Amose 2
2
Mowavi
1 #
Isa 15:1—16:14; 25:10-12; Njele 48:1-47; Ezek 25:8-11; Zef 2:8-11 Shukulu Kalunga alinakwendeka ngwendi, “Vanu va ku Mowavi vanalingi vuvi kushwakumo, omwo cuma eci mwa vushunga njikavanyanyamesa. Kuvasingimikile vitsiya vya mwene wa ku Endome oloni vavyenyekele vyoshe too ngwe lito. 2Ngecivene, njikatuma tuhya a lifuti lya Mowavi nakwenyeka vimpaka vya Kilyote. Vanu va ku Mowavi vakatsa ku muyoyo wa nzita, omwo mashwalale vatambeka, co malupembo aimba. 3Njikatsiya muka-kushwana wa Mowavi na vantwama voshe va lifuti.”
Yunda
4Shukulu Kalunga alinakwendeka ngwendi, “Vanu va ku Yunda vanalingi vuvi kushwakumo, omwo cuma eci mwa vushunga njikavanyanyamesa. Vanayeluwisa vilongesa vyange, co kuvanyungile mashiko ange. Vanongumuka na vinjambi va makuli vaje vavalemesele vakukulwila vavo. 5Ngecivene, njikatuma tuhya a Yunda nakwenyeka vimpaka vya Yelusalema.”
Kusompa kwa Njambi ali Isalele
6Shukulu Kalunga alinakwendeka ngwendi, “Vanu va Isalele vanalingi vuvi kushwakumo, omwo cuma eci mwa vushunga njikavanyanyamesa. Vakalandesa vanu va kulongwa ku vundungo vaje kuvasa kufweta makongo avo, vanu vakuutwa vaje kuvasa kufweta ndando ya vin̄aku. 7Co vakalyatangela vaka-kuzeya na vaje valinakuyanda nakunakozola tuutu kuvatundisa mu ngila. Munalume na ishe vakai ku munakazi umolika wa ndungo, co vashawisa lizina lyange lyakujela. 8A mutambela na mutambela woshe wakulemesela vanu valinakulala a vinanga vije vanambata ku tuutu kupwa cishimbikiya. Mu njuvo ya njambi yavo vanwilamo vinyu vivanambata kuli vaje vavakumwisile vimbongo.
9 #
Kwi 3:8-11
“Nameme ngoco, vanu vange, omwo yeni ngeci njanyongesele vaAmoli, vaje vapwile vanu vavalaja ngwe miti ya kendale, co vakele na nzili ngwe miti ya Oke. 10Yange njamitundisile mu Ingito, nakumitwamenena mu mambo myaka makumi awana, co njamyanene lifuti lya vaAmoli kupwa lyeni. 11#Kul 6:1-8 Njaangwile vamo va vana veni kupwa vaka-kwimanena, co na vakwenje veni vamo kupwa vaNazalite.#2:11 VANAZALITE: Vapwile vaIsalele vaje vamwesele kulikundika kwavo kuli Njambi akulisinga ngeci kuvanu vinyu, nambe vwala, nambe kuteula vin̄ambu vyavo, nambe kukwata vivimbi (kenga Kulava 6:1-8). Kuma eci kucapwile ca vushunga, eni vanu vaIsalele ndi? Yange Kalunga, njinendekamo. 12Oloni mwanwisile vaNazalite vinyu, co mwashikile vaka-kwimanena ngweni kesi vambulule majwi ange. 13Ngecivene, ololo njikamitsenena mu livu, co mukakemanga ngwe litemba linalongo manene vimbuto. 14Kukwesi muka-kushatuka manene akaputumuka wai, co vanu vaka-nzili kuvakakala na nzili lalo, na mashwalale lalo kuvakasa kwamena myonyo yavo. 15Co vanu vaka-kwasha mata a lusipa kuvakasa kwimana embwe, vaje vaka-kushatuka manene kuvakasa kutewa, na vanu vaka-kwendela a tuvalu kuvakasa kwamena myonyo yavo embwe. 16A litangwa lije nameme mashwalale vaka-kusimpa vakombila kuti vitwa vyavo nakutewa.” Mukemwo mwanendeka Shukulu Kalunga.
Currently Selected:
Amose 2: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Amose 2
2
Mowavi
1 #
Isa 15:1—16:14; 25:10-12; Njele 48:1-47; Ezek 25:8-11; Zef 2:8-11 Shukulu Kalunga alinakwendeka ngwendi, “Vanu va ku Mowavi vanalingi vuvi kushwakumo, omwo cuma eci mwa vushunga njikavanyanyamesa. Kuvasingimikile vitsiya vya mwene wa ku Endome oloni vavyenyekele vyoshe too ngwe lito. 2Ngecivene, njikatuma tuhya a lifuti lya Mowavi nakwenyeka vimpaka vya Kilyote. Vanu va ku Mowavi vakatsa ku muyoyo wa nzita, omwo mashwalale vatambeka, co malupembo aimba. 3Njikatsiya muka-kushwana wa Mowavi na vantwama voshe va lifuti.”
Yunda
4Shukulu Kalunga alinakwendeka ngwendi, “Vanu va ku Yunda vanalingi vuvi kushwakumo, omwo cuma eci mwa vushunga njikavanyanyamesa. Vanayeluwisa vilongesa vyange, co kuvanyungile mashiko ange. Vanongumuka na vinjambi va makuli vaje vavalemesele vakukulwila vavo. 5Ngecivene, njikatuma tuhya a Yunda nakwenyeka vimpaka vya Yelusalema.”
Kusompa kwa Njambi ali Isalele
6Shukulu Kalunga alinakwendeka ngwendi, “Vanu va Isalele vanalingi vuvi kushwakumo, omwo cuma eci mwa vushunga njikavanyanyamesa. Vakalandesa vanu va kulongwa ku vundungo vaje kuvasa kufweta makongo avo, vanu vakuutwa vaje kuvasa kufweta ndando ya vin̄aku. 7Co vakalyatangela vaka-kuzeya na vaje valinakuyanda nakunakozola tuutu kuvatundisa mu ngila. Munalume na ishe vakai ku munakazi umolika wa ndungo, co vashawisa lizina lyange lyakujela. 8A mutambela na mutambela woshe wakulemesela vanu valinakulala a vinanga vije vanambata ku tuutu kupwa cishimbikiya. Mu njuvo ya njambi yavo vanwilamo vinyu vivanambata kuli vaje vavakumwisile vimbongo.
9 #
Kwi 3:8-11
“Nameme ngoco, vanu vange, omwo yeni ngeci njanyongesele vaAmoli, vaje vapwile vanu vavalaja ngwe miti ya kendale, co vakele na nzili ngwe miti ya Oke. 10Yange njamitundisile mu Ingito, nakumitwamenena mu mambo myaka makumi awana, co njamyanene lifuti lya vaAmoli kupwa lyeni. 11#Kul 6:1-8 Njaangwile vamo va vana veni kupwa vaka-kwimanena, co na vakwenje veni vamo kupwa vaNazalite.#2:11 VANAZALITE: Vapwile vaIsalele vaje vamwesele kulikundika kwavo kuli Njambi akulisinga ngeci kuvanu vinyu, nambe vwala, nambe kuteula vin̄ambu vyavo, nambe kukwata vivimbi (kenga Kulava 6:1-8). Kuma eci kucapwile ca vushunga, eni vanu vaIsalele ndi? Yange Kalunga, njinendekamo. 12Oloni mwanwisile vaNazalite vinyu, co mwashikile vaka-kwimanena ngweni kesi vambulule majwi ange. 13Ngecivene, ololo njikamitsenena mu livu, co mukakemanga ngwe litemba linalongo manene vimbuto. 14Kukwesi muka-kushatuka manene akaputumuka wai, co vanu vaka-nzili kuvakakala na nzili lalo, na mashwalale lalo kuvakasa kwamena myonyo yavo. 15Co vanu vaka-kwasha mata a lusipa kuvakasa kwimana embwe, vaje vaka-kushatuka manene kuvakasa kutewa, na vanu vaka-kwendela a tuvalu kuvakasa kwamena myonyo yavo embwe. 16A litangwa lije nameme mashwalale vaka-kusimpa vakombila kuti vitwa vyavo nakutewa.” Mukemwo mwanendeka Shukulu Kalunga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006