Waestok 4
4
1Hemi#Sirak 16:3. moabeta fo yu garem gud laef winim yu garem pikinini. God an olketa narafala pipol bae luksave long gud laef blong yu, an bae olketa tingim yu olowe nao. 2Gudfala laef, hemi eksampol fo pipol fo falom, an taem hemi nomoa, bae pipol i lukaotem fogud. Hemi barava nambawan wei long laef wea man save garem.
3Nomata haomas pikinini i bon kam long marit wea hemi no stret, bae olketa yusles nomoa. Olketa pikinini olsem, bae laef blong olketa hemi wik an no stanap strong. 4Olketa olsem tri wea rut blong hem hemi no godaon dip insaet long graon. Olketa garem lif fo lelebet taem, an taem strong win hemi kam, olketa tri ya i foldaon. 5Brans blong olketa olketa brek bifoa olketa save grou strong an frut blong olketa i no save raep. Olketa yusles nomoa. 6Long De blong Jaj, olketa pikinini ya bae i talemaot sin blong mami an dadi blong olketa, fo olsem witnes agensim tufala.
7Pipol wea laef blong olketa hemi stret bae olketa save res gud, nomata olketa dae taem olketa yang yet. 8Yumi save mekhae long olketa olo, bat i no bikos olketa laef longtaem. Nomoa ya. 9Pipol hu i waes an wei blong olketa hemi stret, hem nao hemi somaot gudfala laef taem olketa olo.
Gudfala laef blong Inok
10Longtaem#Jenesis 5:21-24; Sirak 44:16; Hibrus 11:5. bifoa, wanfala man nem blong hem Inok hemi stap, an God hemi lavem hem an hapi tumas long hem. Taem Inok hemi stap yet wetem olketa nogud pipol, God hemi tekem hem awe. 11God hemi duim disfala samting ya, nogud sin an evri wei fo laea hemi spoelem tingting blong hem an laef blong hem. 12Yumi evriwan save dat samfala pipol i hapi long olketa ravis samting, so olketa nating luksave nomoa long wanem hemi gud nomata olketa lukim long ae blong olketa. Olketa gud pipol save spoelem nomoa laef blong olketa, taem olketa tingim nomoa wanem olketa seleva i laekem. 13No longtaem nomoa, Inok hemi kasem disfala gud laef winim olketa narafala pipol save kasem long hol laef blong olketa. 14Lod hemi hapi tumas long laef blong Inok, an hemi tekem hem aot kuiktaem nomoa long disfala wol. Pipol i save nomoa taem Inok hem goawe, bat olketa nating save nomoa long wanem hemi hapen an long wanem hemi minim. 15Olketa no luksave dat God hemi kaen tumas an hemi sore long olketa pipol blong hem, an hemi gadem gud olketa hu hemi siusim.
Panis blong olketa nogud pipol
16Taem olketa gud pipol i dae, gudfala laef blong olketa hemi meksem long olketa nogud pipol hu i laef yet bihaen long olketa. Bae olketa yang pipol hu i garem gudfala laef, bae i meksem long olketa olo wea laef blong olketa hemi nogud. 17Samfala waes pipol i dae taem olketa yang yet, bat olketa nogud pipol i nating save dat hem nao wei wea Lod hemi duim fo tekemaot olketa fo stap sef wetem hem. 18Olketa nogud pipol i mekfan long dae blong waes man, bat kuiktaem nomoa bae Lod hemi laf long olketa. Taem olketa dae, bae no eniwan hemi tinghevi fo berem olketa. Ya, olketa hu i dae finis bae olketa tokspoelem olketa an meksem long olketa. 19Bae God hemi torowem olketa long graon, an mekem olketa no save toktok moa. Olketa olsem haos wea hemi foldaon long graon an bae hemi stap olsem nomoa wanfala hip long ravis. Ya, bae olketa safa fogud, an no longtaem bihaen bae pipol i fogetem olketa nao. 20Long De blong Jaj, bae olketa fraet fogud bikos God bae hemi kaontem evri sin blong olketa. An evri nogud samting wea olketa duim nao bae hemi jajem olketa long hem.
Currently Selected:
Waestok 4: SIDC
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Waestok 4
4
1Hemi#Sirak 16:3. moabeta fo yu garem gud laef winim yu garem pikinini. God an olketa narafala pipol bae luksave long gud laef blong yu, an bae olketa tingim yu olowe nao. 2Gudfala laef, hemi eksampol fo pipol fo falom, an taem hemi nomoa, bae pipol i lukaotem fogud. Hemi barava nambawan wei long laef wea man save garem.
3Nomata haomas pikinini i bon kam long marit wea hemi no stret, bae olketa yusles nomoa. Olketa pikinini olsem, bae laef blong olketa hemi wik an no stanap strong. 4Olketa olsem tri wea rut blong hem hemi no godaon dip insaet long graon. Olketa garem lif fo lelebet taem, an taem strong win hemi kam, olketa tri ya i foldaon. 5Brans blong olketa olketa brek bifoa olketa save grou strong an frut blong olketa i no save raep. Olketa yusles nomoa. 6Long De blong Jaj, olketa pikinini ya bae i talemaot sin blong mami an dadi blong olketa, fo olsem witnes agensim tufala.
7Pipol wea laef blong olketa hemi stret bae olketa save res gud, nomata olketa dae taem olketa yang yet. 8Yumi save mekhae long olketa olo, bat i no bikos olketa laef longtaem. Nomoa ya. 9Pipol hu i waes an wei blong olketa hemi stret, hem nao hemi somaot gudfala laef taem olketa olo.
Gudfala laef blong Inok
10Longtaem#Jenesis 5:21-24; Sirak 44:16; Hibrus 11:5. bifoa, wanfala man nem blong hem Inok hemi stap, an God hemi lavem hem an hapi tumas long hem. Taem Inok hemi stap yet wetem olketa nogud pipol, God hemi tekem hem awe. 11God hemi duim disfala samting ya, nogud sin an evri wei fo laea hemi spoelem tingting blong hem an laef blong hem. 12Yumi evriwan save dat samfala pipol i hapi long olketa ravis samting, so olketa nating luksave nomoa long wanem hemi gud nomata olketa lukim long ae blong olketa. Olketa gud pipol save spoelem nomoa laef blong olketa, taem olketa tingim nomoa wanem olketa seleva i laekem. 13No longtaem nomoa, Inok hemi kasem disfala gud laef winim olketa narafala pipol save kasem long hol laef blong olketa. 14Lod hemi hapi tumas long laef blong Inok, an hemi tekem hem aot kuiktaem nomoa long disfala wol. Pipol i save nomoa taem Inok hem goawe, bat olketa nating save nomoa long wanem hemi hapen an long wanem hemi minim. 15Olketa no luksave dat God hemi kaen tumas an hemi sore long olketa pipol blong hem, an hemi gadem gud olketa hu hemi siusim.
Panis blong olketa nogud pipol
16Taem olketa gud pipol i dae, gudfala laef blong olketa hemi meksem long olketa nogud pipol hu i laef yet bihaen long olketa. Bae olketa yang pipol hu i garem gudfala laef, bae i meksem long olketa olo wea laef blong olketa hemi nogud. 17Samfala waes pipol i dae taem olketa yang yet, bat olketa nogud pipol i nating save dat hem nao wei wea Lod hemi duim fo tekemaot olketa fo stap sef wetem hem. 18Olketa nogud pipol i mekfan long dae blong waes man, bat kuiktaem nomoa bae Lod hemi laf long olketa. Taem olketa dae, bae no eniwan hemi tinghevi fo berem olketa. Ya, olketa hu i dae finis bae olketa tokspoelem olketa an meksem long olketa. 19Bae God hemi torowem olketa long graon, an mekem olketa no save toktok moa. Olketa olsem haos wea hemi foldaon long graon an bae hemi stap olsem nomoa wanfala hip long ravis. Ya, bae olketa safa fogud, an no longtaem bihaen bae pipol i fogetem olketa nao. 20Long De blong Jaj, bae olketa fraet fogud bikos God bae hemi kaontem evri sin blong olketa. An evri nogud samting wea olketa duim nao bae hemi jajem olketa long hem.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.