulu Kalunga wemanene mu ngila yakulishwata mukati ka vitungu vya mikolovozi ya vushuka vwa vinyu, co kuje kwakele civumbe ca mamanya ku mitambela yoshe noku-noku. 25Omo cimulu wamwene kangelo ka Shukulu Kalunga, co walyengelele ku civumbe nakusindakanena lindi lya Mbalame ku civumbe. Co Mbalame lalo wapupile uje cimulu. 26Co kangelo ka Shukulu Kalunga waile kulutwe, wemanene aje alishwatela ngila, aje kwaakele mutambela weka lalo wakulyengela. 27Omo cimulu wamwene kangelo ka Shukulu Kalunga, co wavutamene. Co Mbalame waluvalele manene ngeci wapupile uje cimulu na mulamu wendi. 28Asinoni Shukulu Kalunga washamesele kanwa ka cimulu, co cimulu wendekele kuli Mbalame ngwendi, “Vikajo njinalingi kuli yove ngeci unjipupe visimbu vitatu?”
29Co Mbalame wamukumbulwile ngwendi, “Omwo wanjimono vulema! Nga njinakele na mukwale mu livoko lyange, ngwe njinakutsii ololo vene.”
30Co cimulu wamukumbulwile ngwendi, “Kuma kesi yange cimulu cove iwukalondo visimbu vyoshe kweta na ku lelo ndi? Kuma kwakele visimbu vimo vinjakulingile ngacije ndi?”
Co Mbalame wamukumbulwile ngwendi, “Embwe.”
31Asinoni Shukulu Kalunga watonesele mesho a Mbalame, co wamwene kangelo ka Shukulu Kalunga nemana mu ngila na mukwale wendi mu livoko. Co Mbalame wakulamesele cihanga cendi nakulyumbila asi. 32Co kangelo ka Shukulu Kalunga wamwihwile ngwendi, “Omo vikajo wapupanga ngacije cimulu cove visimbu vitatu? Kenga njinaija nakukulwisa omwo ngila yove yaivi ku mesho ange, yove kuwapandele kwija vungenzi ovu. 33Oloni cimulu cove nanjimwene ngeci nalyengele visimbu vitatu. Nga ikeye kalyengele, ngwe njinakutsiile na kusezao cimulu.” 34Asinoni Mbalame wakumbulwile kangelo ka Shukulu Kalunga ngwendi, “Njinalingi vuvi omwo kunjazivukile ngwange yove unemana mu ngila nakunjilwisa. Oloni nga eci njinalingi cacivi ku mesho ove, co njiluka kwimbo.”
35Oloni kangelo ka Shukulu Kalunga wendekele kuli ikeye ngwendi, “Ya oni na ava vanu, oloni ya ukendeke lika vije vinjikuleka.” Ngecivene, Mbalame waile amo navo.
Mbalake atambula Mbalame
36Omo Mbalake wazivile ngeci Mbalame alinakwija, co waile nakukaliwana nendi ku Ale, nganda ije yakele ku Ndonga ya Alenone ku nginga ya vaMowavi. 37Co Mbalake wendekele kuli Mbalame ngwendi, “Omo vikajo kuwezile omo njatumine lijwi kuli yove a simbu yakulivanga? Kuma yove uyongola ngwove kunjasa kukufweta vyakupwamo ndi?”
38Mbalame wamukumbulwile ngwendi, “Kenga, njinaija kuli yove. Oloni yange njili na nzili mukajo yakwendeka nambe lijwi limo? Njasa kwendeka lika vije vyanjileka Njambi kwendeka.” 39Ngecivene, Mbalame waile na Mbalake ku limbo lya Kilyate Huzote, 40kuje Mbalake wakombelelele vingombe na vimanga, co waanene situ imo kuli Mbalame na vaje vantwama vakele navo.
Vuka-kwimanena vwa Mbalame vwakulivanga
41Co alikaki Mbalake watwalele Mbalame ku Mbamote Mbale, kuje Mbalame wasele kumona mutambela wa vanu va Isalele.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006