Amose 3
3
1Yeni vanu va Isalele, tolilileni majwi awa anendeka Shukulu Kalunga kuli yeni, muyati woshe vaje vaatundisile ku Ingito, 2“Ku miyati yoshe ya ano asi yeni lika vanjangwile nakuminyunga mwamuvwa. Evi vikevyo vyanenesa vivi vyeni kupwa vyakukomokesa, ngecivene, njikaminyanyamesa omwo vuvi vweni.”
Vipangi vya muka-kwimanena
3Kuma vanu vavali venda amolika kujeneka kulizivasana kwenda amo ndi?
4Kuma ndumba asa kwaana ngoco mu shwata nga kawanene vyakwata ndi?
Kuma muna ndumba asa kwaana ngoco mu mwela wendi wanavanda nga nevi vyalya vyai ndi?
5Kuma kazila asa kutsa mu mweto nga mweto kuvautele ndi?
Kuma mweto wasa kupiluka ngoco nga kumwatsile cuma cimo ndi?
6Kuma lupembo lwa nzita lwasa kwimba ngoco mu nganda kujeneka vanu kuziva lyova ndi?
Kuma vukalu vwasa kwija ngoco mu nganda nga Shukulu Kalunga kavutumine ndi?
7Mwa vushunga vene Shukulu Kalunga wa Akamwa ya Vyoshe kasa kulinga cuma cimo kujeneka kusholola vutumbe vwendi kuli vangamba vendi, vaka-kwimanena.
8Omo ndumba aana, iyajo kazivi lyova?
Omo Shukulu Kalunga wa Akamwa ya Vyoshe endeka, iyajo alikela kwambulula majwi endi?
Kuvindama kwa Samaliya
9Ambululeni kuli vaje vakala mu mapela a mu Ingito na a Ashendonde ngweni, “Kungulukileni a malundu a Samaliya ngeci mumone kuviya kwakama kulimo, na milonga ivalinakulinga muje.”
10Shukulu Kalunga alinakwendeka ngwendi, “Vanu ava vanashulisa vinjuvo vyavo na vyuma vanawana mu vingila vya muuka na vwizi. Vakevo kuvazivuka kulinga vushunga. 11Ngecivene, vitozi vakazengeleka lifuti lyavo, nakusiwula vimpaka vyavo, nakupukula vufuko vwavo.”
12Shukulu Kalunga alinakwendeka ngwendi, “Ngwe kanyungi acakununa mendi avali nambe litwi limo lya manga ku kanwa ka ndumba, mukemwo mwakamena Shukulu Kalunga vanu va Isalele vaje vali mu Samaliya, vaje vanatumbama a myela yaivwa, na a vitumbamo vyavivwa. 13Tolilileni, co nanguleni vatekulwila va Yakomba,” mwanendeka Shukulu Kalunga wa Akamwa ya Vyoshe Muka-nzili yoshe. 14#2 Vim 23:15 “A litangwa lije omo njikanyanyamesa vanu va Isalele omwo vuvi vwavo, co njikanyongesa mitula ya Mbetele. Vimbango vya mutula na mutula woshe vikapokozoka nakuwila asi. 15Njikanyongesa vinjuvo vya cisika na vinjuvo vya ndombo. Njikawisa vinjuvo vyakucakeya na vimbinga vya vinjamba, co njikanyongesa njuvo yoshe yakama.”
Currently Selected:
Amose 3: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Amose 3
3
1Yeni vanu va Isalele, tolilileni majwi awa anendeka Shukulu Kalunga kuli yeni, muyati woshe vaje vaatundisile ku Ingito, 2“Ku miyati yoshe ya ano asi yeni lika vanjangwile nakuminyunga mwamuvwa. Evi vikevyo vyanenesa vivi vyeni kupwa vyakukomokesa, ngecivene, njikaminyanyamesa omwo vuvi vweni.”
Vipangi vya muka-kwimanena
3Kuma vanu vavali venda amolika kujeneka kulizivasana kwenda amo ndi?
4Kuma ndumba asa kwaana ngoco mu shwata nga kawanene vyakwata ndi?
Kuma muna ndumba asa kwaana ngoco mu mwela wendi wanavanda nga nevi vyalya vyai ndi?
5Kuma kazila asa kutsa mu mweto nga mweto kuvautele ndi?
Kuma mweto wasa kupiluka ngoco nga kumwatsile cuma cimo ndi?
6Kuma lupembo lwa nzita lwasa kwimba ngoco mu nganda kujeneka vanu kuziva lyova ndi?
Kuma vukalu vwasa kwija ngoco mu nganda nga Shukulu Kalunga kavutumine ndi?
7Mwa vushunga vene Shukulu Kalunga wa Akamwa ya Vyoshe kasa kulinga cuma cimo kujeneka kusholola vutumbe vwendi kuli vangamba vendi, vaka-kwimanena.
8Omo ndumba aana, iyajo kazivi lyova?
Omo Shukulu Kalunga wa Akamwa ya Vyoshe endeka, iyajo alikela kwambulula majwi endi?
Kuvindama kwa Samaliya
9Ambululeni kuli vaje vakala mu mapela a mu Ingito na a Ashendonde ngweni, “Kungulukileni a malundu a Samaliya ngeci mumone kuviya kwakama kulimo, na milonga ivalinakulinga muje.”
10Shukulu Kalunga alinakwendeka ngwendi, “Vanu ava vanashulisa vinjuvo vyavo na vyuma vanawana mu vingila vya muuka na vwizi. Vakevo kuvazivuka kulinga vushunga. 11Ngecivene, vitozi vakazengeleka lifuti lyavo, nakusiwula vimpaka vyavo, nakupukula vufuko vwavo.”
12Shukulu Kalunga alinakwendeka ngwendi, “Ngwe kanyungi acakununa mendi avali nambe litwi limo lya manga ku kanwa ka ndumba, mukemwo mwakamena Shukulu Kalunga vanu va Isalele vaje vali mu Samaliya, vaje vanatumbama a myela yaivwa, na a vitumbamo vyavivwa. 13Tolilileni, co nanguleni vatekulwila va Yakomba,” mwanendeka Shukulu Kalunga wa Akamwa ya Vyoshe Muka-nzili yoshe. 14#2 Vim 23:15 “A litangwa lije omo njikanyanyamesa vanu va Isalele omwo vuvi vwavo, co njikanyongesa mitula ya Mbetele. Vimbango vya mutula na mutula woshe vikapokozoka nakuwila asi. 15Njikanyongesa vinjuvo vya cisika na vinjuvo vya ndombo. Njikawisa vinjuvo vyakucakeya na vimbinga vya vinjamba, co njikanyongesa njuvo yoshe yakama.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006