Mika 7
7
Isalele inaviya
1Kukwesi cinyangavili! Njinapu ngwe uje ali na sholovya ya mukolovozi wa vushuka vwa vinyu nambe vushuka vwa miti ya mukuyu, oloni kasa kuvuwana ku miti. 2Kukwesi munu wa kulongwa nasala mu lifuti, naumo wai wa kulongwa kuli Njambi. Vanu voshe vanavandamena simbu yakutsiya. Vanu voshe valinakuyomba vandolome vavo ngeci vavatsiye. 3Voshe vazivuka manene kulinga vuvi. Vantwama vashaka vwana, co vaka-kusompa vatambula mazika-kanwa. Muka-kutsimana avaleka vije vyashaka, ngecivene, voshe vatumba matumbe amavi. 4Nameme vana vavavwa vakwononoka manene, oloni vanapu ngwe shaku yangoco.
Litangwa likaija omo Njambi akanyanyamesa vanu, ngwe muje mwavanangwile ali vaka-kunyunga vavo vaka-kwimanena. Co ololo vali mu citanga. 5Kesi utave mundambo wove nameme kukulaela musamba wove. Nyanyama nameme vije wendeka na munakazi wove. 6#Mat 10:35-36; Luk 12:53 A visimbu evi vana kuvakononoka vaishavo, co vana va vanakazi vakalwisa vainavo, na vambanda vakalwisa vainamweno, co vitozi va munu vakapwa vanu vaje va mu naanga yendi vavenya.
7Oloni yange njikakengelela kuli Shukulu Kalunga, njikavandamena nakukulaela kuli Njambi uje akanjamena. Njambi yange akanjiziva.
Shukulu Kalunga amena vanu
8Vitozi vetu, kesi muvwaelele omwo tuyando twetu! Twasa kuwa, oloni tukenduka lalo, twasa kutumbama mu lisusulungu, oloni Shukulu Kalunga atwana ceke. 9Tunavulumwina Shukulu Kalunga. Ngecivene, tunapande kuyanda omwo kuluvala kwendi noo atwamena. 10Asinoni vitozi vetu vakacimona, co vakashaula vitozi vaje vene vatuyandesele kutwihula ngwavo, “ali kulijo Shukulu Kalunga Njambi yeni?” Tukavamona vavafungulula nakuvalyatangela asi ngwe vutome mu vitapalo. 11Vanu va mu Yelusalema, simbu yakutungulula vivumbe vya nganda ilinakwija. A simbu ije vene lifuti lyeni likapwa lyakama. 12Vanu vove vakeluka kuli yove kutunda ku mitambela yoshe, ku Asilya mu ngangela, na ku Ingito mu mbwela, na mu lifuti lya Yufuleti, na kulyala ku mema a kalunga na ku minkinda. 13Oloni lifuti likapwa ngundu omwo ya vuvi vwa vaje valimo.
Mema ku mbunge a Njambi ali Isalele
14Shukulu Kalunga pwa kanyungi ka vanu vove, vanu vaje vaunaangula. Nameme vakala mwavo lika valyangunukila mu mambo, oloni kuli livu lya vwilo kuje kuvanalizengeleka. Vatave ngeci vakale mu lifuti lya mwila wauvwa lya Mbashane na Ngilyande ngwe muje muvayongwele laja.
15Shukulu Kalunga, panga vikomokeso kuli yetu ngwe muje muwalingile a matangwa aje omo watutundisile mu Ingito. 16Akumona cuma eci, co miyati ya vanu vakonwa kulingao cuma cimo, nameme vaje vali na nzili manene kuvakendeka cuma cimo nameme kutolilila embwe. 17Vakalikoka asi mu likungu ngwe manyoka, vakatunda mu vimpaka vyavo oku vajaja nakulijujukila. Vakeluka kuli Shukulu Kalunga Njambi yetu na lyova.
18Yove Shukulu Kalunga, kukwesi njambi weka wakulifwa nove, u muka-kusambesa vuvi vwa vanu vove vaje vaputumukileo. Kuwesi kuluvala ku myaka yoshe embwe, oloni ukavwaelela mukutumwesa cizemo cove cije kucesi kutenguluka. 19Ukatuzivila mema ku mbunge lalo. Ukalyatangela vuvi vwetu nakuvushekela a masima kwisi ya mema a kalunga. 20Ukamwesa kulongwa kwove na cizemo cove cije kucesi kutengulula ku vanu vove, vatekulwila va Avilahama, na Yakomba, ngwe muwakulaesele vakukulwila vetu ku san̄ulu.
Currently Selected:
Mika 7: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
