Waestok 11
11
1Waes#Eksodas 15:22—17:16. hemi mekem wanfala holi profet hemi lidim olketa pipol long Israel fo win. 2Olketa wakabaot akros long drae eria wea no eniwan hemi stap long hem, an putumap haostent long ples wea no eniwan hemi kasem yet bifoa. 3Olketa stanap strong tumas fo faet agensim olketa enemi blong olketa. 4Lod, taem olketa pipol blong yu i wande dring, olketa krae go long yu, an yu givim wata wea hemi kamaot long bikfala ston fo olketa. 5Olketa nogud samting wea hemi kasem olketa long Ijip fo panisim olketa, hem nao hemi sevem olketa pipol blong yu taem trabol hemi kasem olketa.
Panis blong olketa pipol long Ijip
6-8Bikos olketa pipol long Ijip i mekem lo fo kilim dae evri bebi blong mifala Israel, yu Lod yu mekem riva blong olketa fulap long blad.
Taem olketa pipol blong yu i stap long drae eria, yu mekem olketa dae fo laekem wata, mekem olketa filim bikfala panis wea yu givim long enemi blong olketa. Bihaen, taem olketa nating save nomoa, yu givim olketa plande wata moa. 9Taem yu testem olketa, nomata yu laekem fo tising olketa fo som lav blong yu long olketa, olketa luksave hao yu panisim olketa nogud pipol, taem yu kros an jajem olketa. 10Yu testem olketa pipol blong yu olsem taem mami an dadi i testem olketa pikinini blong tufala fo wonem olketa. Bat yu jajem olketa enemi blong olketa olsem wanfala had king hu hemi spoelem olketa enemi blong hem. 11Olketa safa nao, nomata olketa stap kolsap long pipol blong yu o farawe. 12Yu dabolem sore blong olketa an olketa krae taem olketa lukbaek long wanem hemi hapen. 13Taem olketa luksave dat disfala panis wea yu mekem fo olketa yu duim fo mekem olketa pipol blong yu fo kamap gud, olketa jes luksave wea yu Lod nao mekem fo hemi hapen olsem. 14Taem Mosis hemi bebi yet, olketa putum hem insaet long wanfala smol basket, an putum hem go long riva. Taem hemi bikman, king hemi les long hem an tokspoelem hem. Bat bihaen, king hemi sapraes tumas long olketa bikfala samting wea hemi duim. Hemi lukim dat olketa pipol long Israel olketa no save sot long gud wata olsem olketa pipol long Ijip.
15Nogud#Eksodas 8:1-24; 10:12-15. wei blong olketa pipol long Ijip hemi lidim olketa rong fo garem olketa krangge tingting. So, olketa gohed fo wosipim olketa snek an olketa narafala ravis animol, an enikaen samting wea i no garem eni paoa fo save long enisamting. Bikos olketa long Ijip i duim olketa nogud samting olsem, yu panisim olketa long plande kaen animol olsem olketa wosipim. 16Ya, yu tisim olketa dat panis fo sin hemi nogud tu olsem sin. 17Lod, yu garem evri paoa, an yu mekem disfala wol long nating nomoa. Yu save panisim olketa nomoa fo sendem staka bea an laeon fo kaikaim olketa. 18Yu save mekem tu olketa niu animol wea i wael fogud, an wea faea an smok save kamaot long maos blong olketa an mekem bikfala noes, o faea hemi save kamaot long ae blong olketa. 19An yu save mekem tu olketa animol wea olketa no nidim fo kilim olketa pipol dae, bat taem pipol olketa lukim go olketa, olketa fraet tumas an olketa dae nating. 20Bat hemi no nidim nomoa fo yu duim diswan. Ya, yu save jajem olketa o kilim olketa dae nomoa long paoa blong yu. Bat long tingting blong yu, yu laekem fo mesarem an kaondem an skelem evrisamting wea yu duim.
God hemi strong an garem lav fo pipol
21Lod, yu save som nomoa bikfala paoa blong yu enitaem yu laekem, an no eniwan save stopem yu. 22Long ae blong yu, hevi blong disfala wol hemi olsem nomoa wanfala pis long sanbis, o wanfala drop blong diu long moning. 23Yu strong tumas fo duim enisamting nomoa wea yu laekem, bat yu save sore long evriwan. Nomata yu lukim long olketa sin blong mifala, yu givim mifala taem fo tanebaek kam moa long yu. 24Yu lavem evrisamting wea hemi stap long disfala wol, an yu no les long enisamting wea yu mekem. Ya, sapos yu no laekem enisamting, hemi fitim fo yu no mekem kam long wol ya. 25?Hao nao enisamting save stap, sapos yu no mekem? ?Hao nao hemi save stap longtaem, sapos yu no wandem fo hemi stap? 26O Lod, yu nao yu letem evrisamting fo stap, bikos evrisamting ya hemi blong yu nao, an yu lavem evrisamting wea hemi laef.
Currently Selected:
Waestok 11: SIDC
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Waestok 11
11
1Waes#Eksodas 15:22—17:16. hemi mekem wanfala holi profet hemi lidim olketa pipol long Israel fo win. 2Olketa wakabaot akros long drae eria wea no eniwan hemi stap long hem, an putumap haostent long ples wea no eniwan hemi kasem yet bifoa. 3Olketa stanap strong tumas fo faet agensim olketa enemi blong olketa. 4Lod, taem olketa pipol blong yu i wande dring, olketa krae go long yu, an yu givim wata wea hemi kamaot long bikfala ston fo olketa. 5Olketa nogud samting wea hemi kasem olketa long Ijip fo panisim olketa, hem nao hemi sevem olketa pipol blong yu taem trabol hemi kasem olketa.
Panis blong olketa pipol long Ijip
6-8Bikos olketa pipol long Ijip i mekem lo fo kilim dae evri bebi blong mifala Israel, yu Lod yu mekem riva blong olketa fulap long blad.
Taem olketa pipol blong yu i stap long drae eria, yu mekem olketa dae fo laekem wata, mekem olketa filim bikfala panis wea yu givim long enemi blong olketa. Bihaen, taem olketa nating save nomoa, yu givim olketa plande wata moa. 9Taem yu testem olketa, nomata yu laekem fo tising olketa fo som lav blong yu long olketa, olketa luksave hao yu panisim olketa nogud pipol, taem yu kros an jajem olketa. 10Yu testem olketa pipol blong yu olsem taem mami an dadi i testem olketa pikinini blong tufala fo wonem olketa. Bat yu jajem olketa enemi blong olketa olsem wanfala had king hu hemi spoelem olketa enemi blong hem. 11Olketa safa nao, nomata olketa stap kolsap long pipol blong yu o farawe. 12Yu dabolem sore blong olketa an olketa krae taem olketa lukbaek long wanem hemi hapen. 13Taem olketa luksave dat disfala panis wea yu mekem fo olketa yu duim fo mekem olketa pipol blong yu fo kamap gud, olketa jes luksave wea yu Lod nao mekem fo hemi hapen olsem. 14Taem Mosis hemi bebi yet, olketa putum hem insaet long wanfala smol basket, an putum hem go long riva. Taem hemi bikman, king hemi les long hem an tokspoelem hem. Bat bihaen, king hemi sapraes tumas long olketa bikfala samting wea hemi duim. Hemi lukim dat olketa pipol long Israel olketa no save sot long gud wata olsem olketa pipol long Ijip.
15Nogud#Eksodas 8:1-24; 10:12-15. wei blong olketa pipol long Ijip hemi lidim olketa rong fo garem olketa krangge tingting. So, olketa gohed fo wosipim olketa snek an olketa narafala ravis animol, an enikaen samting wea i no garem eni paoa fo save long enisamting. Bikos olketa long Ijip i duim olketa nogud samting olsem, yu panisim olketa long plande kaen animol olsem olketa wosipim. 16Ya, yu tisim olketa dat panis fo sin hemi nogud tu olsem sin. 17Lod, yu garem evri paoa, an yu mekem disfala wol long nating nomoa. Yu save panisim olketa nomoa fo sendem staka bea an laeon fo kaikaim olketa. 18Yu save mekem tu olketa niu animol wea i wael fogud, an wea faea an smok save kamaot long maos blong olketa an mekem bikfala noes, o faea hemi save kamaot long ae blong olketa. 19An yu save mekem tu olketa animol wea olketa no nidim fo kilim olketa pipol dae, bat taem pipol olketa lukim go olketa, olketa fraet tumas an olketa dae nating. 20Bat hemi no nidim nomoa fo yu duim diswan. Ya, yu save jajem olketa o kilim olketa dae nomoa long paoa blong yu. Bat long tingting blong yu, yu laekem fo mesarem an kaondem an skelem evrisamting wea yu duim.
God hemi strong an garem lav fo pipol
21Lod, yu save som nomoa bikfala paoa blong yu enitaem yu laekem, an no eniwan save stopem yu. 22Long ae blong yu, hevi blong disfala wol hemi olsem nomoa wanfala pis long sanbis, o wanfala drop blong diu long moning. 23Yu strong tumas fo duim enisamting nomoa wea yu laekem, bat yu save sore long evriwan. Nomata yu lukim long olketa sin blong mifala, yu givim mifala taem fo tanebaek kam moa long yu. 24Yu lavem evrisamting wea hemi stap long disfala wol, an yu no les long enisamting wea yu mekem. Ya, sapos yu no laekem enisamting, hemi fitim fo yu no mekem kam long wol ya. 25?Hao nao enisamting save stap, sapos yu no mekem? ?Hao nao hemi save stap longtaem, sapos yu no wandem fo hemi stap? 26O Lod, yu nao yu letem evrisamting fo stap, bikos evrisamting ya hemi blong yu nao, an yu lavem evrisamting wea hemi laef.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.