Kwituluka mu Mashiko 6
6
Lishiko lyakama
1“Awa akewo mashiko aje Shukulu Kalunga Njambi yeni wanjishikile kumilongesawo. Munapande kuwononoka mu lifuti lije limukakovela nakulishwana. 2Ngeci mukasingimike Shukulu Kalunga Njambi yeni, yeni na vana veni, na vatekulwila veni nakwononoka mashiko endi oshe awa njilinakumishikawo, ngeci mukayoye simbu yakama mu lifuti lije mulinakuya. 3Ngecivene, tolilileni, yeni vanu va Isalele, ononokeni nakuwanyunga mwamuvwa. Co mukatuma manene ngwe muje Shukulu Kalunga Njambi ya vakukulwila veni mwamikulaesele mu lifuti lije lyalivwa nevi vyakujenekamo vyai.#6:3 LIFUTI...VYAKUJENEKAMO VYAI: Mu ciHevelu ngwavo, lifuti lyakushula vuki na mavele.
4 #
Mak 12:29
“Tolilileni yeni vaIsalele! Shukulu Kalunga ikeye lika Shukulu Kalunga Njambi yetu. 5#Mat 22:37; Mak 12:30; Luk 10:27 Zemeni Shukulu Kalunga Njambi yeni na vimbunge vyeni vyoshe, na mwonyo weni woshe, na nzili yeni yoshe. 6Kesi mwivale mashiko awa njilinakumyana ku litangwa lya lelo. 7Alongeseni kuli vana veni nakuwasimutwiya omo muli mu vinjuvo vyeni, nambe mulinakwenda mu ngila, nambe simbu ya kulala, nambe omo mupanga. 8Akutiiyeni a mavoko eni kupwa canukiso, nakuwazala a maholo eni. 9#Kwi 11:18-20 Asonekeni a vipamba vya a vikolo vya vinjuvo vyeni na a mapito eni.
Mosesa avanangula a kwononoka
10 #
Kus 12:7; 26:3; 28:13 “Omo Shukulu Kalunga Njambi yeni akamikovelesa mu lifuti lije walikulaesele kulyana vakukulwila veni va Avilahama, na Isake, na Yakomba, co ikeye akamyana lifuti lije lili na vinganda vyakama vyavivwa vije yeni kumwatungile. 11Co mukakala na vinjuvo vyakushula na vyuma vyavivwa vije yeni kumwakele navyo. Mukakala na masima aje yeni kumwawendile, na vitungu vya mikolovozi ya vushuka vwa vinyu na miti ya olive vije yeni kumwavikunine. Omo Shukulu Kalunga akamikovelesa mu lifuti eli, mukakala na vyoshe vije mukashaka kulya. 12Ngecivene, nyanyameni kutewa mukevale Shukulu Kalunga uje wamitundisile mu Ingito kuje yeni mwapwile mu vindungo. 13#Mat 4:10; Luk 4:8 Mukasingimika Shukulu Kalunga Njambi yeni, nakupangela ikeye lika, nakulisinga a lizina lyendi lika. 14Kesi mukalemese vinjambi veka lalo embwe, nambe vinjambi va miyati ya vaje vakamizengeleka. 15Kesi mukalemese vinjambi veka, kutewa mukashambeya vukalu vwa Shukulu Kalunga Njambi yeni, omwo Shukulu Kalunga Njambi yeni, ou ali akati keni, ikeye Njambi wa lifuwa, co akaminyongesa njwa.
16 #
Kut 17:1-7; Mat 4:7; Luk 4:12 “Kesi mukeseke Shukulu Kalunga Njambi yeni, ngwe muje mumwamwesekele ku Masa. 17Mukakolesa kunyunga mashiko a Shukulu Kalunga Njambi yeni, na vukaleo vwendi, na vizilika vyendi vije namishiki. 18Ngecivene, mukalinge vyakushungama na vyavivwa vije Shukulu Kalunga wamishikile kuvilinga, ngeci mukakale mwamuvwa. Co mukakovela nakushwana lifuti lyalivwa lije Shukulu Kalunga walikulaesele kulyana kuli vakukulwila veni, 19nakushekamo vitozi veni voshe, ngwe mwamikulaesele Shukulu Kalunga.
20“Omo vana veni vakamihula ku visimbu vikaija kulutwe ngwavo, ‘Vukaleo, na mashiko, na vilongesa vije vyashikile Shukulu Kalunga Njambi yetu vyanunguluka vati?’ 21Co mukavaleka ngweni, ‘Omwo twapwile tu vindungo kuli mwene wa Ingito, co Shukulu Kalunga watutundisile mu Ingito na livoko lyendi lya nzili. 22Shukulu Kalunga washolwele vizivukiso na vikomokeso vyakama vyakukaluwa a Ingito, na ali mwene wa Ingito na ali vamyata vendi voshe. 23Ikeye watutundisile kuje ngeci akutukovelese muno nakutwana lifuti lino, lije wakulaesele kulyana kuli vakukulwila vetu. 24Ngecivene, Shukulu Kalunga Njambi yetu watushikile kwononoka mashiko oshe awa nakumusingimika, ngeci tukakale mwamuvwa matangwa oshe a kulutwe, co akatunyunge mukuyoya kwetu kwoshe. 25Nga tupwa va kulongwa mukwononoka mashiko oshe awa anatushiki Shukulu Kalunga Njambi yetu, co cikapwa cakushungama kuli yetu.’
Currently Selected:
Kwituluka mu Mashiko 6: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
