Kutuuka 20
20
Mashiko Likumi
(Kwi 5:1-21)
1Njambi wendekele majwi ano oshe ngwendi, 2“Yange njapwa Kalunga Njambi yeni, uje wamitundisile mu Ingito, kuje kumwakele mu vinzinda.
3“Kesi mulemese njambi weka kuvanga yange lika.
4“Kesi mukalishongele cifwa ca cuma cimo cili mwilu, nambe cili ano asi, nambe cili mu mema mwisi ya asi. 5Kesi mukatsikamene tumponya, nambe kutulemesa, omwo yange Kalunga Njambi yeni, njapwa Njambi wa lifuwa. Co njikahisa vaje vanjizinda na vatekulwila vavo kutwala ku cisemwa camucitatu neci camuciwana. 6#Kut 34:17; VaLe 19:4; 26:1; Kwi 4:15-18; 27:15; Kut 34:6-7; Kul 14:18; Kwi 7:9-10 Oloni njikamwesa cizemo cange cije kucesi kutenguluka ku visemwa vyakupwa 1,000 vya vaje vanjizema nakunyunga mashiko ange.
7 #
VaLe 19:12
“Kesi mukapangese lizina lyange mwamuvi, omwo yange Kalunga Njambi yeni, njikahisa voshe vaje vakapangesa lizina lyange mwamuvi.
8 #
Kut 16:23-30; 31:12-14 “Nyungeni Litangwa Lyakuhwima nakulijelesa. 9Mukapanga nakulinga vipangi vyeni vyoshe matangwa atanu na limo, 10#Kut 23:12; 31:15; 34:21; 35:2; VaLe 23:3 oloni litangwa lyamucitanu na avali likelyo likapwa Litangwa Lyakuhwima lije limukakundika kuli yange Kalunga Njambi yeni. A litangwa lije kumukapanga cuma nacimo cai, nambe yeni, nambe vana veni va vanalume, nambe vana veni va vanakazi, nambe vindungo veni, nambe vimuna veni, nambe vaka-kwija vaje vali mu lifuti lyeni. 11#Kus 2:1-3; Kut 31:17 Omwo a matangwa atanu na limo, yange Kalunga njatangele lilu, na asi, na mema a kalunga, na vyoshe vije vilimo, oloni a litangwa lyamucitanu na avali likelyo njahwimine. Mukemwo vene yange Kalunga njavezikisile Litangwa Lyakuhwima nakulijelesa.
12 #
Kwi 27:16; Mat 15:4; 19:19; Mak 7:10; 10:19; Luk 18:20; Efe 6:2,3 “Singimikeni vaishweni na vanyokweni, ngeci mukayoye simbu yakama mu lifuti lije linjikamyana yange Kalunga Njambi yeni.
13 #
Kus 9:6; VaLe 24:17; Mat 5:21; 19:18; Mak 10:19; Luk 18:20; Lom 13:9; Yak 2:11 “Kesi mukatsiye.
14 #
VaLe 20:10; Mat 5:27; 19:18; Mak 10:19; Luk 18:20; Lom 13:9 “Kesi mukalinge vupangala.
15 #
VaLe 19:11; Mat 19:18; Mak 10:19; Luk 18:20; Lom 13:9 “Kesi mukaive.
16 #
Kut 23:1; Mat 19:18; Mak 10:19; Luk 18:20 “Kesi mukavangele mukweni vukaleo vwa makuli.
17 #
Lom 7:7; 13:9 “Kesi mukaliveyele njuvo ya mukweni, kesi mukaliveyele munakazi wa mukweni, nambe ndungo yendi wa munalume, nambe ndungo yendi wa munakazi, nambe ngombe yendi, nambe cimulu cendi, nambe cuma cimo ceka calinaco.”
Vanu vaziva lyova
(Kwi 5:22-33)
18Omo vanu vazivile cililimo nakutenda kwa lupembo, co vamwene muhyato na vwisi vwakele nakukakama a munkinda, co vajajele na lyova, vemanene alyala. 19#VaHe 12:18-19 Vendekele kuli Mosesa ngwavo, “Nga yove wendeka kuli yetu, co tukakutolilila, oloni yetu tuli na lyova nga Njambi endeka kuli yetu, co tukatsa vene.”
20Co Mosesa wavakumbulwile ngwendi, “Kesi muzive lyova, Njambi naija lika nakumilingisa ngeci mutwaleleo kumukomoka kesi mukalinge vuvi.” 21Oloni vanu vatwaleleo kwimana alyala, kuvanga Mosesa lika washwenyele kuyehi na lishelwa lyakuzivala kuje kwakele Njambi.
Mashiko akutunga mitula
22Shukulu Kalunga washikile Mosesa endeke kuli vaIsalele ngwendi, “Munamono ngeci yange Kalunga njinendeka kuli yeni kutunda mwilu. 23Kesi mulipangele vinjambi va siliva nambe va ngolinde ngeci muvalemese muvapandakane kuli yange embwe. 24Co njimungileni mutula wa livu, akeo mukakombelelao vimanga veni na vingombe veni kupwa milambu yamutunu ya kwenyeka, amo na milambu ya kulitombola. Mu mutambela woshe uje njikemika wakunjilemesela, co njikaija kuli yeni nakumivezikisa. 25#Kwi 27:5-7; Yos 8:31 Nga mukanjitungila mutula wa mamanya, kesi muutungise mamanya akulamozola, omwo nga mupangesa shinjo a mamanya, co uje mutula upwa wakujwala. 26Kesi mukanjitungile mutula wa makandu akulondela kwilu, kutewa shwamwa yeni ikasholoka omo mulondao.”
Currently Selected:
Kutuuka 20: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
