Kutuuka 19
19
VaIsalele ku Munkinda wa Sinai
1A litangwa lyakulivanga ku ngonde yamucitatu omo vaIsalele vanatundu laja mu Ingito, co vetele ku Mambo ya Sinai. 2Omo vatundile ku Lefindime, vetele ku Mambo ya Sinai, kuje vatungilile cilombo kwisi ya Munkinda wa Sinai. 3Co Mosesa walamatele a munkinda nakuliwana na Njambi.
Shukulu Kalunga wamusanene oku ali a munkinda wamulekele akendeke kuli vaIsalele, vatekulwila va Yakomba ngwendi, 4“Yeni mwamwene vije vinjalingile yange Kalunga kuli vaka-Ingito, na muje njamyambatele ngwe mwakambata ngonga vana vendi vavandondo a mambava endi, nakuminena kuli yange vavenya. 5Ololo, nga munjononoka nakunyunga cikumiiyo cange, mukapwa vanu vange vavenya. Nameme asi oshe apwa ange, oloni yeni mukapwa vanu vange vakwanguka, 6#Kwi 4:20; 14:2; 26:18; Tit 2:14; 1 Pet 2:9; Kuj 1:6; 5:10 vanu vaje vakundama kuli yange vavenya, co yeni mukapwa vaka-kukombelela, muyati wakujela wakwanguka. Awa akewo majwi ukendeka kuli vanu va Isalele.” 7Co Mosesa washelumukile ku munkinda, wasanene vantwama va vanu va Isalele amolika. Wavalekele vyuma vyoshe vije vyamushikile Shukulu Kalunga. 8Co vanu voshe vakumbulwile ngwavo, “Tukalinga vyuma vyoshe vije vyanendeka Shukulu Kalunga.” Co Mosesa wambulwile vyuma evi kuli Shukulu Kalunga.
9Shukulu Kalunga wendekele kuli Mosesa ngwendi, “Njikaija kuli yove mu lishelwa lya kuhima, co vanu vakanjiziva omo njikendeka nove, co vakakukulaela kutunda ku lelo nakutwala ku simbu yoshe.”
Mosesa walekele Shukulu Kalunga vije vivakumbulwile vanu, 10co Shukulu Kalunga wendekele kuli ikeye ngwendi, “Ya kuli vanu ukavaleke ngeci valivwaese lelo na imene. Vanapande kulijelesa nakulemesa. Co vanapande kukusha vuzalo vwavo 11ngeci valivwaesele litangwa lya indele. Co a litangwa lije vene, yange Kalunga njikashulukila akamwa ya Munkinda wa Sinai, kuje vanu voshe vakanjimona. 12Twa nginga yakuzengeleka ku munkinda ngeci vanu kesi vakajombokemo, co valeke kesi vakalamate ku munkinda nameme kushwenya kuyehi nawo. Nga munu akalyatao, co vakamutsiya, 13#VaHe 12:18-20 ikeye vanapande kumwasha mamanya nambe kumwasha mikili, oloni kesi kukale umo amukwata. Eci cikakala kuli voshe vanu na tusitu, vanapande kuvatsiya. Omo lupembo lunembi, asinoni vanu vakashwenya ku munkinda.”
14Asinoni Mosesa washelumukile ku munkinda, co walekele vanu ngeci valivwaesele cimweja mukulemesa, co vanu vakushile vuzalo vwavo, 15co Mosesa wendekele kuli vakevo ngwendi, “Livwaeseleni cimweja ku litangwa lya indele, umo kesi akalimone na munakazi a simbu eyi.”
16A mutondo wa litangwa lyamucitatu kwakele cililimo na mihyato, lishelwa lya kuhima lyasholokele a munkinda, na lijwi lyakama lya lupembo valizivile, ngeci vanu voshe mu cilombo vajajele na lyova. 17Co Mosesa watwamenenene vanu kuvatundisa mu cilombo ngeci vakaliwane na Njambi, vakwimanene kwisi ya munkinda. 18#Kuj 4:5; Kwi 4:11-12 Co vwisi vwafwikile Munkinda woshe wa Sinai, omwo Shukulu Kalunga washulukilileo mu tuhya. Co vwisi vwatundileo vwafwile ngwe vwisi vwa mu lutengo lwakama, vanu voshe valijajelele manene. 19Co omo cikumo ca lupembo catuvakanene manene kutenda nakutendangana, asinoni Mosesa wendekele, co Njambi wamukumbulwile mu cililimo. 20Ngecivene, Shukulu Kalunga washulukilile akamwa ya Munkinda wa Sinai, wasanene Mosesa akamwa ya munkinda. Mosesa walamateleo, 21co Shukulu Kalunga wendekele kuli ikeye ngwendi, “Shelumuka asi unangule vanu kesi vajomboke cipalo ca nginga ngeci vaije nakunjimona embwe, nga valingamo, co vungi vwavo vakatsa. 22Nameme vaka-kukombelela ava vaija kuyehi nange, vanapande kulijelesa vakevo vavenya kutewa njikavahisa.”
23Co Mosesa wendekele kuli Shukulu Kalunga ngwendi, “Vanu kuvasa kulamata kuno ku munkinda, omwo yove watushikile ngwove mukatwa nginga yakuzengulwisa munkinda nakuujelesa.”
24Co Shukulu Kalunga wamukumbulwile ngwendi, “Shelumuka asi ukeje na Alone kuno. Oloni vaka-kukombelela na vanu kuvapandele kujomboka nginga nakulamata kuno kuli yange embwe, kutewa njikavahisa.” 25Co Mosesa washelumukilile kuli vanu, co wavalekele vije vyendekele Shukulu Kalunga.
Currently Selected:
Kutuuka 19: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Kutuuka 19
19
VaIsalele ku Munkinda wa Sinai
1A litangwa lyakulivanga ku ngonde yamucitatu omo vaIsalele vanatundu laja mu Ingito, co vetele ku Mambo ya Sinai. 2Omo vatundile ku Lefindime, vetele ku Mambo ya Sinai, kuje vatungilile cilombo kwisi ya Munkinda wa Sinai. 3Co Mosesa walamatele a munkinda nakuliwana na Njambi.
Shukulu Kalunga wamusanene oku ali a munkinda wamulekele akendeke kuli vaIsalele, vatekulwila va Yakomba ngwendi, 4“Yeni mwamwene vije vinjalingile yange Kalunga kuli vaka-Ingito, na muje njamyambatele ngwe mwakambata ngonga vana vendi vavandondo a mambava endi, nakuminena kuli yange vavenya. 5Ololo, nga munjononoka nakunyunga cikumiiyo cange, mukapwa vanu vange vavenya. Nameme asi oshe apwa ange, oloni yeni mukapwa vanu vange vakwanguka, 6#Kwi 4:20; 14:2; 26:18; Tit 2:14; 1 Pet 2:9; Kuj 1:6; 5:10 vanu vaje vakundama kuli yange vavenya, co yeni mukapwa vaka-kukombelela, muyati wakujela wakwanguka. Awa akewo majwi ukendeka kuli vanu va Isalele.” 7Co Mosesa washelumukile ku munkinda, wasanene vantwama va vanu va Isalele amolika. Wavalekele vyuma vyoshe vije vyamushikile Shukulu Kalunga. 8Co vanu voshe vakumbulwile ngwavo, “Tukalinga vyuma vyoshe vije vyanendeka Shukulu Kalunga.” Co Mosesa wambulwile vyuma evi kuli Shukulu Kalunga.
9Shukulu Kalunga wendekele kuli Mosesa ngwendi, “Njikaija kuli yove mu lishelwa lya kuhima, co vanu vakanjiziva omo njikendeka nove, co vakakukulaela kutunda ku lelo nakutwala ku simbu yoshe.”
Mosesa walekele Shukulu Kalunga vije vivakumbulwile vanu, 10co Shukulu Kalunga wendekele kuli ikeye ngwendi, “Ya kuli vanu ukavaleke ngeci valivwaese lelo na imene. Vanapande kulijelesa nakulemesa. Co vanapande kukusha vuzalo vwavo 11ngeci valivwaesele litangwa lya indele. Co a litangwa lije vene, yange Kalunga njikashulukila akamwa ya Munkinda wa Sinai, kuje vanu voshe vakanjimona. 12Twa nginga yakuzengeleka ku munkinda ngeci vanu kesi vakajombokemo, co valeke kesi vakalamate ku munkinda nameme kushwenya kuyehi nawo. Nga munu akalyatao, co vakamutsiya, 13#VaHe 12:18-20 ikeye vanapande kumwasha mamanya nambe kumwasha mikili, oloni kesi kukale umo amukwata. Eci cikakala kuli voshe vanu na tusitu, vanapande kuvatsiya. Omo lupembo lunembi, asinoni vanu vakashwenya ku munkinda.”
14Asinoni Mosesa washelumukile ku munkinda, co walekele vanu ngeci valivwaesele cimweja mukulemesa, co vanu vakushile vuzalo vwavo, 15co Mosesa wendekele kuli vakevo ngwendi, “Livwaeseleni cimweja ku litangwa lya indele, umo kesi akalimone na munakazi a simbu eyi.”
16A mutondo wa litangwa lyamucitatu kwakele cililimo na mihyato, lishelwa lya kuhima lyasholokele a munkinda, na lijwi lyakama lya lupembo valizivile, ngeci vanu voshe mu cilombo vajajele na lyova. 17Co Mosesa watwamenenene vanu kuvatundisa mu cilombo ngeci vakaliwane na Njambi, vakwimanene kwisi ya munkinda. 18#Kuj 4:5; Kwi 4:11-12 Co vwisi vwafwikile Munkinda woshe wa Sinai, omwo Shukulu Kalunga washulukilileo mu tuhya. Co vwisi vwatundileo vwafwile ngwe vwisi vwa mu lutengo lwakama, vanu voshe valijajelele manene. 19Co omo cikumo ca lupembo catuvakanene manene kutenda nakutendangana, asinoni Mosesa wendekele, co Njambi wamukumbulwile mu cililimo. 20Ngecivene, Shukulu Kalunga washulukilile akamwa ya Munkinda wa Sinai, wasanene Mosesa akamwa ya munkinda. Mosesa walamateleo, 21co Shukulu Kalunga wendekele kuli ikeye ngwendi, “Shelumuka asi unangule vanu kesi vajomboke cipalo ca nginga ngeci vaije nakunjimona embwe, nga valingamo, co vungi vwavo vakatsa. 22Nameme vaka-kukombelela ava vaija kuyehi nange, vanapande kulijelesa vakevo vavenya kutewa njikavahisa.”
23Co Mosesa wendekele kuli Shukulu Kalunga ngwendi, “Vanu kuvasa kulamata kuno ku munkinda, omwo yove watushikile ngwove mukatwa nginga yakuzengulwisa munkinda nakuujelesa.”
24Co Shukulu Kalunga wamukumbulwile ngwendi, “Shelumuka asi ukeje na Alone kuno. Oloni vaka-kukombelela na vanu kuvapandele kujomboka nginga nakulamata kuno kuli yange embwe, kutewa njikavahisa.” 25Co Mosesa washelumukilile kuli vanu, co wavalekele vije vyendekele Shukulu Kalunga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006