Jeremaea 45
45
Mesij blong Yawe go long Baruk
1Hem ya nao Mesij blong Yawe wea hemi talemaot long Profet Jeremaea abaotem Baruk, san blong Neraea. Long taem wea King Jehoeakim, san blong King Josaea, hemi gohed fo rul long Jiuda, long mekfoa yia blong hem,#45:1-5 Olketa toktok wea hemi stap long sapta 45, profet hemi talemaot long taem wea King Nebukadnesa hemi no winim Jerusalem yet. Samfala pipol tingse olketa samting ya hemi hapen kolsap long 602 B.K., bihaen long taem wea king ya hemi bonem buk blong Jeremaea, an Baruk hemi bin raetemdaon moa olketa toktok. Lukim Jeremaea 36:32. Profet Jeremaea hemi gohed fo talemaot olketa toktok blong Yawe long Baruk, an hemi gohed fo raetemdaon long wanfala buk.#2 Kings 24:1; 2 Kronikols 36:5-7; Daniel 1:1-2. Bihaen, profet hemi tok olsem long hem, 2“Baruk. Yawe hu hemi God blong Israel, hemi tok long yu olsem: 3Yu bin gohed fo komplen olsem, ‘!O, mi givap nao! Mi barava filnogud tumas, an Yawe hemi gohed fo mekem trabol long mi moa. Mi krae tumas go-go mi taet fogud nao, an mi no save res.’
4“Bat Baruk, Yawe hemi talem mi fo talemaot disfala mesij blong hem long yu olsem: Long evriwea long disfala lan, bae mi brekemdaon olketa samting wea mi bin stanemap, an bae mi tekemaot olketa samting wea mi bin plantem. 5?Waswe, yu tingse yu save stap gudfala winim olketa narafala pipol? Nomoa. Yu mas no ekspektem gudfala laef olsem. Mi bae mi mekem bikfala trabol fo kam kasem evri pipol long disfala wol, bat bae mi letem yu fo stap laef long eniples wea yu go long hem.”
Hem nao mesij blong Yawe.
Currently Selected:
Jeremaea 45: SIPB
Highlight
Copy
Compare
Share
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
