Hoziya 3
3
Hoziya na munakazi wakujeneka kulongwa
1Shukulu Kalunga wendekele kuli yange ngwendi, “Ya lalo ukamwese cizemo cove kuli munakazi uje alinakulinga vupangala na muka-cizemo cendi. Unapande kumuzema ngwe muje munjicili nakuzema vanu va mu Isalele, nameme vacili nakuya ku vinjambi veka nakushaka kukombelela vin̄ombelo vya vushuka vwakuma ku tumponya.”
2Ngecivene, njafwetele mavundungulu likumi na atanu a siliva na makilo 150 a mbale ya maumwa ngeci eluke. 3Asinoni njamulekele ngwange a simbu yakama akanjivandamene, co kesi akalinge vukwizi, nambe kesi akakale na munalume weka lalo embwe, co a simbu eyi njikamuvandamena. 4Mu cifwa cimolika vanu va Isalele vakakala simbu yakama kwakujeneka vimyene nambe vantwama, kwakujeneka kukombelela nambe kukala na vimanda vya mamanya vyakujela, kwakujeneka tumponya nambe vifwa vyakupangesa mukutaa. 5Oloni simbu ikaija omo vanu va mu Isalele vakeluka lalo kuli Shukulu Kalunga Njambi yavo, na kuli mutekulwila wa Ndaviti mwene yavo. Co vakakomoka Shukulu Kalunga, co vakatambula vivezikiso vyendi vyavivwa.
The Bible in Mbunda ©The Bible Society of Zambia, 2006