Waestok 18
18
1Bat#Eksodas 13:17-22. fo olketa wea yu siusim, wanfala bikfala laet hemi gohed fo saen long olketa. Olketa enemi i herem nomoa voes blong olketa bat i no save lukim olketa. Olketa joles long gudfala laef blong olketa pipol blong yu, bikos olketa no safa long eni panis. 2Olketa enemi ya save hapi nomoa bikos olketa pipol blong yu wea olketa spoelem i no sensimbaek olketa nogud samting wea olketa duim long olketa. So, olketa pipol long Ijip i askem olketa pipol blong yu fo lusim ples ya.
3Bihaen, yu gaedem olketa pipol blong yu taem olketa go pasim kantri wea olketa no save long hem. Yu gaedem olketa long wanfala bikfala laet blong faea. Hemi olsem san wea hemi no hotem olketa nogud long datfala gogo blong olketa. 4Bat yu no letem evri enemi blong olketa fo lukim disfala laet, an olketa i stap long bikfala tudak olsem long prisin, bikos olketa mekem olketa pipol blong yu fo waka olsem slev. An yu givim disfala laet blong Lo wea hemi stap olowe fo disfala wol long olketa pipol blong yu.
Olketa fas bon long Ijip i dae
5Taem olketa enemi blong yu i planem fo kilim dae evri pikinini boe blong olketa pipol blong yu, wanfala bebi nomoa hemi laef an bihaen olketa tekemaot long basket long riva an sevem hem. Bihaen moa, yu panisim olketa enemi blong yu an kilim dae plande pikinini blong olketa. An yu draonem hol ami blong olketa insaet long wata wea hemi ran strong. 6Bat yu talem finis olketa olo grani blong mifala wanem bae hemi hapen long datfala naet, mekem olketa save hapi an garem strongfala trast long promis blong yu long olketa. 7Olketa pipol blong yu i save finis bae yu sevem olketa pipol wea laef blong olketa hemi stret, an bae yu kilim dae evri enemi blong olketa. 8Long sem wei wea yu panisim olketa enemi blong mifala, yu mekhae long mifala an tekem mifala fo falom yu seleva.
9Long disfala taem, olketa gudfala pipol i gohed fo ofarem haed olketa sakrifaes long yu. An olketa gohed fo talem evriwan fo falom Lo blong God, an helpem olketa wantok blong olketa long gud taem an had taem. Olketa gohed nao fo singim olo singsing fo preisim yu. 10Bat yu herem krae long sore blong olketa enemi blong olketa taem olketa krae fo olketa pikinini blong olketa wea i dae. 11Olketa bikman blong olketa i filim tu sem panis olsem slev blong olketa. An king hemi safa an krae tu fo pikinini blong hem olsem evri narafala pipol. 12Bodi blong olketa man dae hemi plande tumas, an yu no save kaondem olketa. No plande pipol nao i laef fo berem evriwan. Evri naesfala pikinini blong olketa i dae kuiktaem nomoa. Ya, evriwan long olketa i dae long sem wei nomoa. 13Pipol ya i nating wari fo herem eni woning blong yu bat trastem nomoa paoa long majik blong olketa. Bat taem evri fasbon san blong olketa i dae, olketa jes luksave dat Israel nao hemi san blong God.
14Taem hemi kasem midol long naet, evrisamting hemi barava kuaet gud nao. 15Kuiktaem nomoa yu duim wanem yu talem. Toktok blong yu fo jaj hemi go long evri ples, stat kam long sea blong yu fo sidaon olsem king long heven, an hemi godaon stret long ples wea yu laekem fo spoelem. Hemi kam olsem wanfala strongfala soldia. 16Soldia ya hemi gohed fo falom strongfala oda blong yu an hemi yusim wanfala naef fo faet wea hemi sap tumas. Taem hemi stanap long graon, hed blong hem hemi kasem skae, an hemi kilim dae evriwan long evri ples. 17Long datfala taem, olketa pipol hu i kolsap dae i garem olketa nogud drim, an olketa barava fraet fogud. 18Olketa leidaon olobaot evriwea long graon olsem olketa man wea i hafded, an olketa talemaot wanem hemi mekem olketa dae. 19Olketa save finis wanem nao hemi mekem olketa fo kolsap dae, bikos olketa lukim finis insaet long olketa nogud drim blong olketa.
Prea blong Eron hemi sevem olketa blong Israel
20Bihaen#Nambas 16:41-50. kam, olketa stret pipol i dae tu. Wanfala nogud sik hemi kasem olketa taem olketa stap long drae eria, bat kros blong yu long olketa hemi fo lelebet taem nomoa. 21Wanfala stret man hemi kuiktaem fo sevem olketa. Eron hu hemi prist blong olketa hemi prea strong long yu, an hemi bonem insens fo askem yu fo fogivim evri sin blong olketa. Long prea blong hem an disfala insens nao hemi stopem kros blong yu long olketa, an finisim trabol wea hemi kasem olketa pipol blong yu. Hemi duim olsem fo somaot stret dat Eron nao hemi wakaman blong yu. 22Hemi winim datfala hadtaem, bat hemi no long strong blong hemi seleva, o long eni grup long olketa soldia. Nomoa nao. Hemi prea nomoa fo stopem kros blong yu, an askem yu fo tingim olketa promis wea yu mekem wetem olketa olo grani blong mifala bifoa. 23Plande dae bodi i hipap olobaot, bat hemi mekem yu fo holembaek kros blong yu, an stopem disfala nogud samting fo spoelem olketa hu i laef yet. 24Hemi#Eksodas 28:15-30, 36-38. werem longfala kaleko wea olketa putum olketa mak long disfala wol. Fo mekhae long olketa olo grani blong mifala, hemi putum fofala laen long ston wea i saen fogud long sest blong hem. An fo mekhae long paoa blong yu, hemi putum olketa samting wea hemi luknaes long hat blong hem. 25Enjel blong Dae hemi fraetem olketa samting ya, an hemi no duim eni nogud samting moa. Dastawe yu somaot lelebet nomoa long kros blong yu, bat hemi naf nomoa.
Olketa pipol blong Ijip i krangge an wande kilim olketa seleva dae
Currently Selected:
Waestok 18: SIDC
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Waestok 18
18
1Bat#Eksodas 13:17-22. fo olketa wea yu siusim, wanfala bikfala laet hemi gohed fo saen long olketa. Olketa enemi i herem nomoa voes blong olketa bat i no save lukim olketa. Olketa joles long gudfala laef blong olketa pipol blong yu, bikos olketa no safa long eni panis. 2Olketa enemi ya save hapi nomoa bikos olketa pipol blong yu wea olketa spoelem i no sensimbaek olketa nogud samting wea olketa duim long olketa. So, olketa pipol long Ijip i askem olketa pipol blong yu fo lusim ples ya.
3Bihaen, yu gaedem olketa pipol blong yu taem olketa go pasim kantri wea olketa no save long hem. Yu gaedem olketa long wanfala bikfala laet blong faea. Hemi olsem san wea hemi no hotem olketa nogud long datfala gogo blong olketa. 4Bat yu no letem evri enemi blong olketa fo lukim disfala laet, an olketa i stap long bikfala tudak olsem long prisin, bikos olketa mekem olketa pipol blong yu fo waka olsem slev. An yu givim disfala laet blong Lo wea hemi stap olowe fo disfala wol long olketa pipol blong yu.
Olketa fas bon long Ijip i dae
5Taem olketa enemi blong yu i planem fo kilim dae evri pikinini boe blong olketa pipol blong yu, wanfala bebi nomoa hemi laef an bihaen olketa tekemaot long basket long riva an sevem hem. Bihaen moa, yu panisim olketa enemi blong yu an kilim dae plande pikinini blong olketa. An yu draonem hol ami blong olketa insaet long wata wea hemi ran strong. 6Bat yu talem finis olketa olo grani blong mifala wanem bae hemi hapen long datfala naet, mekem olketa save hapi an garem strongfala trast long promis blong yu long olketa. 7Olketa pipol blong yu i save finis bae yu sevem olketa pipol wea laef blong olketa hemi stret, an bae yu kilim dae evri enemi blong olketa. 8Long sem wei wea yu panisim olketa enemi blong mifala, yu mekhae long mifala an tekem mifala fo falom yu seleva.
9Long disfala taem, olketa gudfala pipol i gohed fo ofarem haed olketa sakrifaes long yu. An olketa gohed fo talem evriwan fo falom Lo blong God, an helpem olketa wantok blong olketa long gud taem an had taem. Olketa gohed nao fo singim olo singsing fo preisim yu. 10Bat yu herem krae long sore blong olketa enemi blong olketa taem olketa krae fo olketa pikinini blong olketa wea i dae. 11Olketa bikman blong olketa i filim tu sem panis olsem slev blong olketa. An king hemi safa an krae tu fo pikinini blong hem olsem evri narafala pipol. 12Bodi blong olketa man dae hemi plande tumas, an yu no save kaondem olketa. No plande pipol nao i laef fo berem evriwan. Evri naesfala pikinini blong olketa i dae kuiktaem nomoa. Ya, evriwan long olketa i dae long sem wei nomoa. 13Pipol ya i nating wari fo herem eni woning blong yu bat trastem nomoa paoa long majik blong olketa. Bat taem evri fasbon san blong olketa i dae, olketa jes luksave dat Israel nao hemi san blong God.
14Taem hemi kasem midol long naet, evrisamting hemi barava kuaet gud nao. 15Kuiktaem nomoa yu duim wanem yu talem. Toktok blong yu fo jaj hemi go long evri ples, stat kam long sea blong yu fo sidaon olsem king long heven, an hemi godaon stret long ples wea yu laekem fo spoelem. Hemi kam olsem wanfala strongfala soldia. 16Soldia ya hemi gohed fo falom strongfala oda blong yu an hemi yusim wanfala naef fo faet wea hemi sap tumas. Taem hemi stanap long graon, hed blong hem hemi kasem skae, an hemi kilim dae evriwan long evri ples. 17Long datfala taem, olketa pipol hu i kolsap dae i garem olketa nogud drim, an olketa barava fraet fogud. 18Olketa leidaon olobaot evriwea long graon olsem olketa man wea i hafded, an olketa talemaot wanem hemi mekem olketa dae. 19Olketa save finis wanem nao hemi mekem olketa fo kolsap dae, bikos olketa lukim finis insaet long olketa nogud drim blong olketa.
Prea blong Eron hemi sevem olketa blong Israel
20Bihaen#Nambas 16:41-50. kam, olketa stret pipol i dae tu. Wanfala nogud sik hemi kasem olketa taem olketa stap long drae eria, bat kros blong yu long olketa hemi fo lelebet taem nomoa. 21Wanfala stret man hemi kuiktaem fo sevem olketa. Eron hu hemi prist blong olketa hemi prea strong long yu, an hemi bonem insens fo askem yu fo fogivim evri sin blong olketa. Long prea blong hem an disfala insens nao hemi stopem kros blong yu long olketa, an finisim trabol wea hemi kasem olketa pipol blong yu. Hemi duim olsem fo somaot stret dat Eron nao hemi wakaman blong yu. 22Hemi winim datfala hadtaem, bat hemi no long strong blong hemi seleva, o long eni grup long olketa soldia. Nomoa nao. Hemi prea nomoa fo stopem kros blong yu, an askem yu fo tingim olketa promis wea yu mekem wetem olketa olo grani blong mifala bifoa. 23Plande dae bodi i hipap olobaot, bat hemi mekem yu fo holembaek kros blong yu, an stopem disfala nogud samting fo spoelem olketa hu i laef yet. 24Hemi#Eksodas 28:15-30, 36-38. werem longfala kaleko wea olketa putum olketa mak long disfala wol. Fo mekhae long olketa olo grani blong mifala, hemi putum fofala laen long ston wea i saen fogud long sest blong hem. An fo mekhae long paoa blong yu, hemi putum olketa samting wea hemi luknaes long hat blong hem. 25Enjel blong Dae hemi fraetem olketa samting ya, an hemi no duim eni nogud samting moa. Dastawe yu somaot lelebet nomoa long kros blong yu, bat hemi naf nomoa.
Olketa pipol blong Ijip i krangge an wande kilim olketa seleva dae
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.