Kutuuka 11
11
Mosesa ambulula kutsa kwa va ntwatwa
1Asinoni Shukulu Kalunga wendekele kuli Mosesa ngwendi, “Kunasala cihiso cimolika kuli mwene wa Ingito na vanu vendi. Co munima ya cihiso eci asinoni akamyecela muye. Mwa vushunga vene, akamishekamo yeni voshe. 2Endeka kuli vanu va Isalele, valeke voshe ngeci vakalombe kuli vandambo vavo vaka-Ingito vyakuzala vya senga vya ngolinde na siliva.” 3Co Shukulu Kalunga walingisile vaka-Ingito kusingimika vaIsalele. Mwa vushunga, vamyata va mwene na vanu voshe va mu Ingito vayongwele Mosesa kupwa munu wakama mu lifuti lya Ingito mwoshe.
4Ngecivene, Mosesa wendekele kuli mwene ngwendi, “Shukulu Kalunga nendeka ngwendi, ‘Mukati ka vutsiki njikaita mu Ingito, 5co vana va va ntwatwa voshe va vanalume va mu Ingito vakatsa, kushangumukila ali muna mwene, uje akashwana a litanda, kukamanesela kuli muna ndungo wa ntwatwa, uje akatu tiliku. Co na vana va vimuna voshe va nkomba vakulivanga kusemuka vakatsa lalo. 6Co kukakala kulila mbimbi-mitwe mu Ingito mwoshe, kuje kukwakeleko akulivanga nameme kucikakalako lalo kulutwe embwe. 7Oloni kukukakala katali akavwoza ali vaIsalele nameme a vimuna vavo. Asinoni mukazivuka ngweni yange Kalunga, njinaangununa akati ka vaka-Ingito na vaIsalele.’ ” 8Mosesa wendekele lalo ngwendi, “Vamyata vove voshe vakaija kuli yange nakunjitsikamena, co vakanjilomba ngeci njiye na vanu vange voshe. Co munima yevi, njikaya.” Asinoni Mosesa waluvalele manene, co watundile kuli mwene.
9Co Shukulu Kalunga walekele Mosesa ngwendi, “Mwene akavyana kumitolilila, ngeci vikomokeso vyange vitume mu Ingito.” 10Mosesa na Alone valingile vikomokeso vyoshe evi ku mesho a mwene, oloni Shukulu Kalunga wakaluwisile manene mbunge ya mwene, co katavele kweca vaIsalele vatunde mu lifuti lyendi.
Currently Selected:
Kutuuka 11: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
