1 Petulu 5
5
Vutanga vwa Njambi
1Yange, akupwako nange lalo nji mukulunu, njilambelela vakulunu va cikungulukilo akati keni. Njinapu nji mukaleo wa tuyando twa Kilistu, co nange njikatambula mutambela wa vumpau vuje vukasholoka. Njimilambelela ngwange, 2#Yow 21:15-17 pweni tunyungi va vutanga vuje vwanamyana Njambi, co vunyungeni na cizango cacivwa, ngwe mwanashaka Njambi ngeci mulingemo, kesi ngwe nakumisindiya. Lingeni vipangi vyeni, kesi ngwe omwo fweto embwe, oloni na cizango cacivwa cakupanga. 3Kesi mweseke kushwana vaje vavanamyana ngeci muvanyunge, oloni pweni cimweso ku vutanga. 4Co omo Kanyungi Wakama akasholoka, mukatambula cilongo ca vumpau cije kucikatsitsivala.
5 #
Vis 3:34
Mu cifwa cimo vene, yeni vakwenje munapande kwononoka kuli vakulunu. Co yeni voshe pweni vaka-kulikeesa, mukupangela umo na mukwavo, omwo visoneka vyendeka ngwavyo, “Njambi akavyana vaka-kulyalesa, oloni akamwesa kutetela kuli vaka-kulikeesa.” 6#Mat 23:12; Luk 14:11; 18:14 Likeeseni yeni vavenya mwisi ya livoko lya nzili lya Njambi, ngeci amijundule a simbu yendi yaivwa. 7Akeni vukalu vweni vwoshe ali ikeye, omwo ikeye alinakumilela.
8Kesi mupende, pweni vaka-kukengelela! Citozi ceni Liyavola alinakwendangana nakwaana ngwe ndumba, ashakezeka umo ngeci amusanyozole. 9Imaneni mbe mukukulaela kweni, co muvyaneni, omwo mwazivuka ngweni vaka-kukulaela veka mu kaye mwoshe valinakuyanda tuyando twa muyati ou vene. 10Oloni omo munayanda kasimbu kakandondo lika, Njambi wa kutetela kwoshe, uje namisana mukulipangela vumpau vwendi vwa myaka yoshe muli Kilistu, ikeye vavenya akamijelesa nakumyana kwimana mbe na nzili na luvula lwaluvwa. 11Kuli ikeye kukale nzili ku myaka yoshe! Ewa.
Viindu vyakumanesela
12 #
Vil 15:22,40 Njinamisonekela mukanda ou waundondo akukwasa kwa Silase, uje unjinakulaela ngwe ndolome mu vuka-Yesu. Njishaka kumitakamesa nakumyana vukaleo ngeci oku kukekwo kutetela kwa vushunga vwa Njambi. Imaneni mbe mu cikeco.
13 #
Vil 12:12,25; 13:13; 15:37-39; Kol 4:10; Filim 24 Cikungulukilo ca mu Mbambilone,#5:13 MBAMBILONE: Ngwe mu livulu lya Kujombolola, amo ikeyo Loma. navo vavaangwile kuli Njambi lalo, vanatumu viindu kuli yeni, na munange Mako lalo natumu viindu. 14Liindwiseni umo na mu kwavo nakulitsemba ca cizemo ca vuka-Yesu.
Kwoloka kukale neni muvavoshe mwakundama kuli Kilistu.
The Bible in Mbunda ©The Bible Society of Zambia, 2006