Ndanyele 12
12
Simbu yakukotoka
1 #
Mat 24:21; Mak 13:19; Kuj 7:14; 12:7 Kangelo uje wazalele vuzalo vwa linyu wendekele ngwendi, “A simbu ije kangelo Mingeli, uje muka-kunyunga vanu vove akasholoka. Asinoni kukakala simbu ya tuyando, tuyando twakama manene tuje kutwakeleko tunde aje vatangelele kaye. Omo simbu ije iketa, vanu voshe va ku muyati wove vaje mazina avo vanawasoneka mu livulu lya Njambi vakovoka. 2#Isa 26:19; Mat 25:46; Yow 5:29 Co vungi vwa vaje vatsile laja vakakala lalo na mwonyo. Vamo akati kavo vakakala na mwonyo ku myaka yoshe, co vakwavo vakakala na shwamwa yakama ku myaka yoshe. 3Co vaje vantwama va mana vakavyazima na ceke ca lilu. Co vaje valongesele vanu vavangi kulinga vya vushunga vakavyazima ku myaka yoshe ngwe vingongonosi.”
4 #
Kuj 22:10
Co wendekele kuli yange ngwendi, “Ololo, Ndanyele zenga lipapelo nakwakao cisateso noo simbu ya kaye ikahwa. A simbu ije, vanu vavangi vakaya noku-noku mukweseka kuzivisisa vije vilinakulingiwa.”
5Asinoni njamwene vanu vavali vanemana ku ndonga, umo ku ngenge ya ndonga sambwa lino, mukwavo ku ngenge ya ndonga sambwa lije. 6Co umo wendekele kuli uje wazalele vuzalo vwa linyu, uje wakele sambwa lije lya ndonga ngwendi, “Kukaita simbu ingaijo ngeci vikomokeso evi vikahwe?”
7 #
Kuj 10:5; 12:14 Co uje munalume wazalele vuzalo vwa linyu wolwele mavoko endi oshe mwilu nakulisinga mu lizina lya Njambi wa Myaka Yoshe. Co njamuzivile endeka ngwendi, “Kukaita myaka itatu na vingonde vitanu na imo. Omo tuyando twa vanu va Njambi tukahwa, co vyuma vyoshe evi vinalingiwa laja.”
8Njazivile vije vyendekele, oloni kunjavizivisisile. Ngeci njehwile ngwange, “Mwane, vatijo vikahwa vyoshe?”
9Co wanjikumbulwile ngwendi, “Ndanyele, ololo wasa kuya, omwo majwi awa unapande kuwanyunga nakuwashweka mu mbunge yove noo akukotoka. 10#Kuj 22:11 Vanu vavangi vakavajelesa. Oloni vaje vaka-kupenga-penga kuvakazivisisa vyuma evi, anga vakalinga vene vuvi, kuvanga lika vaje vali na mana vakevo vakazivisisa.
11 #
Ndan 9:27; 11:31; Mat 24:15; Mak 13:14 “Kutunda a simbu ije vakavindika kukombelela kwa a litangwa na litangwa, eci cinapu kutunda a simbu ije ya Cimweso ca Vunyengwe,#12:11 CIMWESO CA VUNYENGWE: Kenga 9:27. kukaita matangwa akupwa 1,290. 12Vanavezika vaje vanakulaela noo matangwa akupwa 1,335 anahu. 13Co yove Ndanyele, kulaela na kumamaneselelo. Asinoni ukatsa, oloni ukasanguka ngeci ukatambule cikandelela cove a simbu yakukotoka kwa kaye.”
The Bible in Mbunda ©The Bible Society of Zambia, 2006