VaLevi 19
19
Mashiko akujela na kwoloka
1Co Shukulu Kalunga wendekele kuli Mosesa ngwendi, 2#VaLe 11:44-45; 1 Pet 1:16 “Leka mbunga yoshe ya vanu va Isalele ngwove, ‘Pweni vakujela, omwo yange Kalunga Njambi yeni, njapwa wakujela.’ 3#Kut 20:8,12; Kwi 5:12,16 Munu na munu napande kusingimika vaina na ishe, co napande kunyunga Litangwa Lyakuhwima, ngwe muje njamishikile. Yange njapwa Kalunga Njambi yeni.
4 #
VaLe 26:1; Kut 20:23; 34:17; Kwi 27:15 “Kesi munjiseze nakulemesa tumponya, cipwe kesi mulipangele vinjambi va vikuvo nakuvalemesa. Yange njapwa Kalunga Njambi yeni.
5“Omo mutsiya cimuna wa mulambu wa kulitombola, nyungeni mashiko aje njamyanene, co njikatambula uje mulambu. 6Co situ munapande kuyilya a litangwa lije vene limunatsii uje cimuna nambe alikaki. Co nga kusala imo na ku litangwa lyamucitatu, co vakayenyeke, 7omwo kuyajelele. Nga munu ayilya, co kunjikatambula uje mulambu. 8Munu woshe-iwoshe uje akayilya akakala na mulonga wakupangesa ngoco vije vanakundikile kuli yange, co kuvakamulava lalo kupwa munu wange embwe.
9“Omo mukateja mahya eni, kesi mukateje vimbuto vya kumukulo wa mahya, co kesi mukelukile lalo munima na kuteja mitwe ya vimbuto ije yasala munima. 10#VaLe 23:22; Kwi 24:19,22 Kesi mukelukile lalo munima ya lihya lyeni lya vinyu mukuungulula vushuka vuje vumunasezele nambe kunona vushuka vuje vwalundumukila asi. Vusezeleni vaka-kuutwa, nambe vaka-kwija. Yange njapwa Kalunga Njambi yeni.
11 #
Kut 20:15,16; Kwi 5:19,20 “Kesi mukayive, nambe kwendeka makuli nambe kukwisa. 12#Kut 20:7; Kwi 5:11; Mat 5:33 Kesi mukalisinge vya makuli nakushawisa lizina lya Njambi yeni. Yange njapwa Kalunga Njambi yeni.
13 #
Kwi 24:14-15
“Kesi mukayandese vakweni nambe kuvevila. Co kesi mukeshwale kufweta munu uje imunapangesa noo alikaki. 14#Kwi 27:18 Kesi mukasinge kasinda-matwi nambe kwaka citanukiso kulutwe lwa kapuputwa. Oloni mukazivila Njambi yeni lyova. Yange njapwa Kalunga Njambi yeni.
15 #
Kut 23:6-8; Kwi 16:19 “Kesi mukasompele vulemu omo muvatula milonga. Kesi mukatetele kautu omwo vuutu vwendi, nambe kutewa muka-kufuka omwo kufuka kwendi embwe. Oloni mukasompe vakweni mu vushunga. 16Kesi mukashandole n̄anda ya makuli ali munu woshe-iwoshe. Co nga munu vanamusompela kutsa, endeka mwamuvwa, amo vukaleo vwove vwasa kumukwasa ikeye. Yange Kalunga.
17 #
Mat 18:15
“Kesi ukazinde ndolome yove mu mbunge yove. Linanguleni na mukweni ngeci kesi mulinge vuvi omwo ikeye. 18#Mat 5:43; 19:19; 22:39; Mak 12:31; Luk 10:27; Lom 13:9; Ngala 5:14; Yak 2:8 Kesi ukalinge shambandinga vuvi ku vuvi, nambe likiti-kiti lya kumuzinda, oloni zema mukweni ngwe muwalizema yove vavenya. Yange Kalunga.
19 #
Kwi 22:9-11
“Mukononoka kushika kwange. Kesi mukatave vimuna veni kusema na miyati yeka embwe. Kesi mukakune vimbuto vya miyati ivali mu lihya limo embwe. Kesi mukazale vuzalo vwakutonga na miyati ivali ya vinanga embwe. 20Munalume woshe uje alala na ndungo wa munakazi ikeye lishano lya mbanja lya munalume weka, oloni kanda vamukule nambe kumwecela ku vundungo, co muvuvali vwavo vakavanyanyamese lika. Kesi vakavatsiye embwe#19:20 KESI VAKAVATSIYE: Nambe, kulowelela vakacilinga, oloni kuvakavatsii. omwo uje munakazi wapwile ndungo, kesi muna kacisemi. 21Oloni uje munalume akanene lijamba lya manga ku cikolo ca Mbalaka ku mesho ange, kupwa mulambu wa kuliilwisila. 22Co muka-kukombelela akajelesa uje munalume ku mesho a Shukulu Kalunga a vuvi vuje vwalingile. Co Njambi akamusambesavwo.
23“Omo mukakovela mu lifuti lya Kanana, mukakuna miti yoshe ya vushuka, co anukeni ngeci vushuka vuje vwa myaka itatu yakulivanga, kuvwajelele kesi muvulye. 24Co mu mwaka wamuciwana vushuka vwoshe mukavukundika kuli yange kupwa mulambu mukumwesa cikandelela ceni kuli yange,#19:24 MUKUMWESA CIKANDELELA CENI KULI YANGE: Nambe, mukunjalesa. Kalunga. 25Oloni mu mwaka wamucitanu mukasa kulya ku vushuka ovu. Nga mulinga vyoshe evi, co miti yeni ikema vushuka vwavungi. Yange Kalunga njapwa Njambi yeni.
26 #
Kus 9:4; VaLe 7:26-27; 17:10; Kwi 12:16,23; 15:23; 18:10 “Kesi mukalye situ na maninga ayo. Kesi mukaye ku vaka-kutaa nambe vaka-manseno. 27Kesi mukaliteule vin̄ambu vya kumikulo ya mitwe yeni, nambe kuviisa minjezi yeni omo muli mu vusiwa. 28#VaLe 2:5; Kwi 14:1 Kesi mukalicate vinyato a mivila yeni, nambe kulilengozola mwamuvi a mivila yeni omo mulinakulila vatsi. Yange njapwa Kalunga.
29 #
Kwi 23:17
“Kesi mukashawise vana veni va vanakazi akuvapwisa vikwizi va mu vinjuvo vya vinjambi#19:29 VIKWIZI VA MU VINJUVO VYA VINJAMBI VA MAKULI VA KANANA: Ava vanakazi vakele mu vinjuvo vya vinjambi va makuli va vaKanana. Vacikulaelele ngwavo nga valimona na vikwizi ava, cikanena cikulaeso ca vwilo mu mahya na ku matanga. va makuli, nga mulingamo, co mukatengulukila ku vinjambi veka, co lifuti likashula na vuvi. 30#VaLe 26:2 Mukanyunga Litangwa Lyakuhwima, co mukasingimika mwela uje vakanjilemesela. Yange njapwa Kalunga.
31 #
Kwi 18:11; 1 Sam 28:3; 2 Vim 23:4; Isa 8:19 “Kesi mukaye kuli vanu vaje valinakwendeka na minzinzime ya vatsi. Nga mulingamo, co mukalijwalesa yeni vavenya. Yange njapwa Kalunga Njambi yeni.
32“Mukamwese kasingimiko kuli tukulukazi nakuvalemesa. Co mukanjononoka nakunjisingimika. Yange njapwa Kalunga.
33“Kesi mukayandese vaka-kwija vaje valinakukala mu lifuti lyeni. 34#Kut 22:21; Kwi 24:17-18; 27:19 Kaleni navo mwamuvwa ngwe mumuli nakukala na vakweni vaIsalele, vazemeni ngwe mumwalizema yeni vavenya. Anukeni ngweni neni lalo mwapwile vaka-kwija mu lifuti lya Ingito. Yange njapwa Kalunga Njambi yeni.
35“Kesi mukakwise munu umo akupangesa seteko ya makuli, nambe akupeselesa vulemu, nambe akupeselesa a vulaja, nambe kutuma kwa vyuma. 36#Kwi 25:13-16; Vis 20:10; Ezek 45:10 Pangeseni vipeseleso vinapandemo vyavivwa na vulemu vwavyo vwavuvwa, pangeseni seteko ya vinganja na malonga ije inapandemo. Yange njapwa Kalunga Njambi yeni, uje wamitundisile mu lifuti lya Ingito. 37Mukononoka kushika kwange kwoshe oku njinamishiki. Yange njapwa Kalunga.”
Currently Selected:
VaLevi 19: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
VaLevi 19
19
Mashiko akujela na kwoloka
1Co Shukulu Kalunga wendekele kuli Mosesa ngwendi, 2#VaLe 11:44-45; 1 Pet 1:16 “Leka mbunga yoshe ya vanu va Isalele ngwove, ‘Pweni vakujela, omwo yange Kalunga Njambi yeni, njapwa wakujela.’ 3#Kut 20:8,12; Kwi 5:12,16 Munu na munu napande kusingimika vaina na ishe, co napande kunyunga Litangwa Lyakuhwima, ngwe muje njamishikile. Yange njapwa Kalunga Njambi yeni.
4 #
VaLe 26:1; Kut 20:23; 34:17; Kwi 27:15 “Kesi munjiseze nakulemesa tumponya, cipwe kesi mulipangele vinjambi va vikuvo nakuvalemesa. Yange njapwa Kalunga Njambi yeni.
5“Omo mutsiya cimuna wa mulambu wa kulitombola, nyungeni mashiko aje njamyanene, co njikatambula uje mulambu. 6Co situ munapande kuyilya a litangwa lije vene limunatsii uje cimuna nambe alikaki. Co nga kusala imo na ku litangwa lyamucitatu, co vakayenyeke, 7omwo kuyajelele. Nga munu ayilya, co kunjikatambula uje mulambu. 8Munu woshe-iwoshe uje akayilya akakala na mulonga wakupangesa ngoco vije vanakundikile kuli yange, co kuvakamulava lalo kupwa munu wange embwe.
9“Omo mukateja mahya eni, kesi mukateje vimbuto vya kumukulo wa mahya, co kesi mukelukile lalo munima na kuteja mitwe ya vimbuto ije yasala munima. 10#VaLe 23:22; Kwi 24:19,22 Kesi mukelukile lalo munima ya lihya lyeni lya vinyu mukuungulula vushuka vuje vumunasezele nambe kunona vushuka vuje vwalundumukila asi. Vusezeleni vaka-kuutwa, nambe vaka-kwija. Yange njapwa Kalunga Njambi yeni.
11 #
Kut 20:15,16; Kwi 5:19,20 “Kesi mukayive, nambe kwendeka makuli nambe kukwisa. 12#Kut 20:7; Kwi 5:11; Mat 5:33 Kesi mukalisinge vya makuli nakushawisa lizina lya Njambi yeni. Yange njapwa Kalunga Njambi yeni.
13 #
Kwi 24:14-15
“Kesi mukayandese vakweni nambe kuvevila. Co kesi mukeshwale kufweta munu uje imunapangesa noo alikaki. 14#Kwi 27:18 Kesi mukasinge kasinda-matwi nambe kwaka citanukiso kulutwe lwa kapuputwa. Oloni mukazivila Njambi yeni lyova. Yange njapwa Kalunga Njambi yeni.
15 #
Kut 23:6-8; Kwi 16:19 “Kesi mukasompele vulemu omo muvatula milonga. Kesi mukatetele kautu omwo vuutu vwendi, nambe kutewa muka-kufuka omwo kufuka kwendi embwe. Oloni mukasompe vakweni mu vushunga. 16Kesi mukashandole n̄anda ya makuli ali munu woshe-iwoshe. Co nga munu vanamusompela kutsa, endeka mwamuvwa, amo vukaleo vwove vwasa kumukwasa ikeye. Yange Kalunga.
17 #
Mat 18:15
“Kesi ukazinde ndolome yove mu mbunge yove. Linanguleni na mukweni ngeci kesi mulinge vuvi omwo ikeye. 18#Mat 5:43; 19:19; 22:39; Mak 12:31; Luk 10:27; Lom 13:9; Ngala 5:14; Yak 2:8 Kesi ukalinge shambandinga vuvi ku vuvi, nambe likiti-kiti lya kumuzinda, oloni zema mukweni ngwe muwalizema yove vavenya. Yange Kalunga.
19 #
Kwi 22:9-11
“Mukononoka kushika kwange. Kesi mukatave vimuna veni kusema na miyati yeka embwe. Kesi mukakune vimbuto vya miyati ivali mu lihya limo embwe. Kesi mukazale vuzalo vwakutonga na miyati ivali ya vinanga embwe. 20Munalume woshe uje alala na ndungo wa munakazi ikeye lishano lya mbanja lya munalume weka, oloni kanda vamukule nambe kumwecela ku vundungo, co muvuvali vwavo vakavanyanyamese lika. Kesi vakavatsiye embwe#19:20 KESI VAKAVATSIYE: Nambe, kulowelela vakacilinga, oloni kuvakavatsii. omwo uje munakazi wapwile ndungo, kesi muna kacisemi. 21Oloni uje munalume akanene lijamba lya manga ku cikolo ca Mbalaka ku mesho ange, kupwa mulambu wa kuliilwisila. 22Co muka-kukombelela akajelesa uje munalume ku mesho a Shukulu Kalunga a vuvi vuje vwalingile. Co Njambi akamusambesavwo.
23“Omo mukakovela mu lifuti lya Kanana, mukakuna miti yoshe ya vushuka, co anukeni ngeci vushuka vuje vwa myaka itatu yakulivanga, kuvwajelele kesi muvulye. 24Co mu mwaka wamuciwana vushuka vwoshe mukavukundika kuli yange kupwa mulambu mukumwesa cikandelela ceni kuli yange,#19:24 MUKUMWESA CIKANDELELA CENI KULI YANGE: Nambe, mukunjalesa. Kalunga. 25Oloni mu mwaka wamucitanu mukasa kulya ku vushuka ovu. Nga mulinga vyoshe evi, co miti yeni ikema vushuka vwavungi. Yange Kalunga njapwa Njambi yeni.
26 #
Kus 9:4; VaLe 7:26-27; 17:10; Kwi 12:16,23; 15:23; 18:10 “Kesi mukalye situ na maninga ayo. Kesi mukaye ku vaka-kutaa nambe vaka-manseno. 27Kesi mukaliteule vin̄ambu vya kumikulo ya mitwe yeni, nambe kuviisa minjezi yeni omo muli mu vusiwa. 28#VaLe 2:5; Kwi 14:1 Kesi mukalicate vinyato a mivila yeni, nambe kulilengozola mwamuvi a mivila yeni omo mulinakulila vatsi. Yange njapwa Kalunga.
29 #
Kwi 23:17
“Kesi mukashawise vana veni va vanakazi akuvapwisa vikwizi va mu vinjuvo vya vinjambi#19:29 VIKWIZI VA MU VINJUVO VYA VINJAMBI VA MAKULI VA KANANA: Ava vanakazi vakele mu vinjuvo vya vinjambi va makuli va vaKanana. Vacikulaelele ngwavo nga valimona na vikwizi ava, cikanena cikulaeso ca vwilo mu mahya na ku matanga. va makuli, nga mulingamo, co mukatengulukila ku vinjambi veka, co lifuti likashula na vuvi. 30#VaLe 26:2 Mukanyunga Litangwa Lyakuhwima, co mukasingimika mwela uje vakanjilemesela. Yange njapwa Kalunga.
31 #
Kwi 18:11; 1 Sam 28:3; 2 Vim 23:4; Isa 8:19 “Kesi mukaye kuli vanu vaje valinakwendeka na minzinzime ya vatsi. Nga mulingamo, co mukalijwalesa yeni vavenya. Yange njapwa Kalunga Njambi yeni.
32“Mukamwese kasingimiko kuli tukulukazi nakuvalemesa. Co mukanjononoka nakunjisingimika. Yange njapwa Kalunga.
33“Kesi mukayandese vaka-kwija vaje valinakukala mu lifuti lyeni. 34#Kut 22:21; Kwi 24:17-18; 27:19 Kaleni navo mwamuvwa ngwe mumuli nakukala na vakweni vaIsalele, vazemeni ngwe mumwalizema yeni vavenya. Anukeni ngweni neni lalo mwapwile vaka-kwija mu lifuti lya Ingito. Yange njapwa Kalunga Njambi yeni.
35“Kesi mukakwise munu umo akupangesa seteko ya makuli, nambe akupeselesa vulemu, nambe akupeselesa a vulaja, nambe kutuma kwa vyuma. 36#Kwi 25:13-16; Vis 20:10; Ezek 45:10 Pangeseni vipeseleso vinapandemo vyavivwa na vulemu vwavyo vwavuvwa, pangeseni seteko ya vinganja na malonga ije inapandemo. Yange njapwa Kalunga Njambi yeni, uje wamitundisile mu lifuti lya Ingito. 37Mukononoka kushika kwange kwoshe oku njinamishiki. Yange njapwa Kalunga.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006