Amose 7
7
Cimona ca vimbimba mikumbi
1Njamwene cimona cakutunda kuli Shukulu Kalunga wa Akamwa ya Vyoshe. Co mu cimona cije njamwene Shukulu Kalunga atanga njame ya vimbimba mikumbi te vanateje laja vimbuto vya mwene, co vimbuto vikwavo vyashangumukile kujovelela lalo. 2Mu cimona cange njamwene vimbimba valya vimena vyoshe mu lifuti, co njendekele ngwange, “Shukulu Kalunga wa Akamwa ya Vyoshe sambesa vanu vove! Vatijo vayoya? Omwo vakevo vapwa vavandondo, vakuzeya!”
3Co Shukulu Kalunga watengulwile viyongola vyendi, co wendekele ngwendi, “Evi viwunamono kuvikalingiwa.”
Cimona ca tuhya
4Njamwene cimona cikwavo lalo cakutunda kuli Shukulu Kalunga wa Akamwa ya Vyoshe. Mu cimona cije njamumwene alivwaesela kunyanyamesa vanu vendi na cihiso ca tuhya. Co tuhya twenyekele nzinga yakama ya mema a kalunga, co twashangumukile kwenyeka lifuti. 5Asinoni njendekele ngwange, “Likele, Shukulu Kalunga wa Akamwa ya Vyoshe! Vatijo vanu vove vasa kuyoya? Omwo vakevo vapwa vavandondo, vakuzeya!”
6Co Shukulu Kalunga watengulwile viyongola vyendi, co wendekele ngwendi, “Evi kuvikalingiwa lalo embwe.”
Cimona ca mukole wakusetekesa vinjuvo
7Njamwene cimona cikwavo lalo cakutunda kuli Shukulu Kalunga. Co mu cimona cije njamwene Shukulu Kalunga nemana kumukulo wa civumbe cije vatungisile na mukole wakusetekesa, co mu livoko lyendi mwakele mukole wakusetekesa vinjuvo. 8Co wanjihwile ngwendi, “Amose, vika unamono?”
Co njamukumbulwile ngwange, “Njamono mukole wakusetekesa. Asinoni wendekele kuli yange ngwendi, ‘Njilinakupangesa mukole ou mukukumwesa ngeci vanu vange vanapu ngwe civumbe cakwongomokela anja ya mukole. Co kunjikatengulula lalo viyongola vyange vyakuvanyanyamesa. 9Ku mitambela kuje kuvakalemesela vatekulwila va Isake vakainyongesa. Co myela yakujela ya Isalele ikasiwuka. Njikatsiya naanga ya Yelovowame na mukwale.’ ”
Amose na Amaziya
10Asinoni Amaziya, muka-kukombelela wa ku Mbetele, watumine majwi kuli Mwene Yelovowame wa mu Isalele ngwendi, “Amose nakulingila munga yakukulwisa akati ka vanu va Isalele. Co majwi endi asa kuviisa lifuti lyoshe. 11Amose alinakwendeka ngwendi, ‘Yelovowame akatsila mu nzita, co vanu va Isalele vakavatundisa mu lifuti lyavo nakuvatwala ku vunzinda.’ ”
12Asinoni Amaziya wendekele kuli Amose ngwendi, “Muka-kwimanena unapwisamo oni! Iluka ku Yunda ukapangeleko vipangi vyakwambulula. Vanapande kukufweta a vipangi evi. 13Kesi wambulwile lalo vuka-kwimanena kuno ku Mbetele embwe. Ou unapu mwela wa mwene wakulemesela, njuvo ya njambi yendi yakulemesela vanu voshe va mu lifuti.”
14Co Amose wakumbulwile ngwendi, “Yange kesi nji muka-kwimanena wakwambulwila fweto embwe. Yange nji kanyungi, nji muka-kunyunga miti ya mikuyu. 15Oloni Shukulu Kalunga ikeye wanjitundisile ku vipangi vyange vyakunyunga, co wanjishikile ngeci njambulule vuka-kwimanena kuli vanu vendi va mu Isalele. 16Ngecivene, ololo tolilila ku majwi a Shukulu Kalunga. Yove ngwove kesi njambulwile Isalele vuka-kwimanena, co lalo ngwove kesi njambulwile lijwi njuvo ya Isake. 17Ngecivene, yove Amaziya, Shukulu Kalunga nendeka kuli yove ngwendi, ‘Munakazi wove akapwa cikwizi wa mu vitapalo, co vana vove vakavatsiila mu nzita. Lifuti lyove vakalitepesa nakulyana kuli vanu veka, co yove ni ukatsila mu lifuti lya vaka-kujeneka kukulaela. Co vanu va mu Isalele vakavatundisa mu lifuti lyavo nakuvatwala ku vunzinda.’ ”
Currently Selected:
Amose 7: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Amose 7
7
Cimona ca vimbimba mikumbi
1Njamwene cimona cakutunda kuli Shukulu Kalunga wa Akamwa ya Vyoshe. Co mu cimona cije njamwene Shukulu Kalunga atanga njame ya vimbimba mikumbi te vanateje laja vimbuto vya mwene, co vimbuto vikwavo vyashangumukile kujovelela lalo. 2Mu cimona cange njamwene vimbimba valya vimena vyoshe mu lifuti, co njendekele ngwange, “Shukulu Kalunga wa Akamwa ya Vyoshe sambesa vanu vove! Vatijo vayoya? Omwo vakevo vapwa vavandondo, vakuzeya!”
3Co Shukulu Kalunga watengulwile viyongola vyendi, co wendekele ngwendi, “Evi viwunamono kuvikalingiwa.”
Cimona ca tuhya
4Njamwene cimona cikwavo lalo cakutunda kuli Shukulu Kalunga wa Akamwa ya Vyoshe. Mu cimona cije njamumwene alivwaesela kunyanyamesa vanu vendi na cihiso ca tuhya. Co tuhya twenyekele nzinga yakama ya mema a kalunga, co twashangumukile kwenyeka lifuti. 5Asinoni njendekele ngwange, “Likele, Shukulu Kalunga wa Akamwa ya Vyoshe! Vatijo vanu vove vasa kuyoya? Omwo vakevo vapwa vavandondo, vakuzeya!”
6Co Shukulu Kalunga watengulwile viyongola vyendi, co wendekele ngwendi, “Evi kuvikalingiwa lalo embwe.”
Cimona ca mukole wakusetekesa vinjuvo
7Njamwene cimona cikwavo lalo cakutunda kuli Shukulu Kalunga. Co mu cimona cije njamwene Shukulu Kalunga nemana kumukulo wa civumbe cije vatungisile na mukole wakusetekesa, co mu livoko lyendi mwakele mukole wakusetekesa vinjuvo. 8Co wanjihwile ngwendi, “Amose, vika unamono?”
Co njamukumbulwile ngwange, “Njamono mukole wakusetekesa. Asinoni wendekele kuli yange ngwendi, ‘Njilinakupangesa mukole ou mukukumwesa ngeci vanu vange vanapu ngwe civumbe cakwongomokela anja ya mukole. Co kunjikatengulula lalo viyongola vyange vyakuvanyanyamesa. 9Ku mitambela kuje kuvakalemesela vatekulwila va Isake vakainyongesa. Co myela yakujela ya Isalele ikasiwuka. Njikatsiya naanga ya Yelovowame na mukwale.’ ”
Amose na Amaziya
10Asinoni Amaziya, muka-kukombelela wa ku Mbetele, watumine majwi kuli Mwene Yelovowame wa mu Isalele ngwendi, “Amose nakulingila munga yakukulwisa akati ka vanu va Isalele. Co majwi endi asa kuviisa lifuti lyoshe. 11Amose alinakwendeka ngwendi, ‘Yelovowame akatsila mu nzita, co vanu va Isalele vakavatundisa mu lifuti lyavo nakuvatwala ku vunzinda.’ ”
12Asinoni Amaziya wendekele kuli Amose ngwendi, “Muka-kwimanena unapwisamo oni! Iluka ku Yunda ukapangeleko vipangi vyakwambulula. Vanapande kukufweta a vipangi evi. 13Kesi wambulwile lalo vuka-kwimanena kuno ku Mbetele embwe. Ou unapu mwela wa mwene wakulemesela, njuvo ya njambi yendi yakulemesela vanu voshe va mu lifuti.”
14Co Amose wakumbulwile ngwendi, “Yange kesi nji muka-kwimanena wakwambulwila fweto embwe. Yange nji kanyungi, nji muka-kunyunga miti ya mikuyu. 15Oloni Shukulu Kalunga ikeye wanjitundisile ku vipangi vyange vyakunyunga, co wanjishikile ngeci njambulule vuka-kwimanena kuli vanu vendi va mu Isalele. 16Ngecivene, ololo tolilila ku majwi a Shukulu Kalunga. Yove ngwove kesi njambulwile Isalele vuka-kwimanena, co lalo ngwove kesi njambulwile lijwi njuvo ya Isake. 17Ngecivene, yove Amaziya, Shukulu Kalunga nendeka kuli yove ngwendi, ‘Munakazi wove akapwa cikwizi wa mu vitapalo, co vana vove vakavatsiila mu nzita. Lifuti lyove vakalitepesa nakulyana kuli vanu veka, co yove ni ukatsila mu lifuti lya vaka-kujeneka kukulaela. Co vanu va mu Isalele vakavatundisa mu lifuti lyavo nakuvatwala ku vunzinda.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006