1 Tesalonika 3
3
1 #
Vil 17:15
Akukotoka, omwo kutwasele kutwalao lalo, twayongwele ngeci vatuseze mu Atena etu lika. 2Omo twacitumine Timateo, ndolome yetu muka-kupanga netu mu vipangi vya Njambi mukwambulula Vin̄anda Vyavivwa vya Kilistu. Twamutumine mukumitakamesa nakumikwasa akukulaela kweni, 3ngeci naumo wai wa ali yeni akeluke munima omwo a mapakeso awa. Yeni vavenya mwazivuka ngweni mapakeso awa anapu a ku cizango ca Njambi ali yetu. 4Omwo a simbu ije twakele amo neni, twamilekelele cimweja ngwetu tukawana mapakeso, ngwe mumwazivukila, evi vikevyo vyalingiwile. 5Eci cikeco cinjatuminine Timateo. Omwo kunjasele kutwalao lalo, ngecivene, njamutumine akumone vati kukulaela kweni mucinafu. Mwa vushunga vene kucapwile ngeci Liyavola namyeseka, co vipangi vyetu vyoshe vinai mwangoco!
6 #
Vil 18:5
Oloni ololo Timateo neluka kuno, co natwambulwila muzimbu wauvwa akukulaela kweni na cizemo ceni. Natuleka ngwendi simbu yoshe mulinakutwanuka, co mulinakushaka kutumona ngwe yetu tulinakushaka kumimona. 7Omwo a cuma eci, mu tuyando twetu twoshe na n̄avava twakele nakulitakamesa omwo ali yeni vakwetu. Kukulaela kweni kukekwo kwatutakamesele, 8omwo ololo tulinakuyoya nga yeni mwimana mbe mukuyoya kweni muli Mwene. 9Ololo twasa kukandelela kuli Njambi omwo yeni. Tulinakumukandelela akujolela kuje tulinakwo ku mesho endi omwo yeni. 10Mutanya na vutsiki tulinakumulomba na vimbunge vyetu vyoshe ngeci atutave kumimona mesho na mesho nakumyana vije vimunajeneka mukukulaela kweni.
11Njambi yetu na Tatetu na Mwene yetu Yesu atuvwaesele ngila ngeci twije nakumimona! 12Mwene akolese cizemo ceni kuli umo na mukwavo na kuli vanu voshe nakucipwisa cakama ngwe cizemo cetu kuli yeni. 13Mu ngila eyi akamitakamesa, co mukapwa vakulambasa na vaka-kujela ku mesho a Njambi yetu na Tatetu omo Mwene yetu Yesu akaija na voshe vaje vanakundama kuli ikeye.#3:13 NA VOSHE VAJE VANAKUNDAMA KULI IKEYE: Nambe, na tungelo twendi voshe.
The Bible in Mbunda ©The Bible Society of Zambia, 2006