Kwituluka mu Mashiko 34
34
Kutsa kwa Mosesa
1Mosesa watundile mu vyana vya Mowavi walamatele ku Munkinda wa Nembo, akamwa ya Munkinda wa Pisenga mu ngangela ya Yeliko. Co kuje vene Shukulu Kalunga wamumwesele lifuti lyoshe lya Ngilyande kweta na ku kunto ya nganda ya Ndani, 2wamumwesele lalo lifuti lyoshe lya Nafetali, na lifuti lya Efalime, na Manase, na lifuti lyoshe lya Yunda kweta mu kangombe ka yambi ku Lishali lya Menditelenyani. 3Asinoni wamumwesele mutambela wa Yunda wa ku mbwela, na cana cakutunda ku Zowale nakweta ku Yeliko, ikeyo nganda ya miti ya mashakaVaLe 4#Kus 12:7; 26:3; 28:13 Asinoni Shukulu Kalunga wendekele kuli Mosesa ngwendi, “Eli likelyo lifuti lije njalikulaesele Avilahama, na Isake, na Yakomba ngwange njikalyana kuli vatekulwila veni. Co njakumwesalyo na mesho lika, oloni kuukakovelamo embwe.”
5Ngecivene, Mosesa, ngamba ya Shukulu Kalunga, watsililile kuje ku lifuti lya Mowavi, ngwe vene muje mwendekele Shukulu Kalunga. 6Co Shukulu Kalunga wamutsindile ku cimbongo ca Mowavi, calishungama na nganda ya Mbetepeole, oloni naumo wai wazivukile mbumbo yendi kweta ku litangwa lya lelo. 7Mosesa wakele na myaka 120 omo watsile, oloni anga wakele na nzili mu muvila wendi, na mesho endi lalo kuwatsitsivalele. 8Co vanu va Isalele vamulilile matangwa makumi atatu mu vyana vya Mowavi.
9Ngecivene, Yoshwa muna Nune washulile na mana a Munzinzime wa Njambi, omwo Mosesa wamukambekele mavoko nakwinga mu mwela wendi. Co vanu va Isalele vononokele Yoshwa nakunyunga mashiko aje aanene Shukulu Kalunga kuli Mosesa.
10 #
Kut 33:11
Co tunde aje kukwakele lalo muka-kwimanena weka mu Isalele wakulifwa ngwe Mosesa wai, omwo Shukulu Kalunga wendekele kuli ikeye mesho na mesho. 11Kukwakele muka-kwimanena weka lalo walingile vizivukiso na vikomokeso vyakulifwa na vije vyatumine Shukulu Kalunga kuli Mosesa ngeci avilinge ku mesho a mwene wa Ingito, na vamyata vendi, na mu lifuti lyendi lyoshe. 12Co kukwakele lalo muka-kwimanena wasele kulinga vyuma vyakama vyakukomokesa ngwe vije vyalingile Mosesa ku mesho a Isalele yoshe.
Currently Selected:
Kwituluka mu Mashiko 34: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
