Sirak 25
25
Wei fo preisim pipol
1Trifala samting nao mi barava hapi long hem, trifala samting ya Lod hemi laekem an pipol i laekem tu. Trifala ya nao i olsem:
olketa brata i waka gud tugeta,
pipol hu i stap tugeta i fren gudfala
an marit pipol tufala i stap hapi tugeta.
2Trifala kaen pipol nao mi barava nating laekem, an wei blong olketa hemi barava nogud tumas. Trifala ya nao i olsem:
pua pipol hu i praod,
ris pipol hu i save laea
an olketa krangge oloman hu i durong wetem narafala woman.
3Sapos yu no lanem olketa samting ya taem yu yang yet, bae yu nating waes taem yu olo. 4Gudfala wei fo jaj, gudfala advaes, an grei hea, trifala ya i save go tugeta gud tumas. 5Fo Waes, fo Save an fo givim toktok wea hemi stret, trifala ya i fitim olketa olo wea pipol i tinghae long olketa. 6Longfala laef nao hemi olsem kraon wea olketa olo i werem, an olketa save tokpraod nomoa abaotem wei wea olketa tinghae long Lod.
7Bae mi talem yu abaotem tenfala deferen kaen pipol wea mi hapi fo save, an mekten nao hemi winim evriwan. Olketa ya nao i olsem:
man hu hemi hapi an filpraod long evri pikinini blong hem,
man hu hemi stap laef fo lukim taem enemi blong hem i lus,
8man hu hemi lake
bikos hemi garem waef
wetem gudfala tingting,
tufala marit pipol wea laef blong tufala hemi semsem,
man hu hemi nating save tok nogud,
man hu hemi no waka fo narawan hu hemi no save tumas winim hem,
9man hu hemi lake tumas
fo garem trufala fren,
man wea pipol i no les fo lisin long hem.
10An barava bikwan
long olketa nao,
man hu hemi waes.
Bat wanfala wea hemi barava bik tumas winim evriwan nao,
man hu hemi tinghae long Lod.
11-12No eniwan nao hemi semsem olsem hem, bikos fo tinghae long Lod nao hemi barava impoten tumas winim evrisamting long wol.
Advaes abaotem olketa woman
13No eni kat long bodi hemi bik tumas an hemi nogud tumas winim taem haat blong man hemi brek long sore. An no eni trabol hemi nogud tumas olsem trabol wea olketa woman save kosim. 14No eni safaring hemi nogud tumas winim safaring wea olketa pipol hu i les long yu i mekem. An no enisamting hemi nogud tumas winim nogud samting wea olketa enemi blong yu save sensimbaek long yu. 15No eni poesen hemi strong tumas fo kilim man dae winim poesin blong snek. An no eni kros blong man save kilim man dae olsem kros blong woman.
16Mi save stap nomoa long sem haos wetem laeon o draegon, bat mi les tumas fo stap tugeta wetem woman hu hemi nogud tumas. 17Taem woman hemi kros, lukluk blong hem hemi sens, an hemi luk olsem nao wanfala wael dog. 18Hasban blong woman ya mas go kaikai nao wetem olketa deferen pipol, an hemi no save holembaek nao disfala saoa insaet bele blong hem.
19Sapos yu garem olketa trabol wea woman hemi save mekem, i barava luk bik tumas, an olketa narakaen trabol olketa save hapen, i luk olsem olketa smol tumas. !Diskaen woman olsem hemi fitim fo safa an panis olsem evri nogud pipol!
20Wanfala kuaet man hu hemi stap wetem woman hu hemi toktok tumas, hemi olsem oloman hemi klaemap wanfala hil long sanbis.
21No kavetem woman bikos hemi luknaes, an no laekem woman bikos hemi ris. 22Taem woman nomoa hemi sapotem hasban blong hem, bae woman ya hemi kros an praod, an hemi tokdaonem hasban blong hem. 23Nogud woman hemi save brekem haat blong hasban blong hem, mekem hem barava filnogud an sore tumas. Yu som mi wanfala man hu i les long evrisamting, an bae mi som yu wanfala woman hu hemi no save mekem hasban blong hem hapi. 24Long woman nao sin hemi stat, an yumi evriwan nao i dae long sin blong hem. 25No letem nogud waef ya fo tekova long yu, nogud hemi olsem wanfala tangk wea hemi lik an wata hemi ran nating. 26An sapos hemi no save duim wanem yu talem hem fo duim, oraet, lusim hem.
Currently Selected:
Sirak 25: SIDC
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Sirak 25
25
Wei fo preisim pipol
1Trifala samting nao mi barava hapi long hem, trifala samting ya Lod hemi laekem an pipol i laekem tu. Trifala ya nao i olsem:
olketa brata i waka gud tugeta,
pipol hu i stap tugeta i fren gudfala
an marit pipol tufala i stap hapi tugeta.
2Trifala kaen pipol nao mi barava nating laekem, an wei blong olketa hemi barava nogud tumas. Trifala ya nao i olsem:
pua pipol hu i praod,
ris pipol hu i save laea
an olketa krangge oloman hu i durong wetem narafala woman.
3Sapos yu no lanem olketa samting ya taem yu yang yet, bae yu nating waes taem yu olo. 4Gudfala wei fo jaj, gudfala advaes, an grei hea, trifala ya i save go tugeta gud tumas. 5Fo Waes, fo Save an fo givim toktok wea hemi stret, trifala ya i fitim olketa olo wea pipol i tinghae long olketa. 6Longfala laef nao hemi olsem kraon wea olketa olo i werem, an olketa save tokpraod nomoa abaotem wei wea olketa tinghae long Lod.
7Bae mi talem yu abaotem tenfala deferen kaen pipol wea mi hapi fo save, an mekten nao hemi winim evriwan. Olketa ya nao i olsem:
man hu hemi hapi an filpraod long evri pikinini blong hem,
man hu hemi stap laef fo lukim taem enemi blong hem i lus,
8man hu hemi lake
bikos hemi garem waef
wetem gudfala tingting,
tufala marit pipol wea laef blong tufala hemi semsem,
man hu hemi nating save tok nogud,
man hu hemi no waka fo narawan hu hemi no save tumas winim hem,
9man hu hemi lake tumas
fo garem trufala fren,
man wea pipol i no les fo lisin long hem.
10An barava bikwan
long olketa nao,
man hu hemi waes.
Bat wanfala wea hemi barava bik tumas winim evriwan nao,
man hu hemi tinghae long Lod.
11-12No eniwan nao hemi semsem olsem hem, bikos fo tinghae long Lod nao hemi barava impoten tumas winim evrisamting long wol.
Advaes abaotem olketa woman
13No eni kat long bodi hemi bik tumas an hemi nogud tumas winim taem haat blong man hemi brek long sore. An no eni trabol hemi nogud tumas olsem trabol wea olketa woman save kosim. 14No eni safaring hemi nogud tumas winim safaring wea olketa pipol hu i les long yu i mekem. An no enisamting hemi nogud tumas winim nogud samting wea olketa enemi blong yu save sensimbaek long yu. 15No eni poesen hemi strong tumas fo kilim man dae winim poesin blong snek. An no eni kros blong man save kilim man dae olsem kros blong woman.
16Mi save stap nomoa long sem haos wetem laeon o draegon, bat mi les tumas fo stap tugeta wetem woman hu hemi nogud tumas. 17Taem woman hemi kros, lukluk blong hem hemi sens, an hemi luk olsem nao wanfala wael dog. 18Hasban blong woman ya mas go kaikai nao wetem olketa deferen pipol, an hemi no save holembaek nao disfala saoa insaet bele blong hem.
19Sapos yu garem olketa trabol wea woman hemi save mekem, i barava luk bik tumas, an olketa narakaen trabol olketa save hapen, i luk olsem olketa smol tumas. !Diskaen woman olsem hemi fitim fo safa an panis olsem evri nogud pipol!
20Wanfala kuaet man hu hemi stap wetem woman hu hemi toktok tumas, hemi olsem oloman hemi klaemap wanfala hil long sanbis.
21No kavetem woman bikos hemi luknaes, an no laekem woman bikos hemi ris. 22Taem woman nomoa hemi sapotem hasban blong hem, bae woman ya hemi kros an praod, an hemi tokdaonem hasban blong hem. 23Nogud woman hemi save brekem haat blong hasban blong hem, mekem hem barava filnogud an sore tumas. Yu som mi wanfala man hu i les long evrisamting, an bae mi som yu wanfala woman hu hemi no save mekem hasban blong hem hapi. 24Long woman nao sin hemi stat, an yumi evriwan nao i dae long sin blong hem. 25No letem nogud waef ya fo tekova long yu, nogud hemi olsem wanfala tangk wea hemi lik an wata hemi ran nating. 26An sapos hemi no save duim wanem yu talem hem fo duim, oraet, lusim hem.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.