Sirak 26
26
1Hasban hu hemi maritim gudfala waef, hem nao hemi hapi, bikos bae hemi laef fo longtaem. 2Gudfala woman olsem hemi mekem hasban blong hem hapi tumas, an hemi save garem piis long hol laef blong hem. 3Gudfala waef hemi olsem wanfala nambawan blesing wea Lod hemi givim long olketa hu i tinghae long hem. 4Nomata olketa man olsem i ris o pua, bae olketa i hapi an oltaem olketa save luk hapi.
5Fofala samting nao mi save fraet tumas long hem. Olketa ya nao i olsem:
fo stori nogud olobaot long taon,
fo hipimap olketa nogud pipol,
fo talem laea stori abaotem narafala pipol.
(Trifala samting ya, hemi nogud tumas winim dae.)
6Bat woman hu hemi joles
long narafala woman nao,
hemi barava nogud tumas,
an hemi save mekem hed blong man hemi soa,
hemi mekem man fo sore tumas.
An tang blong hem hemi redi nomoa
fo katem eniwan olsem wanfala sap naef.
7Nogud woman hemi olsem stik fo putum long nek blong buluka wea hemi no fitim. Ya, fo kontrolem hem, hemi olsem wea yu holem wanfala skopion. 8Woman wea hemi drang save mekem hasban blong hem fo kros tumas. An hemi no save haedem nao wei fo meksem long hem seleva. 9Yu save luksave nomoa long nogud woman, long wei wea hemi luk long yu, an wei wea hemi tanem ae blong hem long yu.
10Sapos dota blong yu hemi les fo falom toktok blong yu an wande falom wei blong hem seleva, yu mas lukluk gud long hem. 11Sapos hemi wande bosim hem seleva olowe, yu mas lukluk gud long hem. An no sapraes sapos hemi meksem long yu. 12Bae hemi leidaon nomoa wetem eni man wea hemi laekem, olsem man hu hemi go long farawe ples save dringim nomoa eni wata wea hemi faendem.
13Gudfala woman save mekem hasban blong hem hapi tumas. Olketa gudfala samting wea hemi save duim, hemi mekem maen blong hasban hemi kamap strong. 14Woman wea hemi no toktok tumas, hem nao wanfala gif blong Lod. Wei wea hemi save kontrolem hem seleva hemi barava gudfala samting tumas. 15Woman hu hemi lukaftarem hem seleva gudfala, hemi barava nambawan woman. 16Luknaes blong gudfala woman hu hemi lukaftarem gudfala long haos blong hem, hemi olsem san wea hemi saen kam long midol de. 17Fes blong hem an bodi blong hem hemi luknaes fogud, an hemi saen olsem laet wea hemi saen kamaot long tambu laet insaet long Tambuhaos. 18Tufala lek blong hem hemi stanap strong olsem tambu laet wea hemi stanap strong insaet long Tambuhaos.
19San, yu mas lukaftarem gud bodi blong yu taem yu yang yet. An no westem strong blong yu long olketa olobaot woman. 20Fo faendem gudfala waef, hemi olsem wea yu faendem wanfala gud ples fo wakem gaden. Yu mas duim diswan mekem yu garem plande pikinini, an traeb blong yu bae hemi kamap strong. 21Long diswan nao olketa pikinini blong yu bae i stap gudfala. An laen blong yu bae hemi kamap strong an garem biknem. 22Juri woman hemi nogud moa winim spit, an marit woman hu hemi go olobaot, hemi ples fo dae blong olketa man. 23Man hu hemi les long Lo blong God, bae hemi maritim wanfala nogud woman. An man hu hemi tinghae long Lod, bae hemi givim hem wanfala gudfala waef. 24Woman hu hemi no save sem, hemi save duim olketa ravis samting. Bat gudfala woman bae save kontrolem hem seleva, nomata taem hemi stap seleva wetem hasban blong hem. 25Sapos woman hemi duim nomoa wanem hemi laekem, hemi olsem dog. Bat sapos hemi sem fo durong, bae hemi save tinghae long Lod. 26Sapos woman hemi mekhae long hasban blong hem, evriwan save talem dat hemi wanfala waes woman ya. Bat sapos hemi praod an hemi no tinghae long hasban blong hem, bae pipol i luksave wea hemi wanfala nogud woman. Ya, man hu hemi maritim gudfala woman, bae hemi hapi an hemi laef fo longtaem. 27Bat woman hu hemi toktok tumas, hemi olsem konsel olketa bloum fo statem faet. Man hemi maritim kaen woman olsem bae tufala faet olowe nao.
Olketa samting save mekem man sore
28Trifala samting nao hemi save mekem mi sore an mi save kros tumas. Olketa ya nao i olsem:
wanfala soldia hu hemi pua,
waes pipol wea pipol no tinghae long olketa,
an stret man hu hemi kamap nogud.
!Bae Lod hemi panisim kaen man olsem fo dae!
29Man hu hemi save salem olketa samting hemi had fo hem toktru olowe. Evri man olsem, olketa save sin.
Currently Selected:
Sirak 26: SIDC
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Sirak 26
26
1Hasban hu hemi maritim gudfala waef, hem nao hemi hapi, bikos bae hemi laef fo longtaem. 2Gudfala woman olsem hemi mekem hasban blong hem hapi tumas, an hemi save garem piis long hol laef blong hem. 3Gudfala waef hemi olsem wanfala nambawan blesing wea Lod hemi givim long olketa hu i tinghae long hem. 4Nomata olketa man olsem i ris o pua, bae olketa i hapi an oltaem olketa save luk hapi.
5Fofala samting nao mi save fraet tumas long hem. Olketa ya nao i olsem:
fo stori nogud olobaot long taon,
fo hipimap olketa nogud pipol,
fo talem laea stori abaotem narafala pipol.
(Trifala samting ya, hemi nogud tumas winim dae.)
6Bat woman hu hemi joles
long narafala woman nao,
hemi barava nogud tumas,
an hemi save mekem hed blong man hemi soa,
hemi mekem man fo sore tumas.
An tang blong hem hemi redi nomoa
fo katem eniwan olsem wanfala sap naef.
7Nogud woman hemi olsem stik fo putum long nek blong buluka wea hemi no fitim. Ya, fo kontrolem hem, hemi olsem wea yu holem wanfala skopion. 8Woman wea hemi drang save mekem hasban blong hem fo kros tumas. An hemi no save haedem nao wei fo meksem long hem seleva. 9Yu save luksave nomoa long nogud woman, long wei wea hemi luk long yu, an wei wea hemi tanem ae blong hem long yu.
10Sapos dota blong yu hemi les fo falom toktok blong yu an wande falom wei blong hem seleva, yu mas lukluk gud long hem. 11Sapos hemi wande bosim hem seleva olowe, yu mas lukluk gud long hem. An no sapraes sapos hemi meksem long yu. 12Bae hemi leidaon nomoa wetem eni man wea hemi laekem, olsem man hu hemi go long farawe ples save dringim nomoa eni wata wea hemi faendem.
13Gudfala woman save mekem hasban blong hem hapi tumas. Olketa gudfala samting wea hemi save duim, hemi mekem maen blong hasban hemi kamap strong. 14Woman wea hemi no toktok tumas, hem nao wanfala gif blong Lod. Wei wea hemi save kontrolem hem seleva hemi barava gudfala samting tumas. 15Woman hu hemi lukaftarem hem seleva gudfala, hemi barava nambawan woman. 16Luknaes blong gudfala woman hu hemi lukaftarem gudfala long haos blong hem, hemi olsem san wea hemi saen kam long midol de. 17Fes blong hem an bodi blong hem hemi luknaes fogud, an hemi saen olsem laet wea hemi saen kamaot long tambu laet insaet long Tambuhaos. 18Tufala lek blong hem hemi stanap strong olsem tambu laet wea hemi stanap strong insaet long Tambuhaos.
19San, yu mas lukaftarem gud bodi blong yu taem yu yang yet. An no westem strong blong yu long olketa olobaot woman. 20Fo faendem gudfala waef, hemi olsem wea yu faendem wanfala gud ples fo wakem gaden. Yu mas duim diswan mekem yu garem plande pikinini, an traeb blong yu bae hemi kamap strong. 21Long diswan nao olketa pikinini blong yu bae i stap gudfala. An laen blong yu bae hemi kamap strong an garem biknem. 22Juri woman hemi nogud moa winim spit, an marit woman hu hemi go olobaot, hemi ples fo dae blong olketa man. 23Man hu hemi les long Lo blong God, bae hemi maritim wanfala nogud woman. An man hu hemi tinghae long Lod, bae hemi givim hem wanfala gudfala waef. 24Woman hu hemi no save sem, hemi save duim olketa ravis samting. Bat gudfala woman bae save kontrolem hem seleva, nomata taem hemi stap seleva wetem hasban blong hem. 25Sapos woman hemi duim nomoa wanem hemi laekem, hemi olsem dog. Bat sapos hemi sem fo durong, bae hemi save tinghae long Lod. 26Sapos woman hemi mekhae long hasban blong hem, evriwan save talem dat hemi wanfala waes woman ya. Bat sapos hemi praod an hemi no tinghae long hasban blong hem, bae pipol i luksave wea hemi wanfala nogud woman. Ya, man hu hemi maritim gudfala woman, bae hemi hapi an hemi laef fo longtaem. 27Bat woman hu hemi toktok tumas, hemi olsem konsel olketa bloum fo statem faet. Man hemi maritim kaen woman olsem bae tufala faet olowe nao.
Olketa samting save mekem man sore
28Trifala samting nao hemi save mekem mi sore an mi save kros tumas. Olketa ya nao i olsem:
wanfala soldia hu hemi pua,
waes pipol wea pipol no tinghae long olketa,
an stret man hu hemi kamap nogud.
!Bae Lod hemi panisim kaen man olsem fo dae!
29Man hu hemi save salem olketa samting hemi had fo hem toktru olowe. Evri man olsem, olketa save sin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.