Njwele 3
3
Njambi akasompa miyati
1Shukulu Kalunga alinakwendeka ngwendi,
“A simbu ije njikelwisa vivezikiso
vya Yunda na Yelusalema.
2Njikakungulula miyati yoshe
nakuvanena mu Cana Cakusompela.
Njikavasompesa a vyoshe vije vivalingile kuli vanu vange.
Vanashandwela vaIsalele mu mafuti a vungenzi,
co vanalipangezela Isalele lifuti lyange.
3Vakevo vatele n̄ela mukuyongola
iyajo umo akambata vaje vinzinda.
Valandesele vakwenje na vambanda mu vunzinda,
mukufweta ku vukwizi na vinyu.
4 #
Isa 14:29-31; 23:1-18; Njele 47:1-7; Ezek 25:15—28:26; Amo 1:6-10; Zef 2:4-7; Zak 9:7; Mat 11:21-22; Luk 10:13-14 “Vikajo mushaka kulinga kuli yange, yeni vaka-Tile na Sindone na mafuti oshe a Filisitiya? Yeni mushaka kunjiilwisila cuma cimo ndi? Nga mukemwo, co nange vwasi-vwasi njikamifweta! 5Munambata siliva yange na ngolinde, co munatwala vufuko vwange mu vinjuvo vya vinjambi veni. 6Munambata vanu va mu Yunda na vanu va mu Yelusalema nakuvatwala kulyala kuvatundisa ku lifuti lyavo nakuvalandesa kuli vaNgelengu. 7Ngeconi njilinakuvelwisa kuvatundisa ku mitambela kuje kumwavalandeselele. Co njikalinga kuli yeni ngwe mumwalingile kuli vakevo. 8Co njikakundika vana veni va vanalume na ava va vanakazi ku mavoko a vanu va mu Yunda, co vakevo vakavalandesela kulyala kuli vaSavene. Yange Kalunga, njinendekamo.
9“Ambululeni akati ka mafuti ngweni,
‘Livwaeseleni cimweja kulwa nzita,
saneni vaka-kulwa,
kungululeni mashwalale voshe ngeci vaye!
10 #
Isa 2:4; Mik 4:3 Fuleni matemo eni kuwapwisa mikwale,
co vimoko vyeni vyakunongesa minango vifuleni makunga.
Nameme munu wakuzeya napande kulwa.
11Yeni miyati yoshe mwazengeleka kuno,
ijeni vwasi-vwasi mukungulukile mu cana.’ ”
Yove Shukulu Kalunga,
tumako mashwalale vove ngeci vakavalwise.
12“Miyati yoshe valivwaesele
cimweja kwija ku Cana Cakusompela.
Kuje yange Kalunga,
njikatumbama nakusompa miyati ije yazengelekako.
13 #
Kuj 14:14-16,19-20; 19:15 Vuvi vwavo vunatumu manene,
vavatuleni ngwe vimbuto a simbu yakuviteja,
vatseneni ngwe muvakatsene
mikolovozi ya vushuka vwa vinyu
mu likamwino lya vinyu noo vinyu vishumuka.”
14Vanu vavangi-vangi
vali mu Cana Cakusompela,
omwo litangwa lya Shukulu Kalunga lili muyehi.
15Litangwa na ngonde vikazivala,
co vingongonosi kuvikatu ceke lalo.
Njambi akavezikisa vanu vendi
16 #
Amo 1:2
Shukulu Kalunga alinakwaana ngwe ndumba
ku Munkinda wa Siyone,
lijwi lyendi lilinakuluma ku Yelusalema,
asi na lilu vilinakujaja.
Oloni akaamena vanu vendi.
17“Asinoni, Isalele mukazivuka ngeci
yange njapwa Kalunga Njambi yeni.
Yange njakala a Siyone,
lilundu lyange lyakujela.#3:17 LILUNDU LYANGE LYAKUJELA: Kenga 2:1.
Yelusalema ikapwa nganda yakujela,
vaka-kwija kuvakaifungulula lalo.
18“A simbu ije mikolovozi ya vushuka vwa vinyu
ikafwika a minkinda,
vingombe vakakala a malundu oshe,
kukakala mema amangi ku vana va vindonga
voshe va mu Yunda.
Muna ndonga akaita kutunda ku Njuvo
ya Shukulu Kalunga,
nakutukumwina Cana ca Mingongo.
19“Ingito ikapwa mambo,
co Endome ikapwa ngundu,
omwo valwisile lifuti lya Yunda
nakutsiya vanu vamwo vakujeneka mulonga.
20Yunda na Yelusalema vikakala
na vanu simbu yoshe.
21Njikalingilako sambandinga vaje vavatsiile,
nakuhisa vaka-vuvi.
Yange Kalunga,
njikakala a Munkinda wa Siyone.”
Currently Selected:
Njwele 3: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
