Waestok 19
19
1Olketa nogud pipol i gohed fo filim kros blong yu go-go kasem taem yu kilim dae evriwan long olketa, bikos yu save finis wanem bae olketa duim bifoa olketa duim. 2Yu save finis wea nomata olketa letem pipol blong yu fo go, bat olketa sensim maen blong olketa an ran moa bihaen olketa fo kilim olketa dae. 3-4Taem olketa long Ijip i gohed fo sore yet long grev blong olketa pikinini blong olketa hu i dae, olketa barava fogetem nao wanem hemi hapen. An olketa krangge fo tingim olketa pipol blong Israel i ranawe. So olketa ran bihaenem olketa fo kilim olketa dae. Diswan hemi hapen mekem hem olsem pat long panis blong olketa, mekem nogud samting wea hemi stap yet fo olketa hemi mas kasem olketa. 5Olketa pipol long Ijip mas kasem nao disfala dae wea hemi redi finis fo olketa, taem olketa pipol blong yu i gohed long disfala gogo blong olketa.
God hemi gaedem an sevem pipol blong hem
6Yu odarem evrisamting long wol fo sens, mekem no eni nogud samting save kasem olketa pipol blong yu. 7Olketa lukim finis klaod antap long haostent blong olketa, an drae lan wea wata hemi stap long hem. Gras hemi grou an kavam levol eria midol long olketa bikfala wev long Red Si, an hemi mekem isi fo olketa fo wakabaot akros. 8Olketa pipol wea yu lukaftarem i lukim disfala mirakol, an olketa wakabaot go fo narasaet. 9Olketa jam olobaot olsem olketa hos o olketa smol sipsip wea olketa letem aot olketa fo kaikai long gras, an olketa preisim yu Lod fo sevem olketa. 10Olketa rimembarem yet watkaen laef nao olketa stap long hem taem olketa waka olsem slev, an hao olketa anis nao i sensim olketa buluka, an olketa frog nao i fulap long riva fo sensim olketa fis. 11-12Bihaen, taem kaikai hemi nomoa, olketa bed nao i kam long si, mekem olketa kaikaim an fulap. Olketa nating lukim diskaen bed long enitaem bifoa.
Panis blong olketa pipol long Ijip
13Bikfala tanda hemi bosta fo wonem olketa nogud pipol dat panis blong olketa bae hemi kam nao. Olketa safa long disfala panis wea hemi fitim nao bikfala ravis wei blong olketa. No eni pipol long eni kantri i save les tumas long olketa deferen pipol, olsem olketa long Ijip. 14Samfala narafala pipol i save tumas fo no welkamem olketa pipol blong narafala ples hu i kam long olketa. Bat olketa pipol long Ijip ya i mekem olketa pipol long Israel i slev, nomata hemi olsem, olketa pipol long Israel i kaen gud an frengud wetem olketa. 15Pipol long evri kantri bae i panis sapos olketa no welkamem olketa pipol long narafala ples. 16Olketa pipol long Ijip ya, fastaem i hapi fo welkamem olketa deferen pipol, an lukim dat olketa i semsem wetem olketa seleva, bat bihaen olketa mekem olketa pipol long Israel fo safa tumas. 17Bihaen moa, God hemi panisim olketa, an mekem ae blong olketa hemi blaen, olsem olketa man long Sodom taem olketa stanap long doa blong disfala stretfala man ya Lot. Ae blong olketa hemi blaen fogud, an olketa hole olobaot insaet long bikfala dak fo faendem doa long haos blong olketa seleva.
Bikfala paoa blong God
18Evri string long gita hemi garem deferen tiun, bat yu save putum evri tiun tugeta fo mekem gudfala miusik. Hemi olsem long datfala taem wea evrisamting long wol hemi sens. !Hemi gud tumas sapos yu lukim fastaem wanem hemi hapen bifoa! 19Long datfala taem, olketa animol long lan i godaon insaet long riva an olketa fis long riva i kamap long drae lan. 20Long datfala taem tu, faea hemi bone insaet long riva, bat wata nating save kilim dae nomoa faea ya. 21Nomata olsem, disfala faea no save bonem bodi blong olketa animol wea i stap insaet long riva, an hemi no save bonem tu datfala kaikai wea hemi kamdaon long heven wea hemi isi nomoa fo lus olsem diu long moning.
Las toktok
22Lod, yu nao yu mekem olketa pipol blong yu fo garem biknem, an evriwea olketa i tinghae tumas long olketa. An yu nating save fogetem olketa enitaem. Oltaem, yu nao yu helpem olketa long evri ples wea olketa stap long hem.
Currently Selected:
Waestok 19: SIDC
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Waestok 19
19
1Olketa nogud pipol i gohed fo filim kros blong yu go-go kasem taem yu kilim dae evriwan long olketa, bikos yu save finis wanem bae olketa duim bifoa olketa duim. 2Yu save finis wea nomata olketa letem pipol blong yu fo go, bat olketa sensim maen blong olketa an ran moa bihaen olketa fo kilim olketa dae. 3-4Taem olketa long Ijip i gohed fo sore yet long grev blong olketa pikinini blong olketa hu i dae, olketa barava fogetem nao wanem hemi hapen. An olketa krangge fo tingim olketa pipol blong Israel i ranawe. So olketa ran bihaenem olketa fo kilim olketa dae. Diswan hemi hapen mekem hem olsem pat long panis blong olketa, mekem nogud samting wea hemi stap yet fo olketa hemi mas kasem olketa. 5Olketa pipol long Ijip mas kasem nao disfala dae wea hemi redi finis fo olketa, taem olketa pipol blong yu i gohed long disfala gogo blong olketa.
God hemi gaedem an sevem pipol blong hem
6Yu odarem evrisamting long wol fo sens, mekem no eni nogud samting save kasem olketa pipol blong yu. 7Olketa lukim finis klaod antap long haostent blong olketa, an drae lan wea wata hemi stap long hem. Gras hemi grou an kavam levol eria midol long olketa bikfala wev long Red Si, an hemi mekem isi fo olketa fo wakabaot akros. 8Olketa pipol wea yu lukaftarem i lukim disfala mirakol, an olketa wakabaot go fo narasaet. 9Olketa jam olobaot olsem olketa hos o olketa smol sipsip wea olketa letem aot olketa fo kaikai long gras, an olketa preisim yu Lod fo sevem olketa. 10Olketa rimembarem yet watkaen laef nao olketa stap long hem taem olketa waka olsem slev, an hao olketa anis nao i sensim olketa buluka, an olketa frog nao i fulap long riva fo sensim olketa fis. 11-12Bihaen, taem kaikai hemi nomoa, olketa bed nao i kam long si, mekem olketa kaikaim an fulap. Olketa nating lukim diskaen bed long enitaem bifoa.
Panis blong olketa pipol long Ijip
13Bikfala tanda hemi bosta fo wonem olketa nogud pipol dat panis blong olketa bae hemi kam nao. Olketa safa long disfala panis wea hemi fitim nao bikfala ravis wei blong olketa. No eni pipol long eni kantri i save les tumas long olketa deferen pipol, olsem olketa long Ijip. 14Samfala narafala pipol i save tumas fo no welkamem olketa pipol blong narafala ples hu i kam long olketa. Bat olketa pipol long Ijip ya i mekem olketa pipol long Israel i slev, nomata hemi olsem, olketa pipol long Israel i kaen gud an frengud wetem olketa. 15Pipol long evri kantri bae i panis sapos olketa no welkamem olketa pipol long narafala ples. 16Olketa pipol long Ijip ya, fastaem i hapi fo welkamem olketa deferen pipol, an lukim dat olketa i semsem wetem olketa seleva, bat bihaen olketa mekem olketa pipol long Israel fo safa tumas. 17Bihaen moa, God hemi panisim olketa, an mekem ae blong olketa hemi blaen, olsem olketa man long Sodom taem olketa stanap long doa blong disfala stretfala man ya Lot. Ae blong olketa hemi blaen fogud, an olketa hole olobaot insaet long bikfala dak fo faendem doa long haos blong olketa seleva.
Bikfala paoa blong God
18Evri string long gita hemi garem deferen tiun, bat yu save putum evri tiun tugeta fo mekem gudfala miusik. Hemi olsem long datfala taem wea evrisamting long wol hemi sens. !Hemi gud tumas sapos yu lukim fastaem wanem hemi hapen bifoa! 19Long datfala taem, olketa animol long lan i godaon insaet long riva an olketa fis long riva i kamap long drae lan. 20Long datfala taem tu, faea hemi bone insaet long riva, bat wata nating save kilim dae nomoa faea ya. 21Nomata olsem, disfala faea no save bonem bodi blong olketa animol wea i stap insaet long riva, an hemi no save bonem tu datfala kaikai wea hemi kamdaon long heven wea hemi isi nomoa fo lus olsem diu long moning.
Las toktok
22Lod, yu nao yu mekem olketa pipol blong yu fo garem biknem, an evriwea olketa i tinghae tumas long olketa. An yu nating save fogetem olketa enitaem. Oltaem, yu nao yu helpem olketa long evri ples wea olketa stap long hem.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.