Yoshwa 24
24
Kutungulula cikumiiyo ku Shekeme
1Asinoni Yoshwa wakungulwile miyati yoshe ya Isalele amolika ku Shekeme. Co wasanene vakulunu, na vantwama, na maako, na vamyata va Isalele, co vezile ku mesho a Njambi. 2#Kus 11:27 Co Yoshwa wendekele kuli vanu voshe ngwendi, “Evi vikevyo vyanendeka Shukulu Kalunga Njambi ya Isalele ngwendi, ‘Ku san̄ulu vakukulwila veni vakele musambwa ya Ndonga ya Yufuleti valemesele vinjambi veka. Co umo wa vakukulwila veni vaje ikeye Tela, ishe ya Avilahama, na Nahole. 3#Kus 12:1-9; 21:1-3 Asinoni njatundisile kukulwila yeni Avilahama, musambwa ya Ndonga ya Yufuleti nakumutwamenena mu lifuti lyoshe lya Kanana. Njatumisile vatekulwila vendi. Co njamwanene Isake. 4#Kus 25:24-26; 36:8; 46:1-7; Kwi 2:5 Ngeci Isake njamwanene Yakomba, na Isau. Co njaanene Isau lifuti lya malundu lya Endome kupwa vushwana vwendi, oloni kukulwila yeni Yakomba na vana vendi vaile ku Ingito. 5#Kut 3:1—12:42 Asinoni munima yevi njatumine Mosesa na Alone, njasholwele tuyando twakukomokesa ali vaka-Ingito. Oloni munima yeni njamituwisilemo, 6omo njatundisile vakukulwila veni mu Ingito, co vaka-Ingito vavakavele na matemba, na vaka-kuwendesa. Oloni omo vakukulwila veni vetele ku Lishali Lyakuvenga, 7#Kut 14:1-31 co vatambekele kuli yange ngeci njivakwase, co njaakele lisusulungu akati kavo na vaka-Ingito, ngeci vaka-Ingito vakupukile na mema a kalunga. Yeni mwamwene vije vinjalingile kuli vaka-Ingito.
“ ‘Yeni mwakele mu mambo simbu yakama. 8#Kul 21:21-35 Asinoni njaminenele mu lifuti lya vaAmoli, vaje vakele ku mutambela wa mu ngangela ya Yondau. Co vakevo vamilwisile, oloni yange njamyanene nzili yakuvafungula. Ngeci mwashwanene lifuti lyavo, co njavanyongesele omo yeni mwakele nakuya kulutwe. 9Asinoni mwene wa vaMowavi, Mbalake muna Zipole, wamilwisile. Ikeye watumine lijwi kuli Mbalame muna Mbeole ngeci amisinge. 10#Kul 22:1—24:25 Oloni njavyanene kutolilila Mbalame, ngecivene, ikeye wamivezikisile, co mu ngila eyi vene njamyovwele kuli Mbalake. 11#Yos 3:14-17; 6:1-21 Mwajavukile Ndonga ya Yondau nakweta ku Yeliko. Co vanu va ku Yeliko vamilwisile, ngwe muje muvalingile vaAmoli, na vaPelezi, na vaKanana, na vaHiti, na vaNgilengashi, na vaHivi, na vaNjevushi. Oloni voshe mwavafungulwile 12#Kut 23:28; Kwi 7:20 Yange njavauya-wuyisile omo mwakele nakuya kulutwe, co mwashekele vaje vimyene vavali va vaAmoli, co mikwale yeni na mata eni kuvyalingile cuma cimo cai. 13#Kwi 6:10-11 Ngecivene, njamyanene livu lije kumwalimine, na vinganda vije kumwatungile. Oloni mulinakukalamo, co mulinakulya mikolovozi ya vushuka vwa vinyu ije kumwakunine, na vushuka vwa olive vuje kumwakunine.’ ”
14Co Yoshwa wendekele lalo ngwendi, “Ololo singimikeni Shukulu Kalunga nakumupangela mu vushunga na mu kulongwa. Tundiseni vinjambi vaje vavapangelele vakukulwila veni nakuvalemesa ku Mesopotamya na mu Ingito, co pangeleni lika Shukulu Kalunga. 15Nga kumwesi na cizango cakupangela Shukulu Kalunga, co anguleni ku litangwa lya lelo iyajo imukapangela, vinjambi vaje vavalemesele vakukulwila veni ku Mesopotamya, nambe vinjambi va vaAmoli, mu lifuti eli mumuli nakukala ololo. Oloni yange na naanga yange, tukapangela Shukulu Kalunga.”
16Co vanu vamukumbulwile ngwavo, “Ciye kulyala netu, yetu kutukaseza Shukulu Kalunga nakupangela vinjambi veka embwe! 17Omwo Shukulu Kalunga Njambi yetu ikeye uje watundisile yetu na vakukulwila vetu mu vundungo mu lifuti lya Ingito, co twamwene vizivukiso vyakama vije vyalingile ku mesho etu. Ikeye watunyungile mwamuvwa mu ngila mwoshe muje mutwezile akati ka miyati yoshe muje mutwetile. 18Omo twezile mu lifuti lino, Shukulu Kalunga washekelemo vaAmoli voshe vaje vakelemo. Ngecivene, netu lalo tukapangela Shukulu Kalunga omwo ikeye wapwa Njambi yetu.”
19Co Yoshwa wendekele kuli vanu va Isalele ngwendi, “Oloni kumukasa kupangela Shukulu Kalunga, omwo ikeye wapwa Njambi wakujela, co ikeye wapwa Njambi wa lifuwa. Ikeye kakamisambesa ku vuvi vweni na ku milonga yeni, 20nga museza Shukulu Kalunga nakupangela vinjambi veka, co ikeye akamitengulukila nakumihisa. Co akaminyongesa, nameme ikeye wapwile wamuvwa kuli yeni akulivanga.”
21Co vanu va Isalele vendekele kuli Yoshwa ngwavo, “Embwe! Yetu tukapangela Shukulu Kalunga.”
22Yoshwa wavalekele ngwendi, “Yeni vavenya munapu vakaleo akulyangwila kupangela Shukulu Kalunga.”
Co vamukumbulwile ngwavo, “Eyo, tunapu tu vakaleo.”
23Asinoni Yoshwa wendekele ngwendi, “Mwamuvwa nga mushaka kupangela Shukulu Kalunga, co tundiseni vinjambi veka vaje vali akati keni, co akeni vimbunge vyeni kuli Shukulu Kalunga Njambi ya Isalele.”
24Co vanu va Isalele vendekele kuli Yoshwa ngwavo, “Tukapangela Shukulu Kalunga Njambi yetu, nakwononoka mashiko endi.”
25Ngecivene, Yoshwa walikumiiye cikumiiyo na vanu va Isalele a litangwa lije, co kuje vene ku Shekeme wavaanene vilongesa na mashiko ngeci vaakave. 26Ngecivene, Yoshwa wasonekele mashiko awa mu Livulu lya Mashiko a Njambi. Asinoni wanonele limanya lyakama walitumbikile mwisi ya muti wa Oke kuyehi na mwela wakujela wa Shukulu Kalunga. 27Co ikeye wendekele kuli vanu voshe ngwendi, “Kengeni, limanya eli likapwa vukaleo vwetu, omwo likelyo linazivi majwi oshe aje anendeka Shukulu Kalunga kuli yetu. Ngecivene, likelyo likapwa vukaleo kuli yeni, kutewa mukatengulukila Njambi yeni.” 28Asinoni Yoshwa wecelele vanu ngeci vaye, co munu na munu welukile ku mutambela wendi.
Kutsa kwa Yoshwa na Elyazale
29Munima yevi, Yoshwa muna Nune ngamba ya Shukulu Kalunga watsile omo wakele na myaka 110. 30#Yos 19:49-50 Vamutsindile a livu lyendi ku Timenate Sela mu lifuti lya malundu lya Efalime ku kunto ya Munkinda wa Ngasha.
31Omo Yoshwa wakele nakuyoya vanu va Isalele vapangelele Shukulu Kalunga. Co munima ya kutsa kwendi vakele nakupangela Shukulu Kalunga noo vantwama vaje vatsile vaje valimwenenene vakevo vavenya vyuma vyoshe vije vyalingile Shukulu Kalunga ali vaIsalele.
32 #
Kus 33:19; 50:24-25; Kut 13:19; Yow 4:5; Vil 7:16 Co muvila wa Yosefa, uje vezile nawo vanu va Isalele kutunda ku Ingito, vautsindile ku Shekeme, mu kamutambela kamo ka livu kaje kalandele kuli vana va Hamole, ishe ya Shekeme, na mavundungulu a siliva akupwa 100. Co livu lije lyapwile vushwana vwa vatekulwila va Yosefa.
33Co Elyazale muna Alone watsile, vamutsindile ku Ngimbeya, nganda ije yakele mu lifuti lya malundu lya Efalime lije livaanene kuli munendi Finehase.
The Bible in Mbunda ©The Bible Society of Zambia, 2006