Waestok 5
5
Olketa nogud pipol bae i sore
1Long datfala de, wanfala gud man hu hemi tingting strong long God, bae hemi stanap frant long olketa hu i spoelem hem an tokspoelem waka blong hem. 2Ya, bae olketa sapraes fogud taem olketa lukim hem wea hemi stap gudfala, an bae olketa fraet an seksek fogud. 3Long dea nao, bae olketa sore fogud abaotem wanem olketa duim. Bae olketa krae long pein an tok olsem long olketa seleva: 4“Disfala man nao yumi mekfan long hem. Yumi tingim hemi krangge nomoa. !Ei, yumi nao krangge tumas! Yumi tingim hemi krangge tumas fo falom diskaen laef wea hemi stap long hem. An taem hemi dae, yumi nating mekhae long hem. 5Distaem, yumi lukim wea hem nao hemi wanfala pikinini blong God, an hemi garem ples blong hem wetem olketa pipol blong God. 6Yumi nao no falom stretfala rod. Yumi nating falom laet long laef wea hemi stret. !Nomoa! 7Long hol laef blong yumi, hemi olsem yumi go olobaot nomoa long drae eria. Yumi nating falom nomoa rod wea Lod hemi wandem yumi fo falom. An disfala wei wea yumi no falom Lo, hem nao hemi lidim yumi go fo dae. 8Yumi praod tumas long yumi seleva an tokpraod abaotem plande gud samting wea yumi garem. !Bat distaem, no eni gud samting moa hemi givim yumi! 9“Evrisamting ya i lus finis nao. Olketa lus kuiktaem olsem wanfala sado, olsem samting wea yumi herem an yumi fogetem moa.
10Hemi olsem wanfala sip wea hemi go akros long olketa wev long si, bat taem hemi go finis, yumi no lukim eni mak blong hem long si. Yumi no save talem wea hemi go akros long ples ya bifoa. 11Hemi olsem tu wanfala bed wea hemi flae long ea, bat yumi nating save talem nomoa wea hemi flae akros long ples bifoa. Hemi flae kuiktaem long ea bat hemi nating garem nomoa eni mak long ples wea hemi flae long hem. 12Hemi olsem tu wanfala aro wea hemi kat tru long ea fo go stret long ples wea man hemi laekem fo kasem. Bat taem hemi go finis, no eniwan save lukim eni mak long ples wea hemi go. 13Hemi olsem tu long yumi. Yumi bon kam, an no longtaem yumi lus moa. No eni gud samting nomoa yumi lusim bihaen fo pipol fo lukim. Olketa ravis wei blong yumi nao hemi spoelem yumi.”
14?Ya, wanem nomoa bae olketa nogud pipol i garem? Olketa no garem eni samting wea hemi stap olowe. Olketa i olsem gras wea win hemi bloum olobaot, an olsem olketa waet babol wea olketa stap antap long si an save lus nomoa taem long bikfala stom, an olsem smok wea win hemi bloum olobaot. Hemi olsem tu taem wanfala man hemi kam an stap fo wanfala naet nomoa an hemi go moa long neks de. No eniwan hemi save tingim moa.
15Bat olketa pipol wea laef blong olketa hemi stret bae i laef olowe. God bae hemi givim gudfala samting long olketa, an Lod hu hemi hae tumas bae hemi gadem olketa. 16God bae hemi mekhae long olketa an putum kraon long hed blong olketa. An bae hemi gadem olketa long paoa blong hem. 17Bae hemi goaot fo faet an tingting strong fo winim olketa enemi blong hem, an bae hemi yusim fo faet evrisamting wea hemi mekem.#Efesas 6:11-17. 18Hemi yusim stretfala wei fo gadem bodi blong hem an gudfala wei fo jaj fo gadem hed blong hem. 19Hemi yusim tu laef wea hemi holi olsem sil blong hem. 20Taem hemi kros bae hemi olsem wanfala sap naef fo faet, an evrisamting hemi mekem finis bae olketa helpem hem long faet wetem olketa hu i krangge tumas an go fo faetem hem. 21Flas blong laetning bae hemi kasem barava ples wea hemi makem, olsem Lod hemi mekem bou long klaod an sutim olketa aro. 22Olketa ston long aes bae foldaon an kilim dae olketa enemi. Bikfala si an olketa riva bae kavarem olketa an spoelem olketa. 23Bikfala stom bae bloum olketa olsem drae lif. Disfala wei fo no falom Lo blong God bae hemi spoelem disfala wol. An evri ravis samting wea pipol i duim nao bae mekem olketa gavman fo foldaon.
Currently Selected:
Waestok 5: SIDC
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Waestok 5
5
Olketa nogud pipol bae i sore
1Long datfala de, wanfala gud man hu hemi tingting strong long God, bae hemi stanap frant long olketa hu i spoelem hem an tokspoelem waka blong hem. 2Ya, bae olketa sapraes fogud taem olketa lukim hem wea hemi stap gudfala, an bae olketa fraet an seksek fogud. 3Long dea nao, bae olketa sore fogud abaotem wanem olketa duim. Bae olketa krae long pein an tok olsem long olketa seleva: 4“Disfala man nao yumi mekfan long hem. Yumi tingim hemi krangge nomoa. !Ei, yumi nao krangge tumas! Yumi tingim hemi krangge tumas fo falom diskaen laef wea hemi stap long hem. An taem hemi dae, yumi nating mekhae long hem. 5Distaem, yumi lukim wea hem nao hemi wanfala pikinini blong God, an hemi garem ples blong hem wetem olketa pipol blong God. 6Yumi nao no falom stretfala rod. Yumi nating falom laet long laef wea hemi stret. !Nomoa! 7Long hol laef blong yumi, hemi olsem yumi go olobaot nomoa long drae eria. Yumi nating falom nomoa rod wea Lod hemi wandem yumi fo falom. An disfala wei wea yumi no falom Lo, hem nao hemi lidim yumi go fo dae. 8Yumi praod tumas long yumi seleva an tokpraod abaotem plande gud samting wea yumi garem. !Bat distaem, no eni gud samting moa hemi givim yumi! 9“Evrisamting ya i lus finis nao. Olketa lus kuiktaem olsem wanfala sado, olsem samting wea yumi herem an yumi fogetem moa.
10Hemi olsem wanfala sip wea hemi go akros long olketa wev long si, bat taem hemi go finis, yumi no lukim eni mak blong hem long si. Yumi no save talem wea hemi go akros long ples ya bifoa. 11Hemi olsem tu wanfala bed wea hemi flae long ea, bat yumi nating save talem nomoa wea hemi flae akros long ples bifoa. Hemi flae kuiktaem long ea bat hemi nating garem nomoa eni mak long ples wea hemi flae long hem. 12Hemi olsem tu wanfala aro wea hemi kat tru long ea fo go stret long ples wea man hemi laekem fo kasem. Bat taem hemi go finis, no eniwan save lukim eni mak long ples wea hemi go. 13Hemi olsem tu long yumi. Yumi bon kam, an no longtaem yumi lus moa. No eni gud samting nomoa yumi lusim bihaen fo pipol fo lukim. Olketa ravis wei blong yumi nao hemi spoelem yumi.”
14?Ya, wanem nomoa bae olketa nogud pipol i garem? Olketa no garem eni samting wea hemi stap olowe. Olketa i olsem gras wea win hemi bloum olobaot, an olsem olketa waet babol wea olketa stap antap long si an save lus nomoa taem long bikfala stom, an olsem smok wea win hemi bloum olobaot. Hemi olsem tu taem wanfala man hemi kam an stap fo wanfala naet nomoa an hemi go moa long neks de. No eniwan hemi save tingim moa.
15Bat olketa pipol wea laef blong olketa hemi stret bae i laef olowe. God bae hemi givim gudfala samting long olketa, an Lod hu hemi hae tumas bae hemi gadem olketa. 16God bae hemi mekhae long olketa an putum kraon long hed blong olketa. An bae hemi gadem olketa long paoa blong hem. 17Bae hemi goaot fo faet an tingting strong fo winim olketa enemi blong hem, an bae hemi yusim fo faet evrisamting wea hemi mekem.#Efesas 6:11-17. 18Hemi yusim stretfala wei fo gadem bodi blong hem an gudfala wei fo jaj fo gadem hed blong hem. 19Hemi yusim tu laef wea hemi holi olsem sil blong hem. 20Taem hemi kros bae hemi olsem wanfala sap naef fo faet, an evrisamting hemi mekem finis bae olketa helpem hem long faet wetem olketa hu i krangge tumas an go fo faetem hem. 21Flas blong laetning bae hemi kasem barava ples wea hemi makem, olsem Lod hemi mekem bou long klaod an sutim olketa aro. 22Olketa ston long aes bae foldaon an kilim dae olketa enemi. Bikfala si an olketa riva bae kavarem olketa an spoelem olketa. 23Bikfala stom bae bloum olketa olsem drae lif. Disfala wei fo no falom Lo blong God bae hemi spoelem disfala wol. An evri ravis samting wea pipol i duim nao bae mekem olketa gavman fo foldaon.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.