Kutuuka 25
25
Milambu yakutungisa mbalaka yakujela
(Kut 35:4-9)
1Co Shukulu Kalunga wendekele kuli Mosesa ngwendi, 2“Leka vaIsalele valambule mulambu kuli yange, co tambula milambu yoshe-iyoshe ije vanu vashaka kwana kuli yange. 3Co milambu eyi inapande kupwa ya ngolinde, na siliva, na vunengu, 4na vinanga vyavivwa vya linyu, na ulu yakuzivuluka, na yakuvenguluka, na yakuvenga, na vinanga vyakutonga na maka a vimembe, 5nou wa vilambu vya majamba a vimanga vyakulomba na mushumbelo wakuvenga, nou wa vilambu vyakufutungula mwamuvwa, nou wa mavaya a mungongo, 6na mazi a mu vindeya, na n̄undu yakwaka mu mazi akuvwavesa, nakwaka mu insense#25:6 INSENSE: Cemba cimo civenyekele ngeci cinene lwengo lwaluvwa. VaIsalele vakele nakupangesa insense mu visimbu vyavo vyakulemesa Shukulu Kalunga. yakunika lwengo lwaluvwa 7na tumamanya twa kanelya, na tumamanya tukwavo twa seo yakama twakwaka a kangamuna#25:7 KANGAMUNA: Mu ciHevelu lijwi eli linanunguluka ngwalyo efonde*. Mu mitambela yaingi ya mu Livulu lya Njambi, lijwi eli lya efonde linanunguluka ngwalyo kacizalo kakehi vakatongele na nanga ya ndando yakama yakuvalama, co akele cifwa ca nkombe muje mwakele Ulime* na Tumime* vyuma vivali vyapangesele Muka-kukombelela Wakama* mukuwana cizango ca Njambi. ka Muka-kukombelela Wakama, na a kananga ka a nulo yendi. 8Vanu vanapande kunjitungila mbalaka yakujela, ngeci njikakale akati kavo. 9Itungeni na vyoshe vivala vyamwo ngwe ku vutumbe vuje vunjikamimwesa.
Cikasa ca Cikumiiyo
(Kut 37:1-9)
10“Shonga cikasa ca mavaya a mungongo, masentimita#25:10 MASENTIMITA: Vulaja vwa sentimita imo vunalifu na cala ca linyetete. 110 mu vulaja, na masentimita 66 mu vwihi, co na masentimita 66 mu kulova. 11Co mukati na anja cisate na ngolinde yakujela, co kumukulo waco zengulwisako mukundwilo wa ngolinde. 12Co fuleni makulo awana a ngolinde akwambatela akwate ku mendi aco awana, makulo avali ku mutambela na mutambela. 13Co shonga mikambo yakwambatela ya mavaya a mungongo nakuyisata na ngolinde, 14co yishilwise mukati ka makulo a mutambela na mutambela wa cikasa. 15Co ije mikambo ikale vene muje mu makulo, co kumwapandele kuyitundisamo lalo. 16Asinoni aka vitale vivali vya mamanya vya vukaleo mu cikasa, vije vinjikamyana, aje ali mashiko.
17 #
VaHe 9:5
“Co fula cifwiko cije civatumbwile ca mema ku mbunge#25:17 CIFWIKO...CA MEMA KU MBUNGE: Cifwiko ca mema ku mbunge cakwimanena mwela kuje Njambi asa kufwika nakusambesa vuvi. ca ngolinde yakujela, masentimita 110 mu vulaja na masentimita 66 mu vwihi. 18Co fula vakelumbi#25:18 VAKELUMBI: Vakelumbi vanemanena nzili ya vukama vwa Njambi nakukala kwendi. vavali va mambava va ngolinde yakupameyeya, 19umo na umo ku shongo ya cifwiko. Co vapameyeye amo na cifwiko ngeci vipwe cuma cimo. 20Co vaje vakelumbi va mambava valikenge vihanga vyavo aje a cifwiko ca mema ku mbunge, na mambava avo akujanjumuka afwike cifwiko. 21Co aka vitale vivali vya mamanya vya vukaleo vinjikakwana mukati ka cikasa, co aka cifwiko ca mema ku mbunge akamwa yaco. 22Co njikakuwana muje mu Mbalaka Mwakuliwanena akamwa ya cifwiko ca mema ku mbunge, mukati ka vaje vakelumbi vavali va mambava, co njikakwana mashiko ange oshe aali vanu va Isalele.
Mesa ya makende akulambula kuli Njambi
(Kut 37:10-16)
23“Co shonga mesa ya mavaya a mungongo, masentimita 88 mu vulaja, na masentimita 44 mu vwihi, co na masentimita 66 mu kulova kwayo. 24Isate na ngolinde yakujela, co zengulwisako mukundwilo wa ngolinde. 25Co shonga livalo lyakupwa masentimita 7.5 mu vwihi lyakuuzengulwisa, nakwaka lalo mukundwilo wa ngolinde wakuzengulwisa livalo. 26Co ifulile makulo a ngolinde awana akwambatela, co aake ku vimbango viwana, kuje kuli mendi ayo. 27Co aje makulo akukwatesa mikambo yakwambatela mesa vawake kuyehi na livalo. 28Co shonga mikambo ya mavaya a mungongo nakuyisata na ngolinde, ngeci vakambateleo mesa. 29Co fula malonga, na vinganja, na vinjava, amo na tulonga twatundondo twakupangesa a milambu ya vinyu. Co vyoshe evi vifule na ngolinde yakujela. 30#VaLe 24:5-8 Co aka mesa kulutwe lwa Cikasa ca Cikumiiyo, co makende akujela akulambula kuli yange akakale a mesa simbu yoshe.
Citumbikilo ca vindeya
(Kut 37:17-24)
31“Fula citumbikilo ca vindeya na ngolinde yakujela. Co linga lisanda lyayo na manda yayo vyakufula na ngolinde yakupameyeya, na vishani vyavwo vyakucakeya, kuwezelelako vintemo na mavundungulu avwo, co vipwe cuma cimo lika. 32Co minango itanu na umo ikatunde ku mutambela umo na umo wa manda, minango itatu itunde ku mutambela umo na umo. 33Co ku minango itanu na umo kukale vishani vyakucakeya vitatu, cifwa cavyo ngwe vishani vya alumonde#25:33 ALUMONDE: Muti wa alumonde wakala na mikavo ngwe ya vinkya. na mavundungulu na vintemo. 34Co manda ya citumbikilo ca vindeya ikale na vishani vyakucakeya viwana vyakufwa ngwe vishani vya alumonde amo na mavundungulu na vintemo. 35Co a manda ya citumbikilo ca vindeya akale livundungulu limo mwisi ya minango ivali, na livundungulu limo mwisi ya minango ivali, co na livundungulu limo mwisi ya minango ivali, kuje ku minango itanu na umo ije itunda ku citumbikilo ca vindeya. 36Ngecivene, mavundungulu na minango, na citumbikilo ca vindeya vikapwa cuma cimo cakupameyeya na ngolinde yakujela. 37Co fula vindeya vitanu na vivali a citumbikilo cavyo nakuvimika ngeci vitwile ceke mukati ka Mbalaka. 38Co fula vimana vyawo na malonga akushalamena a ngolinde yakujela. 39Pangesa vulemu vwa makilo 35 vwa ngolinde yakujela akufula citumbikilo ca vindeya na vivala vyavwo vyoshe. 40#Vil 7:44; VaHe 8:5 Co unapande kuvipanga ngwe ku vutumbe vuje njakumweselevwo a munkinda.
Currently Selected:
Kutuuka 25: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Kutuuka 25
25
Milambu yakutungisa mbalaka yakujela
(Kut 35:4-9)
1Co Shukulu Kalunga wendekele kuli Mosesa ngwendi, 2“Leka vaIsalele valambule mulambu kuli yange, co tambula milambu yoshe-iyoshe ije vanu vashaka kwana kuli yange. 3Co milambu eyi inapande kupwa ya ngolinde, na siliva, na vunengu, 4na vinanga vyavivwa vya linyu, na ulu yakuzivuluka, na yakuvenguluka, na yakuvenga, na vinanga vyakutonga na maka a vimembe, 5nou wa vilambu vya majamba a vimanga vyakulomba na mushumbelo wakuvenga, nou wa vilambu vyakufutungula mwamuvwa, nou wa mavaya a mungongo, 6na mazi a mu vindeya, na n̄undu yakwaka mu mazi akuvwavesa, nakwaka mu insense#25:6 INSENSE: Cemba cimo civenyekele ngeci cinene lwengo lwaluvwa. VaIsalele vakele nakupangesa insense mu visimbu vyavo vyakulemesa Shukulu Kalunga. yakunika lwengo lwaluvwa 7na tumamanya twa kanelya, na tumamanya tukwavo twa seo yakama twakwaka a kangamuna#25:7 KANGAMUNA: Mu ciHevelu lijwi eli linanunguluka ngwalyo efonde*. Mu mitambela yaingi ya mu Livulu lya Njambi, lijwi eli lya efonde linanunguluka ngwalyo kacizalo kakehi vakatongele na nanga ya ndando yakama yakuvalama, co akele cifwa ca nkombe muje mwakele Ulime* na Tumime* vyuma vivali vyapangesele Muka-kukombelela Wakama* mukuwana cizango ca Njambi. ka Muka-kukombelela Wakama, na a kananga ka a nulo yendi. 8Vanu vanapande kunjitungila mbalaka yakujela, ngeci njikakale akati kavo. 9Itungeni na vyoshe vivala vyamwo ngwe ku vutumbe vuje vunjikamimwesa.
Cikasa ca Cikumiiyo
(Kut 37:1-9)
10“Shonga cikasa ca mavaya a mungongo, masentimita#25:10 MASENTIMITA: Vulaja vwa sentimita imo vunalifu na cala ca linyetete. 110 mu vulaja, na masentimita 66 mu vwihi, co na masentimita 66 mu kulova. 11Co mukati na anja cisate na ngolinde yakujela, co kumukulo waco zengulwisako mukundwilo wa ngolinde. 12Co fuleni makulo awana a ngolinde akwambatela akwate ku mendi aco awana, makulo avali ku mutambela na mutambela. 13Co shonga mikambo yakwambatela ya mavaya a mungongo nakuyisata na ngolinde, 14co yishilwise mukati ka makulo a mutambela na mutambela wa cikasa. 15Co ije mikambo ikale vene muje mu makulo, co kumwapandele kuyitundisamo lalo. 16Asinoni aka vitale vivali vya mamanya vya vukaleo mu cikasa, vije vinjikamyana, aje ali mashiko.
17 #
VaHe 9:5
“Co fula cifwiko cije civatumbwile ca mema ku mbunge#25:17 CIFWIKO...CA MEMA KU MBUNGE: Cifwiko ca mema ku mbunge cakwimanena mwela kuje Njambi asa kufwika nakusambesa vuvi. ca ngolinde yakujela, masentimita 110 mu vulaja na masentimita 66 mu vwihi. 18Co fula vakelumbi#25:18 VAKELUMBI: Vakelumbi vanemanena nzili ya vukama vwa Njambi nakukala kwendi. vavali va mambava va ngolinde yakupameyeya, 19umo na umo ku shongo ya cifwiko. Co vapameyeye amo na cifwiko ngeci vipwe cuma cimo. 20Co vaje vakelumbi va mambava valikenge vihanga vyavo aje a cifwiko ca mema ku mbunge, na mambava avo akujanjumuka afwike cifwiko. 21Co aka vitale vivali vya mamanya vya vukaleo vinjikakwana mukati ka cikasa, co aka cifwiko ca mema ku mbunge akamwa yaco. 22Co njikakuwana muje mu Mbalaka Mwakuliwanena akamwa ya cifwiko ca mema ku mbunge, mukati ka vaje vakelumbi vavali va mambava, co njikakwana mashiko ange oshe aali vanu va Isalele.
Mesa ya makende akulambula kuli Njambi
(Kut 37:10-16)
23“Co shonga mesa ya mavaya a mungongo, masentimita 88 mu vulaja, na masentimita 44 mu vwihi, co na masentimita 66 mu kulova kwayo. 24Isate na ngolinde yakujela, co zengulwisako mukundwilo wa ngolinde. 25Co shonga livalo lyakupwa masentimita 7.5 mu vwihi lyakuuzengulwisa, nakwaka lalo mukundwilo wa ngolinde wakuzengulwisa livalo. 26Co ifulile makulo a ngolinde awana akwambatela, co aake ku vimbango viwana, kuje kuli mendi ayo. 27Co aje makulo akukwatesa mikambo yakwambatela mesa vawake kuyehi na livalo. 28Co shonga mikambo ya mavaya a mungongo nakuyisata na ngolinde, ngeci vakambateleo mesa. 29Co fula malonga, na vinganja, na vinjava, amo na tulonga twatundondo twakupangesa a milambu ya vinyu. Co vyoshe evi vifule na ngolinde yakujela. 30#VaLe 24:5-8 Co aka mesa kulutwe lwa Cikasa ca Cikumiiyo, co makende akujela akulambula kuli yange akakale a mesa simbu yoshe.
Citumbikilo ca vindeya
(Kut 37:17-24)
31“Fula citumbikilo ca vindeya na ngolinde yakujela. Co linga lisanda lyayo na manda yayo vyakufula na ngolinde yakupameyeya, na vishani vyavwo vyakucakeya, kuwezelelako vintemo na mavundungulu avwo, co vipwe cuma cimo lika. 32Co minango itanu na umo ikatunde ku mutambela umo na umo wa manda, minango itatu itunde ku mutambela umo na umo. 33Co ku minango itanu na umo kukale vishani vyakucakeya vitatu, cifwa cavyo ngwe vishani vya alumonde#25:33 ALUMONDE: Muti wa alumonde wakala na mikavo ngwe ya vinkya. na mavundungulu na vintemo. 34Co manda ya citumbikilo ca vindeya ikale na vishani vyakucakeya viwana vyakufwa ngwe vishani vya alumonde amo na mavundungulu na vintemo. 35Co a manda ya citumbikilo ca vindeya akale livundungulu limo mwisi ya minango ivali, na livundungulu limo mwisi ya minango ivali, co na livundungulu limo mwisi ya minango ivali, kuje ku minango itanu na umo ije itunda ku citumbikilo ca vindeya. 36Ngecivene, mavundungulu na minango, na citumbikilo ca vindeya vikapwa cuma cimo cakupameyeya na ngolinde yakujela. 37Co fula vindeya vitanu na vivali a citumbikilo cavyo nakuvimika ngeci vitwile ceke mukati ka Mbalaka. 38Co fula vimana vyawo na malonga akushalamena a ngolinde yakujela. 39Pangesa vulemu vwa makilo 35 vwa ngolinde yakujela akufula citumbikilo ca vindeya na vivala vyavwo vyoshe. 40#Vil 7:44; VaHe 8:5 Co unapande kuvipanga ngwe ku vutumbe vuje njakumweselevwo a munkinda.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006