Amose 6
6
Kunyonga kwa Isalele
1Ngongo yeni mulinakukala mwamuvwa mu Siyone, neni munatumbama kuluu mu Samaliya, yeni vanu va vulemu vaka-muyati ou vene wakama wa Isalele, kuje vanu vakaija-ija ngeci vawane vukwasi kuli yeni! 2Yeni mukakenge ku nganda ya Kalene. Asinoni yeni lalo ku nganda yakama ya Hamate, co shelumukeni lalo ku nganda ya vaFilisitiya ku Ngate. Kuma vakevo vapwile va seo kutuvakana vumwene vwa Yunda na Isalele ndi? Kuma lifuti lyavo lyapwile lyakama kutuvakana lyeni ndi? 3Yeni mulinakuvyana ngweni litangwa lya tuyando kulikaija embwe, oloni vyuma mulinakulinga vilinakushwenyesa muyehi litangwa eli lya tuyando. 4Tuyando tweni yeni mulinakulala a malili akucakeya na mayo a vinjamba, co mulyolola a vulili vweni, mukali situ ya vana va vimanga vavavwa na situ yakununa ya vana va vingombe! 5Yeni mwashaka kutunga myaso, ngwe mwalingile Ndaviti, nakuyimba a tulyalya. 6Mukanwila vinyu mu vinganja vyakama, co mukavwava mazi akunika lwengo, oloni kumwesi kulinyenga akunyonga kwa Isalele. 7Ngecivene, mukapwa yeni vakulivanga kuya ku vunzinda. Co viwano vyeni na vyakulya vyeni vyavivwa vikahwa njwa.
8Shukulu Kalunga wa Akamwa ya Vyoshe Muka-nzili yoshe alinakunangula ngwendi, “Yange njazinda kulyalesa kwa vanu va Isalele, njiyengula vinjuvo vyavo vyakama. Co njikana nganda yavo yakama na vyuma vyoshe vilimo kuli vitozi vavo.”
9Nga ku naanga imo kukasala vanalume likumi, co voshe vakatsa. 10Asinoni kavushoko ka munu uje natsi akatuwisa civimbi ca mutsi mu njuvo, co akasana woshe uje nasala muje mu njuvo ngwendi, “Muli weka lalo omo mu njuvo ndi?”
Co akamukumbulula ngwendi, “Waimo!”
Ngecivene, uje kavushoko akendeka ngwendi, “Oloka kuluu! Tunapande kunyanyama kesi tutumbule lizina lya Shukulu Kalunga.”
11Omo Shukulu Kalunga akashika lishiko, co vinjuvo vyakama na vije vyavindondo vakavisiwula. 12Kuma tuvalu vakashatuka a mamanya ndi? Kuma vanu vakalimi a mema a kalunga na vingombe ndi? Ololo yeni munatengulula vushunga kuvupwisa vushungu, co munalingisa vuvwa kupwa kupenga-penga. 13Yeni mulinakulishasha akufunguluka kwa nganda ya Londembale. Mulishasha ngweni, “Twapwile tu vaka-nzili ngeci twafungulwile Kalenaime.”
14Shukulu Kalunga Njambi Muka-nzili yoshe ikeye vavenya alinakwendeka ngwendi, “Yeni vanu va mu Isalele, njikamitumina muyati ngeci vakukale mu lifuti lyeni. Vakamiyandesa kutunda ku Ngila ya Hamate ku kunto nakweta ku muna ndonga Alamba mu mbwela.”
Currently Selected:
Amose 6: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Amose 6
6
Kunyonga kwa Isalele
1Ngongo yeni mulinakukala mwamuvwa mu Siyone, neni munatumbama kuluu mu Samaliya, yeni vanu va vulemu vaka-muyati ou vene wakama wa Isalele, kuje vanu vakaija-ija ngeci vawane vukwasi kuli yeni! 2Yeni mukakenge ku nganda ya Kalene. Asinoni yeni lalo ku nganda yakama ya Hamate, co shelumukeni lalo ku nganda ya vaFilisitiya ku Ngate. Kuma vakevo vapwile va seo kutuvakana vumwene vwa Yunda na Isalele ndi? Kuma lifuti lyavo lyapwile lyakama kutuvakana lyeni ndi? 3Yeni mulinakuvyana ngweni litangwa lya tuyando kulikaija embwe, oloni vyuma mulinakulinga vilinakushwenyesa muyehi litangwa eli lya tuyando. 4Tuyando tweni yeni mulinakulala a malili akucakeya na mayo a vinjamba, co mulyolola a vulili vweni, mukali situ ya vana va vimanga vavavwa na situ yakununa ya vana va vingombe! 5Yeni mwashaka kutunga myaso, ngwe mwalingile Ndaviti, nakuyimba a tulyalya. 6Mukanwila vinyu mu vinganja vyakama, co mukavwava mazi akunika lwengo, oloni kumwesi kulinyenga akunyonga kwa Isalele. 7Ngecivene, mukapwa yeni vakulivanga kuya ku vunzinda. Co viwano vyeni na vyakulya vyeni vyavivwa vikahwa njwa.
8Shukulu Kalunga wa Akamwa ya Vyoshe Muka-nzili yoshe alinakunangula ngwendi, “Yange njazinda kulyalesa kwa vanu va Isalele, njiyengula vinjuvo vyavo vyakama. Co njikana nganda yavo yakama na vyuma vyoshe vilimo kuli vitozi vavo.”
9Nga ku naanga imo kukasala vanalume likumi, co voshe vakatsa. 10Asinoni kavushoko ka munu uje natsi akatuwisa civimbi ca mutsi mu njuvo, co akasana woshe uje nasala muje mu njuvo ngwendi, “Muli weka lalo omo mu njuvo ndi?”
Co akamukumbulula ngwendi, “Waimo!”
Ngecivene, uje kavushoko akendeka ngwendi, “Oloka kuluu! Tunapande kunyanyama kesi tutumbule lizina lya Shukulu Kalunga.”
11Omo Shukulu Kalunga akashika lishiko, co vinjuvo vyakama na vije vyavindondo vakavisiwula. 12Kuma tuvalu vakashatuka a mamanya ndi? Kuma vanu vakalimi a mema a kalunga na vingombe ndi? Ololo yeni munatengulula vushunga kuvupwisa vushungu, co munalingisa vuvwa kupwa kupenga-penga. 13Yeni mulinakulishasha akufunguluka kwa nganda ya Londembale. Mulishasha ngweni, “Twapwile tu vaka-nzili ngeci twafungulwile Kalenaime.”
14Shukulu Kalunga Njambi Muka-nzili yoshe ikeye vavenya alinakwendeka ngwendi, “Yeni vanu va mu Isalele, njikamitumina muyati ngeci vakukale mu lifuti lyeni. Vakamiyandesa kutunda ku Ngila ya Hamate ku kunto nakweta ku muna ndonga Alamba mu mbwela.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006