VaLevi 20
20
Kunyanyamesa vaka-kujeneka kwononoka mashiko
1Shukulu Kalunga wendekele kuli Mosesa ngwendi, 2“Leka vanu vaIsalele ngwove, munu woshe akati keni, nambe umo muka-kwija uje alinakukala akati keni, uje akana umo munendi ngeci vamupangese akulemesa njambi Moleki, co mbunga yoshe ikamutsiye na mamanya. 3Nga munu aana munendi kuli Moleki ajwalesa Mbalaka yange yakujela nakuzivisa shwamwa lizina lyange lyakujela. Co njikamukengesa nima, co kunjikamulava lalo kupwa munu wange. 4Oloni nga vanu shavo kumbako mbunge a cuma cije canalingi, co shavo kumutsiya, 5asinoni yange vavenya njikamukengesa nima uje munalume na naanga yendi yoshe, na voshe vanakundama kuli ikeye akunjiseza yange nakulemesa njambi Moleki. Kunjikavalava lalo kupwa vanu vange embwe.
6“Nga munu umo aya mukwihula kuli vanu vaje vakendeka na minzinzime ya vatsi, njikamukengesa nima, co kunjikamulava lalo kupwa munu wange. 7Pweni vakujela, omwo yange njapwa Kalunga Njambi yeni. 8Ononokeni mashiko ange, omwo yange njapwa Kalunga, uje akamijelesa.
9 #
Kut 21:17; Mat 15:4; Mak 7:10 “Nga Munu atuka ishe nambe vaina vamutsiye, omwo kutsa kwendi kwakulishakela ikeye vavenya.
10 #
Kut 20:14; VaLe 18:20; Kwi 5:18 “Nga munalume alinga vupangala na munakazi wa mukwavo kaIsalele, muvuvali vwavo vavatsiye. 11#VaLe 18:8; Kwi 22:30; 27:20 Nga munu alala na munakazi wa ishe nalingisa shwamwa ishe, co muvuvali vwavo vavatsiye. Omwo kutsa kwavo kwakulishakela vakevo vavenya. 12#VaLe 18:15 Nga munu na vainamweno, vanalivikila. Muvuvali vwavo vavatsiye, omwo kutsa kwavo kwakulishakela vakevo vavenya. 13#VaLe 18:23 Nga munalume alinga vundeyi na mukwavo munalume, vanalingi cuma ca shwamwa manene, co muvuvali vwavo vavatsiye, omwo kutsa kwavo kwakulishakela vakevo vavenya. 14#VaLe 18:17; Kwi 27:23 Nga munu ambata mwana na vaina, voshe muvutatu vwavo vavacavelele mu litende lya tuya, omwo vanalingi cuma cizivisa shwamwa manene. Cuma cakufwa ngacije kumwapandele kucitavesa akati keni. 15Nga munu alala na kasitu, co ikeye na kasitu voshe vavatsiye. 16#Kut 22:19; VaLe 18:23; Kwi 27:21 Nga munakazi alala na kasitu, co ikeye na kasitu voshe vavatsiye, omwo kutsa kwavo kwakulishakela vakevo vavenya. 17#VaLe 18:9; Kwi 27:22 Nga munu ambata ndokazi yendi, muna ishe nambe muna vaina, eci capwa cuma ca shwamwa manene. Co ngongo yendi, vamusheke ku mesho a mbunga, omwo ikeye nalala na ndokazi yendi. 18#VaLe 18:19 Nga munu alala na munakazi omo kakwata ku liko, muvuvali vwavo vavasheke mu mbunga, omwo vakevo vanapokola mashiko nakulijwalesa.
19“Nga munu alala na vaten̄azi yendi nambe ndokazi ya vaina, ngongo yavo muvuvali vwavo vanalivikila. 20#VaLe 18:12-14 Nga munu alala na vaten̄azi yendi, ikeye nazivisa shwamwa inanu. Ngongo yavo, naumo wai muvuvali vwavo akakala na vana. 21#VaLe 18:16 Nga munu ambata munakazi wa ndolome yendi, co vakakala ngoco kujeneka vana. Nalingi cuma cacivi cakulijwalesa, omwo nazivisa shwamwa ndolome yendi. 22Ngecivene, mukanyunge mashiko ange oshe, nakushika kwange kwoshe nakuwalinga, ngeci kesi vakamivyane mu lifuti muje munjilinakumitwala. 23Co kesi mukakavangeye vilinga vya vanu vaje valinakukala muje. Njilinakushekamo vaje vaka-kujeneka kunjikulaela yange Kalunga, ngeci mwase kukovela mu lifuti lije. Vakevo vananjizivisa shwamwa manene a vilinga vyavo vyoshe vyavivi. 24Oloni yange njamikulaesele lifuti eli lyalivwa lya vwilo nevi vyakujenekamo vyai kupwa vushwana vweni, co yange njikamyanalyo. Yange njapwa Kalunga Njambi yeni, yange njamyangwile nakumyangununa akati ka miyati yoshe. 25Ngecivene, mwapande kwangununa mwamuvwa akati ka tusitu, na tuzila, vaje vanajele ku mashiko, na ava kuvajelele. Kesi mulye tusitu nambe tuzila vaje kuvajelele, omwo yange njamishiki ngwange kuvajelele, co nga muvalya mulijwalesa yeni vavenya. 26Pweni vanu vange vakujela. Co kundameni lika kuli yange omwo yange Kalunga njapwa wakujela. Njinamyangununa yeni ku miyati yeka ngeci mupwe vanu vange lika.
27“Munalume woshe-iwoshe nambe munakazi uje akendeka na minzinzime ya vatsi nambe kutaa vakamutsiye na mamanya. Omwo kutsa kwendi kwakulishakela ikeye vavenya.”
Currently Selected:
VaLevi 20: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
