Kutuuka 18
18
Yetolo asikamesa Mosesa
1Yetolo ishemweno ya Mosesa, wapwile muka-kukombelela wa ku Mindyani, wazivile vyuma vyoshe vije Njambi vyalingile kuli Mosesa na kuli vanu va Isalele omo wavatundisile mu Ingito. 2Ngecivene, Yetolo waile kuli Mosesa, wamutwalelele munakazi wendi Zipola uje yamusezelele, 3#Kut 2:21-22; Vil 7:29 amo na vana vendi vavali va vanalume, umo lizina lyendi Ngeleshome (omwo Mosesa wendekele ngwendi, “Yange nji muka-kwija mu lifuti lya vungenzi,”) 4co mukwavo lalo wamulukile lizina lyendi Elyezele (omwo Mosesa wendekele ngwendi, “Njambi ya tate wanjikwasele nakunjamena akushaka kunjitsiya kuli mwene wa Ingito.”) 5Co Yetolo ishemweno ya Mosesa wezile amo na munakazi wa Mosesa na vana vendi vavali mu mambo muje Mosesa watungile cilombo ku munkinda wa Njambi. 6Co watumine lijwi kuli Mosesa ngwendi, “Yange ishomweno Yetolo njilinakwija, na munakazi wove, na vana vove vavali.” 7Ngecivene, Mosesa wavasheshele, co waliwanene navo, watsikamene kulutwe lwendi, wamutsembele. Asinoni valihozwele viindu vyavo, co vakovelele mu mbalaka ya Mosesa. 8Asinoni Mosesa walekele Yetolo vyuma vyoshe vije vyalingile Shukulu Kalunga kuli mwene na kuli vanu va ku Ingito omo wovwele vaIsalele. Co wamulekele lalo naa vukalu vawanene a ngila, nomwo mwavamenene Shukulu Kalunga. 9Omo Yetolo wazivile vyoshe evi, co wavwaelelele omwo a vyuma vyoshe vyavivwa vije vyalingile Shukulu Kalunga kuli vaIsalele akuvamena ku mavoko a vaka-Ingito. 10Co wendekele ngwendi, “Shangazaleni Shukulu Kalunga, uje wamyamenene kuli mwene na kuli vanu va mu Ingito! Shangazaleni Shukulu Kalunga, uje wamenene vanu vendi ku vunzinda! 11Ololo njazivuka ngwange Shukulu Kalunga wapwa wakama manene kuhyana vinjambi voshe, omwo ikeye walingile eci omo vaka-Ingito vapangesele mwamuvi vaIsalele na cizindo cakufwa ngacije.” 12Asinoni Yetolo ishemweno ya Mosesa walambwile mulambu wa kwenyeka woshe wamutunu kuli Njambi amo na vin̄ombelo vikwavo. Asinoni Alone na vantwama voshe va Isalele valile amo nendi vyakulya vyakujela ku mesho a Njambi.
Kwangula maako
(Kwi 1:9-18)
13Alikaki Mosesa wakele nakusompa milonga akati ka vanu, co wongamene manene kutunda ku mutondo nakweta ku vutsiki. 14Omo Yetolo wamwene vyuma vyoshe vije vyalingile Mosesa, co wamwihwile ngwendi, “Evi vyoshe ulinakulinga kuli vanu vinapu vikajo? Omwo vikajo ulinakulinga evi ove lika, vanu valinakwimana kuno kutunda ku mutondo nakweta ku vutsiki mukukwihula lika?”
15Mosesa wamukumbulwile ngwendi, “Njinapande kulinga eci omwo vanu valinakwija kuli yange nakunjihula cizango ca Njambi. 16Omo vanu vavali vali na vin̄anda, co vaija kuli yange ngeci njiwane iya umo akati kavo ali na mulonga nambe uje navwaesa, co njivaleka kushika kwa Njambi na mashiko endi.”
17Asinoni Yetolo wendekele ngwendi, “Eci kuwesi nakucilinga mu ngila yaivwa. 18Ulinakulijukisa yove vavenya, na vanu ava lalo valinakujuka. Eci cinapu cipangi cakama kucilinga ove lika. 19Ngecivene, njitolilile njikunangule mwamuvwa, Njambi akakala amo nove. Mwamuvwa kuli yove kwimanena vanu kuli Njambi nakunena milonga yavo kuli ikeye. 20Co yove unapande kuvalongesa kushika kwa Njambi nakuvalongesa ngila ije ivanapande kwendelamo, na vipangi vije vivanapande kupanga. 21Oloni unapande kwangula vanalume vamo vakunyanyama uvemike vapwe vantwama va vanu, vantwama va makulukazi, na ava va viita, na ava va makumi atanu, na ava va likumi. Vakevo vanapande kupwa vanalume vakukomoka Njambi, va vushunga, vaka-kuzinda lizika-kanwa. 22Vakevo vapwe maako va vanu simbu yoshe. Co vakevo vakanene lika vin̄anda vije vyavikalu kuli yove, oloni vakevo vasa kushungamesa vin̄anda vyoshe vije vyavindondo. Eci cikapwa cacasi kuli yove, nga vakevo valipangela citele cove. 23Co nga yove ulinga eci, ngwe kushika kwa Njambi, co kuukajuka, vanu voshe ava vasa kuya ku vinjuvo vyavo, omwo vin̄anda vyavo vinahu.”
24Co Mosesa wanyungile kunangula kwa ishemweno Yetolo. 25Waangwile vanalume vakunyanyama akati ka vaIsalele voshe. Co wavapwisile vantwama va makulukazi, na ava va viita, na ava va makumi atanu, na ava va likumi. 26Vapwile maako va vanu simbu yoshe, co vanenele lika vin̄anda vyavikalu kuli Mosesa, oloni vakevo vasompele lika vin̄anda vyavindondo akati kavo.
27Asinoni Mosesa walisalesele na ishemweno Yetolo, co Yetolo welukile kwimbo lyavo.
Currently Selected:
Kutuuka 18: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Kutuuka 18
18
Yetolo asikamesa Mosesa
1Yetolo ishemweno ya Mosesa, wapwile muka-kukombelela wa ku Mindyani, wazivile vyuma vyoshe vije Njambi vyalingile kuli Mosesa na kuli vanu va Isalele omo wavatundisile mu Ingito. 2Ngecivene, Yetolo waile kuli Mosesa, wamutwalelele munakazi wendi Zipola uje yamusezelele, 3#Kut 2:21-22; Vil 7:29 amo na vana vendi vavali va vanalume, umo lizina lyendi Ngeleshome (omwo Mosesa wendekele ngwendi, “Yange nji muka-kwija mu lifuti lya vungenzi,”) 4co mukwavo lalo wamulukile lizina lyendi Elyezele (omwo Mosesa wendekele ngwendi, “Njambi ya tate wanjikwasele nakunjamena akushaka kunjitsiya kuli mwene wa Ingito.”) 5Co Yetolo ishemweno ya Mosesa wezile amo na munakazi wa Mosesa na vana vendi vavali mu mambo muje Mosesa watungile cilombo ku munkinda wa Njambi. 6Co watumine lijwi kuli Mosesa ngwendi, “Yange ishomweno Yetolo njilinakwija, na munakazi wove, na vana vove vavali.” 7Ngecivene, Mosesa wavasheshele, co waliwanene navo, watsikamene kulutwe lwendi, wamutsembele. Asinoni valihozwele viindu vyavo, co vakovelele mu mbalaka ya Mosesa. 8Asinoni Mosesa walekele Yetolo vyuma vyoshe vije vyalingile Shukulu Kalunga kuli mwene na kuli vanu va ku Ingito omo wovwele vaIsalele. Co wamulekele lalo naa vukalu vawanene a ngila, nomwo mwavamenene Shukulu Kalunga. 9Omo Yetolo wazivile vyoshe evi, co wavwaelelele omwo a vyuma vyoshe vyavivwa vije vyalingile Shukulu Kalunga kuli vaIsalele akuvamena ku mavoko a vaka-Ingito. 10Co wendekele ngwendi, “Shangazaleni Shukulu Kalunga, uje wamyamenene kuli mwene na kuli vanu va mu Ingito! Shangazaleni Shukulu Kalunga, uje wamenene vanu vendi ku vunzinda! 11Ololo njazivuka ngwange Shukulu Kalunga wapwa wakama manene kuhyana vinjambi voshe, omwo ikeye walingile eci omo vaka-Ingito vapangesele mwamuvi vaIsalele na cizindo cakufwa ngacije.” 12Asinoni Yetolo ishemweno ya Mosesa walambwile mulambu wa kwenyeka woshe wamutunu kuli Njambi amo na vin̄ombelo vikwavo. Asinoni Alone na vantwama voshe va Isalele valile amo nendi vyakulya vyakujela ku mesho a Njambi.
Kwangula maako
(Kwi 1:9-18)
13Alikaki Mosesa wakele nakusompa milonga akati ka vanu, co wongamene manene kutunda ku mutondo nakweta ku vutsiki. 14Omo Yetolo wamwene vyuma vyoshe vije vyalingile Mosesa, co wamwihwile ngwendi, “Evi vyoshe ulinakulinga kuli vanu vinapu vikajo? Omwo vikajo ulinakulinga evi ove lika, vanu valinakwimana kuno kutunda ku mutondo nakweta ku vutsiki mukukwihula lika?”
15Mosesa wamukumbulwile ngwendi, “Njinapande kulinga eci omwo vanu valinakwija kuli yange nakunjihula cizango ca Njambi. 16Omo vanu vavali vali na vin̄anda, co vaija kuli yange ngeci njiwane iya umo akati kavo ali na mulonga nambe uje navwaesa, co njivaleka kushika kwa Njambi na mashiko endi.”
17Asinoni Yetolo wendekele ngwendi, “Eci kuwesi nakucilinga mu ngila yaivwa. 18Ulinakulijukisa yove vavenya, na vanu ava lalo valinakujuka. Eci cinapu cipangi cakama kucilinga ove lika. 19Ngecivene, njitolilile njikunangule mwamuvwa, Njambi akakala amo nove. Mwamuvwa kuli yove kwimanena vanu kuli Njambi nakunena milonga yavo kuli ikeye. 20Co yove unapande kuvalongesa kushika kwa Njambi nakuvalongesa ngila ije ivanapande kwendelamo, na vipangi vije vivanapande kupanga. 21Oloni unapande kwangula vanalume vamo vakunyanyama uvemike vapwe vantwama va vanu, vantwama va makulukazi, na ava va viita, na ava va makumi atanu, na ava va likumi. Vakevo vanapande kupwa vanalume vakukomoka Njambi, va vushunga, vaka-kuzinda lizika-kanwa. 22Vakevo vapwe maako va vanu simbu yoshe. Co vakevo vakanene lika vin̄anda vije vyavikalu kuli yove, oloni vakevo vasa kushungamesa vin̄anda vyoshe vije vyavindondo. Eci cikapwa cacasi kuli yove, nga vakevo valipangela citele cove. 23Co nga yove ulinga eci, ngwe kushika kwa Njambi, co kuukajuka, vanu voshe ava vasa kuya ku vinjuvo vyavo, omwo vin̄anda vyavo vinahu.”
24Co Mosesa wanyungile kunangula kwa ishemweno Yetolo. 25Waangwile vanalume vakunyanyama akati ka vaIsalele voshe. Co wavapwisile vantwama va makulukazi, na ava va viita, na ava va makumi atanu, na ava va likumi. 26Vapwile maako va vanu simbu yoshe, co vanenele lika vin̄anda vyavikalu kuli Mosesa, oloni vakevo vasompele lika vin̄anda vyavindondo akati kavo.
27Asinoni Mosesa walisalesele na ishemweno Yetolo, co Yetolo welukile kwimbo lyavo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006